مِن أينَ أنا وَ مِن أينَ أنتَ

الحلقة ٣٣

بارت ٣٣
.
روز علي .
.
شما يلتَم شملنا الگاني خَسران
الحَطب يلتَم حَرگ مو لمة اخوان..
.
دهان  . طلعي وبعد لتجين الهذا البيت . ماريد اشوف وجهج .
.
ديلان .   مراح اطلع تعبت من وراك . معيشني بدوامة .
.
ديلان  . دوامتيش هو اني شمفتهم منج .. مو احترك جد جدي واني اكلج احبج .وانتي شتكليلي . اني احبك مثل ابوية احبك مثل اخوية. 
.
ديلان .  اعرف والله . بالبداية جنت خايفة بس هسة اختلف كل شي .
.
دهام .  ديلاااان   لا تخبليني.  ولحد هسة ما ناسي دكايكج الناقصة .وما اختلف شي بالعكس زاد الوضع سوء لو نسيتي الشخص الحبيتي . لو  نسيتي من شفتج بيت هذاك الكلب
.
ديلان .  عمو . انطيني فرصة اوضحلك كل شي .
.
دهام . وعمعامة هاي وحدة منهن . نزلي ما اريد اشوفج هنا .
.
ديلان . مااااااا اطلع  . مااا اطلع . لا تتوقع اني هسة مثل قبل سنة او سنتين.  كلش تغيرت .. مراح اسمع كلامك . مجبور تسمعني وتفهمني . اذا متتقبل مني ليش كتلي احبج .ليش معيشني بوهم .
.
دهام  . اللهم طولج ياروح . انة ما عيشتج بوهم . انطيتج اكثر من فرصة. وبكل مرة تخذليني . وبكل مرة تصديني .وبكل مرة تطعنيني وتثبتيلي انتي مثل ما انتي ما تتغيرين ولايفيد بيج المكان النظيف .     احنة ما كاعد نلعب لعبة القط والفار . 
وثانيا انة شنو مو زلمة بعينج ماعندي كرامة . كل مرة تصديني وتبعديني تريديني ابقى مجلب . المايريدني ماريدة . فوكاها تستغفليني وتضمين علية . شنو توقعتي مراح اعرف. 
.
ديلان .   شنو قصدك شضامة اني. 
.
هنا صدك توترت  وتبلعمت خفت لاعمو  عرف سبب الي صارلي
.
دهام .  سلامتج اني لو بعينج جان ما وصلتي هيج مرحلة.  وجان حسبتيلي الف  حساب.  بس انة مو بعينج  وهسة يالة
.طلعي برة وبعد لا تشوفيني وجهج لان ماريد وحدة شكد ما احاول انظفها ترجع الخيستها. 
.
ديلان .  عمو حباب لا تحجي هيج لا تكسر خاطري الله يخليك .
.
دهام . ههههه ياما وياما كسرتيني  انتي بالنسبة الي انتهيتي .
.
ديلان  . عمو بروح خالة.  انطيني فرصة احجيلك كل شي والله و اوضحلك كل شي.  بس فرصة مرة وحدة وانت حر بعد .
.
دهام .  شتفهميني  .فاتتج الفرصة للاسف . ياله وراية شغل اريد اشوف حل الزوجتي.

ديلان 
بهاللحظة  صدك انهارت اعصابي.  وانهاريت بالبجي والصايح . 

_ما اطلع منا اذا متسمعني وتفتهم مني.  اني مضميت عليك شي بس لان خفت اخسرك . مسويت هيج تصرف بس لان خفت اخسرك
.
دهام  . وانتي خسرتيني . من شفتج بذاك البيت محظرة روحج ولابستلي الفستان   . ولج فهميني على الاقل شلون نطاج قلبج تنزعين الحجاب .وتروحين . شلون كدرتي .  
.
ديلان .  بقيت بحالة صمت ماعرف شنو اجاوبة.  
.
دهام . خسرتيني ديلان .خسرتيني من ما اعتبرتيني زلمة كدامج يكدر يحميج .  خسرتيني  من طلبتي تنفصلين عني . رغم حاولت افهمج بكل طريقة اني اريدج بس انتي مستوعبتي.   ما فكرتي حتى تطيبين خاطري  لو تبرريلي من بعد ما شفتج ذيج الشوفة.  ولج انة بليلتها مو زين ما صارت بية جلطة.من وراج . 
.
ديلان .  مو بكيفي . والله ايمان هددتني. من غير اكو سبب للي صار .
.
حجيت هالكلام وكعدت  ع داير الجرباية . واني دموعي تجري . بشكل مو طبيعي . مثل منكول اربعة اربعة .   جر الكرسي هو وكعد كدامي .
.
دهام  .  بشنو هددتج ايمان وهيج خفتي منها . شنو صار وياج  احجي لا تخافين مني .   انة ماعرف ليش ما تستوعبين انة  سند الج ليش ما جاي تشوفين .
.
ديلان  . (بخوف) . هددتني بالصور . حتى الي صار كلة بسبب الصور
.
دهام  .الي وية الكلب  ابن الكلب رجاس
.
ديلان  .
من جاب اسمة رفعت راسي وصارت عيوني الي مليانة دموع بعيونة . مكنت متوقعة يعرف .
.
ديلان .  اي . بس شلون عرفت
.
دهام  . طيب . وضحت الصورة . بس بعد الي صار انة  ما اكدر اتقبل تكونين الي .ولا اتقبل ترجعين
.
ديلان
كلمتة جانت قاسية بالنسبة الي . شكد ما جالة يكسر بقلبي وبروحي.  كلامة خلاني اوكف ع حيلي .