مِن أينَ أنا وَ مِن أينَ أنتَ

الحلقة الخامسة

من أين أنا ومن أين أنت .
البارت الخامس .
.
يسعد يومكم حبايبي  ❤️
.
اتمنالكم قراءة ممتعة .
..

..غصة بروحي طلعت صوت
هذاك اليطلع من الماي
لو اثكل حجر بي غط
صرت من الحلم افحط...
.
rose_____ali .
.

كلما تقدم العمر ازددت توغلاً في الادغال . ووجدت نفسي مضطرة الى التعامل مع حيوانات بمظهر بشري . وخاصة ان كنتِ امرأة يرقة .او فراشة . تتخيل العالم مرجاً من الزهور . عليكِ ان تأخذي علماً بأن كل كائن ترينه .سواء كان رجل او امرأة . يخفي كائناً اخر .
نحن نعيش في غابة معظم حيواناتها تعيش في داخلنا .
.

تقى .
كلامة بهيج طريقة جرحني . واني كنت حابة اقدم ولو شي بسيط . يرد الجميل الي سوو الي وخلوني اكعد بيتهم . انتظرت بالصالة واشوف شنو وراية هالمرة . وخالة راحت تسوي االه اكل . نزل هو من الدرج .

دهام  . يمة تكدرين تروحين البيت عمي شوية . عندي حجي وياها .
.
ام دهام . ليش يمة شحسويلها .حجي شنو .جا هي ولية اعوفنك وحدك وياها اتولاها ولي. 
.
دهام . يمة شسويلها . شغل وداعتج بس ما يصير انتي تعرفي صدكيني من خوفي عليج .
.
ام دهام . بدأ هذا الوضع ما يعجبني ما يصير تبقون الوحدكم ..
.
دهام . شنو السالفة يمة . حاكلها لو اشربها . شغل والله شغل .

.ام دهام . لا شغل ولا هم يحزنون يبقى الحرام حرام والحلال حلال . واي شي حرام ما اقبل يصير بيتي حتى لو نظرة دير بالك. يعني ..
.
دهام  . روحي يمة  هسه بعدين نتفاهم .

لبست امي عبايتها وطلعت سديت الباب وراها وترست كلاص مي (سر كلاص المي انه يقلل التوتر ) . ورحت كعدت كدامها ع الطبلة الوسطية . وخليت كلاص المي بصفي . فتحت التسجيل بالموبايل .
وحجيت .
اي تقى محمود علوان .
.
اشرحيلي بالتفصيل شلون وصلتي العالية . وشلون احتركو اهلج

تقى . سكتت ما كدرت احجي .  .

دهام  . ما تحجين شبيج . انخرستي
.
تقى . اني ما اتذكر اشياء هواي . . الي اتذكرة . انه نايمين سوة بالغرفة وبنص الليل حسيت بابا وماما انخبصو  كعدني وكفني يم شباك الغرفة . مكنت اشوف زين شديصير بسبب الدخان بس اسمع صوت امي تصيح بأسمي وبابا يصيح . وبلحظة فات لهب قوي ونار قوية للغرفة انكطع صوت ماما .. وبابا حاول يفتح حدايد الشباك بايدة ويكبر المسافة بينهم مكدر . بس خلصني الي دفعني من بين الحدايد وشمرني بالحديقة . وكام يصيح علية انهزمي بابا روحي منا .

(كنت احجي وابجي بحركة . كلما اتذكر احس كل شي ينعاد من جديد وكأنما هسة صار الحريق .)

يمكن الوقت كان طويل بس بالنسبة الي يمر مثل اللحظات . يهدم سنوات تعمير وترميم بقلبي وبعقلي . اخذني خالي من حديقة بيتنة ..
. وعانيت ما عانيت عدهم . خصوصا مرت خالي كانت تكرهني ومتحبني اتذكر ضربها الي وتجويعها الي لو البرد . لو شلون شمرتني انام بغرفة الغراض كان ممكن اتحمل هالشي بس لو لا محاولة خالي بالاعتداء علية وخوفي من السجينة الي شايلها بأيدة . تقززي واني طفلة واشوف خالي يتلمس بجسمي . بس كنت اعرف وامي معلمتني انه جسمي ممنوع احد يلمسة او يشوف تفاصيلة . هذا جسمي خاص بية اني . خوفي كان اكبر بيت خالي ورغم حزني ع امي وابوية الي راحو بوسط النار واني طفلة بس فكرة انه انهزم من بيت خالي طغت ع كل شي وانهزمت وبقيت افتر بالشوارع الى ان لكتني ماما عالية . كاعدة ع الرصيف .  واخذتني وياها . وغسلتلي و وكلتني ودفتني ودرستني وكبرتني . وعلمتني ما اكلك اني تعلمت اشياء حلوة . و لا اكلك هي مكانت قاسية وياية لا عشت لحظات الجحيم وياها خصوصا من تتعارك بس هي الي لفتني وهي الي علمتني صح ما تعلمت اشياء واو لان . البيئة الي كنت عايشة بيها . كلها سوالف تعبانة . اشكال والوان الشخصيات الي تفوت للبيت . بعد تعرف ام ملهى وتعرف بيتها وين وتعرف اني مين . من غير المنطق والفشار والحجي السوقي . الشي الوحيد الي استفاديت منه . انه خلتني بمدرسة اهلية . والي هي سجلتني بيها بواسطة . وية واحد بالبرلمان تعرفة هي ع كولتها شخطة قلم سجلتي بدون مستمسكات او شي لان ماعندي . ومن خلالها ربيت نفسي . كنت احارب عقلي ونفسي والمجتمع والبيئة . صراع ما الة نهاية .ورغم كل شي الله من يريد ينقذك من مكان يسببلك كل الاسباب . كانت صديقتي وياية بالمدرسة . كنت اتعلم منها الكلام الحلو والتعامل الحلو والهدوء . بس مع كل الي قدمتة ماما عالية . كانت اكو كلام تحجي بصريح العبارة . مثل انتي مصيرج وياية بالملهى . حتى لو تدرسين وتوصلين . هواي خريجات اكوو.
انتي ع شكلج وجمالج وشعرج وجسمج احصل بيج وارد قوي . بس اكبري شوية . خل تطلع تضاريسج .
من غير من اني وطفلة كانت تعلمني شلون اركص وفعلا اتقنت هالشي . بس كنت اشوفة اني شي متنفس الي .
طريقي كان واحد من المدرسة وية السايق الي خلتة . للبيت والي اساسا يبقى منتظر خاف عبالهم انهزم .
.كبرت وبدة حلم ماما عالية بالنسبة الها يكبر وياية . رغم اكو بنات غيري هواي .بس هذنيج يختلفن يشتغلن .  اني  الوحيدة بقتني يمها وابد مشغلتني   واكو بعد  بنات وداد.واية هم قديمات كلش من اني جيت هن موجودات  هذن مسؤولات من هي مموجودة  وسوتلي غرفة خاصة بالبيت . بس مع هذا عمري منسيت الي دتقدمة وتسوي الي هو المصلحتها .
.
(رفعت راسي وحجيت ) ..