مِن أينَ أنا وَ مِن أينَ أنتَ

الحلقة ٤٥

من أين أنا ومن أين أنت . 
.
بارت ٤٥ .
.
یسعد مسائكم . ❤️
.

.
روز علي.  rose_____ali .
.

احسك عايش بروحي لحد الان
واحچي بصيغة الموجود مو بالچان
ولحد الان ما ناسيك
ع گد المحبه يطول النسيان
شلون انسه يناسيني
المواقف وگفت بگلبي
قبل ما توگف بعيني

ديلان .
كعدت بنصهم . وبس حرارة دموعي تنحفر على خدي .
.
خليت ايد على قبر ماما وايد على قبر بابا .  اباوع على الاسماء .
.
محمد ثامر . ندى نعمة .
.
اختنكت وحسيت عصرة بقلبي صارت. 
.
تقربت على قبر امي وتخيلت روحي انه اني اهمس بأذنها .
.
ماما هاي اني اجيت . عرفتيني .  اني ديلان  بنتكم
.
ضاع الكلام مني  احس حتى حيلي مهدود . حسيت ايد على اكتافي التفتت شفت دهام .  كومني من الكاع .  رغم كانت حارة . بس محسيت بيها .  حجيت ويا وهو يغسل بأيدي الي كلها رمل. 
.
_معرفت شنو احجي. وياهم .
.
دهام . ميخالف كل متجين راح تتعودين وتعرفين . 
.
غسلت ايدها و وجهة .  ورجعتها كعدتها بالسيارة اني اخذت مي وغسلت قبورهم . وكعدت شوية قريت الفاتحة وسورة يس و القدر . اجوي عمر و رياحين وهمة هم قرولهم . الباقين منزلو  ورجعنة للسيارات .
.
صعدت وتحركنة توجهنة للمطعم . ادحج على ديلان صدك تعبت واصفرت . وكلشي مماكلة . بالله احنة تريكنة .  وصلنة للمطعم . طلبنة اكل.  واجبرتها تاكل .   وشربتها عصير طبيعي شوية حلو . الحمد لله شوية رجعت روحها .   صعدنة سياراتنة وتوجهنة للبيت .  الطريق كلة هي كضتة نايمة . منامت البارحة واليوم تعبت .  كلت احسن خل تنام .  عفتها الى ان وصلنة للبيت .
.
.

سيارة عمر .
______//
.
رياحين . يالة حبيبي راح اشتاقلك
.
عمر . الطلعة حلوة وياج ام السين . تسوين جو .. ولو ضجت شوية .
.
رياحين . حبيبي  انتى احلى . بس ليش ضجت .
.
عمر .  من هذا ابن عمج الغمة سراج .
.
رياحين . ترة ما اقبل تكول علية غمة . وثانيا شو هو الروحة  كلها مرتين شفنا بيها . بالمطعم .  ويم القبور . مال عمامي .
.
عمر . لا هاهيه انسي . يالة فوتي للبيت . .اريد اروح اسبح وانام ..
.
رياحين . ومتراسلني .
.
عمر .ابد ولا افتح الموبايل .  الصبح اراسلج  .
.
رياحين . يالة حبيبي تصبح على خير .
.
عمر . وانتي من اهلة .
.
______
.
دهام .
دخلت السيارة للكراج .  وشلت ديلان نزلتها وقفلت السيارة وصعدت وهي نايمة حست شوية جلبت بقميصي .  نزلتها على الفراش . وطلعتلها ملابس . غيرت ملابسها  تبدل وهي مغمضة عيونها  ونامت بدون حتى متحس . 
.
اني اخذت ملابس وسبحت وطلعت مددت من التعب مادري شوكت نمت وشلون .

.

ديلان .

