مِن أينَ أنا وَ مِن أينَ أنتَ

الحلقة ٣٦

من أين أنا ومن أين أنت .
.
بارت ٣٦
.
يسعد صباحكم .
.
قراءة ممتعة .
.
روز علي. Rose_____ali .
.
والعزيز اليبتعد تكثر معزته أبعد شما تبتعد تبقى انتَ انتَ .

ديلان .
.
اخذنة الطريق كلة سوالف الى ان وصلنة للبيت . التفتنة مؤيد ماكو ورانة .
.
هاي شنو وينهم . شو ماكو ورانة .
.
دهام . حخابر مؤيد . اشوفة وين.
.
فتحت موبايلي واتصلت على مؤيد .
.
📲
.
الو ها مؤيد وينك .
.
مؤيد . واكف بالازدحام . هسة شوية ويمكم ..
.
دهام . ماشي . منتظرك . .
التفتت على ديلان .
.
_واكفين بالازدحام ..هسة يجون .
.
ديلان . لعد احنة ليش موكفنة بالازدحام .شو بس همة

.
دهام . الله سهل طريقنة . تعاي خل نفوت جوة بين ميجون .
.
ديلان .
اول مفتت للبيت تفاجئو . من شافوني ..خالة ام قيس جانت تثرم بتيتة مكعبات . اول مشافتني شمرت السجين من ايدها ونفظت ايدها وكامت .. حجيت اني .
.
السلام عليكم .
.
ام قيس . هاي شرجعها ..
.
دهام . خطيبتي شنو شرجعها وعازمها .. عدكم اعتراض .
.
ام قيس . لا بس مكتلنة هي العازمها .
.
دهام . ماكو داعي اكول .
.
خلود . عليكم السلام . تفضلي عيني البيت بيتج
.
ديلان .
جرني عمو من ايدي وفوتني للصالة جانو كاعدين الولد قيس وزيد وعمو ضياء . سلمنة عليهم اني وعمو .
.
السلام عليكم .
.
الكل . عليكم السلام ..
.
ضياء . هاي شعدها هنا .بعد كل المصايب الي صارت بسببها ترجعها لهنا هم الها عين تشوفنة خلقتها .
.
دهام . شنو السالفة عمي مرتي ورجعتلي وين المشكلة .شنو ذنبها هي بالمصايب .
..
ضياء . بسببها ايمان هيج ذبت نفسها . وراحت من عدنة بنية مثل الورد
.
دهام . لا عمي متوهم مو بسببها . كلمن عقلة براسة يعرف خلاصة . هي اختارت ولعلملك اكلك شغلة. كل شي تسوي الة مردود لان الله يمهل ولا يهمل و كما تدين تدان . مثل ما طعنت بالبنية وطردتها هي وامها بنص الشوارع بالليل واستغلت قوتها .وحركت قلبها ربك رجعها اضعاف مضاعفة . لا تتوقع رب العالمين يعوف احد ظالم ويترك المظلوم بدون مياخذ حقة .. بس كلمن والة يوم .
.

زيد . وانت مو ظالم . عفت ايمان وهي بهالوضع محتاجة مساعدتك و وكفتك تروح تطلكها بدون محد يدري عبالك مراح اعرف . وتالي تجي للبيت خال ايدك بأيد هاي وتريدنة انصفكلك .
.
ديلان .
اتفاجئت من حجة زيد التفتت على عمو. واني اسألة .
.
_صدك طلكتها . ؟

دهام . اي طلكتها . لان اكو حقيقة بعدين راح تعرفوها. مو وكتها هسة عندي ضيوف.

ديلان . حقيقة شنو.
.
دهام . بعدين .
.
زيد . . والله حرامات انت ابن عمي . ولعلمك هاي الي انت هسة متفاخر بيهة اول مجيت ضلت تركض وراي رادت مني وجه وتعرف شنو اقصد بأختصار انطتني مجال . بس انة الخاطر عيونك ما دنت نفسي . كلت ابن عمي عيب علية اباوع على عرضة.
.

ديلان .
فتحت عيوني ع وسعها متفاجئة من كلام زيد . احس النار شبت بية . وبنفس الوقت كلش خجلت من الكلام الصار . حجيت بعصبية