ဒီနေ့က လင်းထွဋ်သော်၏ ကော်ဖီဆိုင်ဖြစ်သည့်
Cafe Viva စဖွင့်ခဲ့သည်မှာ တစ်နှစ်ပြည့်သည့်နေ့ဖြစ်သည်။ တစ်နှစ်ပြည့်သည့်အထိမ်းအမှတ်အတွက်
လင်းထွဋ်သော်က ဝန်ထမ်းတွေကို
စားသောက်ဆိုင်ကောင်းကောင်းတွင်
ညစာကျွေးကာ လက်ဆောင်ပစ္စည်းများ
ပေးသည့် ၊ ဝန်ထမ်းကောင်းများကို ဆုချသည့်
ပွဲလေးလုပ်ပေးဖြစ်ခဲ့သည်။ထိုပွဲပြီးသည့်အခါတွင် ည ၉ နာရီခွဲခန့်ပင်ရှိနေပေပြီ။
"ကျွန်တော်တို့သွားတော့မယ်ဗျ အစ်ကို"
"ညစာအတွက်ကျေးဇူးပါရှင့်"
"ဟုတ်ကဲ့ဗျ ။ ဂရုစိုက်ပြန်ကြဦးနော်"
"အစ်ကိုလည်း ပြန်တော့မယ်။
မနက်ဖြန်မှဆိုင်မှာတွေ့မယ်နော် လင်းထွဋ်""ဟုတ်ကဲ့ ကိုမျိုး"
ဆိုင်က ဝန်ထမ်းတွေနဲ့ နှုတ်ဆက်ပြီးသည့်နောက်တွင်
လင်းထွဋ်သော် ကားရပ်ထားခဲ့သည့် နေရာသို့
လျှောက်လာခဲ့လိုက်၏ ။ထို့နောက်အိမ်သို့ပြန်ရန် ကားစက်ကို နှိုးလိုက်သည့်
အခါ ပုံမှန်မဟုတ်သည့် ကားစက်သံကို
ကြားလိုက်ရကာ ကားကရပ်သွားခဲ့သည်။
လင်းထွဋ်သော် မျက်လုံးလေးများဝိုင်းသွားပြီး
နောက်တစ်ခေါက်ပြန်နှိုးလိုက်သည့် အခါတွင်မူ
စက်ကမနိုးလာတော့ပေ။လင်းထွဋ်သော် ခေါင်းကို တစ်ချက် ကုတ်လိုက်မိ၏။
လင်းထွဋ်သော်က ကားသာမောင်းတတ်၍
ကားအကြောင်း ဘာမှသိပ်နားမလည်၊ ကားကိုလည်း
တစ်ခုခု ဖြစ်သွားပါမှ မြတ်သွင်ကိုအကူအညီတောင်းကာဝပ်ရှော့ပို့လိုက်တာကလွဲ အမြဲတမ်း သ နေတတ်တဲ့လူ
မဟုတ်။ကားကိစ္စနဲ့ပတ်သက်လျှင် အမြဲတမ်း
မြတ်သွင်ကပဲ လိုက်လုပ်ပးနေကျဖြစ်၍ သူ့ဖုန်းထဲမှာ
ဝပ်ရှော့ကဖုန်းနံပါတ်ပါ ရှိမနေခဲ့ပေ။လင်းထွဋ်သော်ခဏမျှ စဉ်းစားနေပြီးမှ
ဖုန်းကိုယူလိုက်သည်။အခုရောက်နေတဲ့ဆိုင်က မြတ်သွင်တို့ရဲ့
ဖုန်းဆိုင်နဲ့နီးတာကြောင့် မြတ်သွင်တို့ကိုပဲ
အကူအညီတောင်းရတော့မည်။
ပထမဆုံးသူ့ကို လာကြိုခိုင်းပြီး ၊ပြီးမှသာ
မြတ်သွင်ကို ဝပ်ရှော့ကို ဖုန်းဆက်ခိုင်းကာ ကားကို
လာယူခိုင်းလိုက်တော့ဖို့ စိတ်ကူးထားလိုက်၏။
![](https://img.wattpad.com/cover/351922130-288-k577782.jpg)
ESTÁS LEYENDO
ချစ်ခြင်း၌ တစ်ဖက်သတ်ငြိတွယ်မှု [Completed]
RomanceHe's toxic but I can't get away from him . Slowburn/slowromance Seme asshole/possessive/redflag Read at your own risk . Own Characters. Started date - Oct 17 2023