مشت الايام واني مابين تعب الحمل والوحام ومابين الدراسة والامتحانات.  وكل هذا دهام  يحجي .
جان خايف علية لان تعب  رغم هو يوديني ويرجعني 
الاكل والفواكه والفيتامينات والحليب . كلة  يجيبة  ويوكف فوك راسي حتى اكل .  وكل يومية يقيس ضغطي مرتين .
واذا عندة دوام يخابرني.  عندج فلان حباية بهالوقت .لو خليتلج عصير بالثلاجة شربي هسة وميصدك بية.  اذا ما اصور ويشوف  .  لو يكتبلي عوفي القراية كومي مددي شي ساعة  ارتاحي .
جان باي طريقة يحاول يوفرلي الراحة . ومن يشوفني ضايجة يطلعني ويفرني ونتعشى برة . 
مشت الايام وبدت فترة الامتحانات .  وخلصت اول ٥ شهور من الحمل .  كأنما جانت بالنسبة الي عذاب.   لان وحام واتقيئ ودايخة.   بالدوام جان مؤيد من يشوفني تعبانة . ينطيني اجازة.  ومن يصير امتحان او تفوتني محاظرة . اروح يمة يعيدلي الشرح .
رغم كل هذا الاهتمام.  جنت كل يوم والثاني متخربطة و واكعة والة مغذيات يالة ارجع اصحى . 
صدك تعبت هالفترة مابين الدراسة والحمل . من غير النفسية متدمرة. لو اكعد بنص الليل اشبع بجي . ع شنو وليش مادري .
خلصت امتحانات بتعذيب . بالموت الاحمر .  مؤيد يحجي اجليها السنة ودهام  يحجي ويومية يصيح ويتعارك . انعل ابو الدراسة .
ما الومة اكول حقة جان خايف هم علية وهم ع الطفل .  الى ان خلصت الامتحانات متت حرفياً. .  وخطية هو جان حتى بدوامة ممرتاح.  اكثر الايام يعوف الدوام ويجيني للكلية يشوفني خاف تعبانة . فتت بشهر السادس  يالة تغير الوضع.  خلصت من ضغط الدراسة.  وخلصت من  الوحام.  
.
اجاني من دوامة مستعجل . 
.
دهام . جاهزة لو بعدج .
.
ديلان . خلصت ماعندي شي . 
.
دهام . يالة تعاي ننزل اني وياج .
.
ديلان .
جنت من انزل الدرج وهو موجود . يوكف كدامي .  واني اسند روحي علية وانزل لان صراحة رغم ضعيفة وناعمة . بس بطني مو طبيعية كبيرة .  وكأنما مو بشهر  السادس كأنما شهر التاسع   .
نزلت بهدوء اني ويا الدرج وصعدني بالسيارة .
.
_هاي سيارتك بعد ما اكدر اصعد بيها .
.
دهام . صار ابدلها لعيونج . تامرين أمر .
.
توجهنة للدكتورة.   كالعادة احنة نفوت وحدنة .  دخلنة عليها سلمنة وكعدنة .
.
الدكتورة . اي ديلان بشيرني شلونج .
.
ديلان . دكتورة.  احس بعد ماعندي طاقة تحمل .
.
الدكتورة . بطنج بشهر الرابع  مجانت هيج  وبالخامس مجيتيني.  . وصراحة اني شاكة بشي .
.
دهام . خير دكتورة خوماكو شي .
.
الدكتورة . لا تخاف . ماكو شي يخوف . بس احتمال ٧٠% ديلان بيها توأم . 
.
ديلان . لا عزة دكتورة وين اكدر .
.
الدكتورة . ساعدها خل تصعد حتى اخذلها  دوبلر ونشوف .
.
ديلان .
ساعدني دهام صعدت وكشفت عن بطني.  واخذتلي دوبلر. 
.
الدكتور . ماشاء الله .ماشاء الله
.
ديلان . اباوع على دهام فرحتة بعيونة ممصدك لو عندة جناح كان طار.  
.
الدكتورة . تحبون تعرفون شنو نوع الجنين .
.
دهام . اكيد . شلون لعد . منتظر هاللحظة .
.
الدكتورة . راح يجيكم توأم ولد . وماشاء الله صحتهم كلش زينة. وحركتهم حلوة.   تحسين بحركتهم .
.
دهام .  اللهم صل على محمد وال محمد .
.بالله دكتورة تفززني الف مرة بالليل تحرك وتحرك . وانة كاعد انتظر ولي العهد شوكت يتحرك من اخلي ايدي على بطنها .
.
الدكتورة . حقها.  اول فرحة .
راح اكتبلج على مثبت ابر.  وشكد مجالج اريدج مرتاحة نفسياً ومعنوياً وجسدياً  والنفسياً  ٣ خطوط جواها . التغذية مهمة
.
دهام . رحم الله والديج دكتورة.   .التغذية والراحة .
.
طلعنة من يم الدكتورة وكالعادة لازم نفتر واغيرلها جو واعشيها يالة نرجع .  .