مِن أينَ أنا وَ مِن أينَ أنتَ

الحلقة ٢٣

من اين أنا ومن أين انت .
.
بارت ٢٣ .
.
روز علي.
.
Rose_____ali .
.
"‏شُعورك المُبالغ فيه بالاستحقاق يُضخّم معاناتك، لا الحياة سوف تعاملك كاستثناء، ولا الآخرين سوف يؤمنون بأنك جائزة"..
.
السمه مرايه جبيره...
و البرق خط فطر بيهه
شما بچت گطره لنهرهه
رعيدهه يصيح عليهه....
.
مشت الايام والشهور وكل هالوقت اني ملتهي بشغلي وملتهي بوضع ديلان الي صارت نفسيتها من سيء للاسوء وبدت تعاني من الكوابيس . والخوف وهالشي خلاني اعوف كل شي وابقى بس وياها . لان كلش تأزمت نفسيتها .
وبديت اني وياها رحلة علاج نفسي حتى احاول بأي طريقة اطلعها من الي هي. بي . ورغم بدت مرحلة دراسية جديدة بس الوضع الي هي بي يخليها متكدر تداوم ع لحظة تكوم ترجف وتبجي وكأنما ترجع تعيد الي صار بيها .

ديلان صارت بيها انسانة ثانية . انسانة تخاف من اقل شي . تخاف من الصوت من الظلام . تخاف .من السكون . تخاف . من كل شي .
الكوابيس الي تجيها بالليل دمرتها نفسياً . اغلب الاحيان نوم متنام .وكأنما عايشة بعالم ثاني  .وابقى مكابلها وكاعد .
رغم تعبي واهتمامي بيها . كل هالفترة . بس من تجي بالي هي انهزمت احس قلبي يثور من جديد .
.
اتذكر موقف صار بهذا وضعها رجعت من دوامي تعبان . فتت للبيت ادور عليها ماكو مختفية كلبت البيت كلب اخر شي فتت من يم الغرفة سمعت صوت بجي مخنوك واحد كاتم نفسة. رغم اني كذا مرة شفت الغرفة فارغة . فتت للغرفة الصوت يجيني من جوة السرير. كعدت ع ركبي بالكاع ودنجت راسي شفتها نايمة جوة السرير ولامة روحها وسادة حلكها بأيدها. حالتها هنا مردت روحي مرد . بنية جانت مثل الورد هيج يصير بيها. مديت ايدي الها واخذتها من ايدها سحبتها الحظني انتجيت ع داير السرير وحظنتها ونامت ع صدري. كل هذا وهي تشهك وتبجي . خليتها تأمن شوية واخذتها للحمام غسلت وجها وتوضيت اني وخليتها تتوضى حتى تهدأ نفسها. ورجعنة اني وياها للغرفة كعدت وهي كعدت بحظني وخلت راسها ع صدري. اني فتحت القران وكعدت اقرا قران بهدوء حسيتها ارتاحت على هالشي. كملت قراية صدقت وسديت الكتاب واخذت ايدها بأيدي وعل كل اصبع اكول دعاء .
.
الابهام . بسم الله الذي لا يضر مع اسمه شيء في الأرض ولا في السماء وهو السميع العليم..
.
السبابة. اللهم نجها ممّا هي فيه من كرب بفرج عاجل وغير آجل برحمتك يا أرحم الراحمين .
.
الوسطى . اللهم أبدل كدرها وحزنها وضيقها بالرّضا والراحة والسّلام

.
البنصر  . يا فارج الهم . وكاشف الغم يا رحمن الدنيا والاخرة ورحيمهما .صل على محمد وال محمد فرج همها واكشف غمها .

الخنصر  . يا صاحب الزمان الفرج .
.
حسيتها هدئت وارتاحت وبقيت اكررهن .الى ان حجيت وياها .
.
شلونج هسة. مرتاحة

ديلان . اي زينة. .
.
دهام . ممكن اعرف ليش جنتي خاتلة جوة السرير . وتبجين
.
من سألتها وخرت مني وكعدت عدل . ودنجت راسها وتغيرت ملامح وجها للحزن ..
.
احجيلي ليش .
.
ديلان . عمو اني هواي تعبتك . وصرت انقهر عليك لان اني بس اذية الك . ومن رجعلي الكابوس مردت تعرف اني سمعتك فتحت الباب واني جنت خايفة ختلت جوة . حتى متشوفني بهالحالة .
.
دهام . تعاي رجعي نامي هنا وسولفي  .
..
جريتها من ايدها ورجعت نيمتها . ع صدري . وصرت امسد ع شعرها .
.
دهام . تعرفين رغم حبي الج اعتبرج بنتي . لا تخافين مني ولا تضوجين ولا تخجلين . اني سندج اني ظهرج قوتج . بس كليلي . اشلع عيوني الج .
.
ديلان . عمو .
.
دهام . عيون عمو .