مِن أينَ أنا وَ مِن أينَ أنتَ

الحلقة ٣٠

من أين أنا ومن أين أنت .
.
بارت ٣٠ .
.
قراءة ممتعة . 
.
روز علي.  
.
rose_____ali ..
.
يصير احبك من جديد
ونخلق لـ حبنه بداية ،
وصدفة أشوفك مـن بعيد
وانعجب بيك واعجبك
وواحد يمُر آعلة الاخر ، بس غريب
يصير اصيرنلك حبيب ؟
يصير نزعل و نخرب ،
نضوج ونفارك بس نعود
يصير ميمرنة برود ؟
.
عليك أن تتعايش مع فكرة أنك قابل للترك . وقابل للنسيان في كل مرة . تظن انك ثمين لدى احدهم ..

دهام

بقيت واكف باب بيت خال ديلان . تقريب ساعة .  خفت لا يصير شي وتطلع. وما تلكاني ..طفيت السيارة  وخليت ايدي وراسي ع الستيرن احس روحي تعبان . شفتها مجتي . كلت خلص هاهيه اتقبلت وجودها عدهم .  حركت سيارتي ورحت للشقة . اول ما فتحت الباب وفتت تذكرت من جبتها هنا هي وامي  كعدت ع القنفة  و ورثت  جكارة ورة جكارة  وما اعقل ولا اقتنع ب كلمتها من كلتلي حبيت شنو هالصلافة على ذمتي وتحب.   وهيج واصل بيها تواجهني وتكلي .. انة وين جنت هالفترة .  معقولة غافل على هالسوالف . بقيت الوب جنت اضحك على الولد وياية من يصير شي بعلاقتهم ويكولون مختنكين . هسة انة اعترف صدك مخنوك . وتعبان .  بقيت الليل كلة لايب. بالفراش  واتذكر كل سالفة وضحكة . اتذكر كل شي صار بيني وبينها .  اتذكر مرة.
صعدتلي للغرفة  دكت الباب وفاتت.  
.
ديلان.  عمو اريد انام هنا . 
.
دهام.  مو عندج غرفة .
.
ديلان . بس عمو والله اخاف جوة وحدي وهنا  من انام ما اخاف .
.
دهام . تعاي نامي جا هي فد نمونة.  
.
ادحج عليها   طلعت برة الغرفة جابت مندر وجتي فرشتة بالكاع. وخلت جرجف ومددت وتغطت .  بيومها جان الجو ثلج ووبدت تمطر هي سمعت صوت المطر.
.
ديلان.  الله مطر.  
.
دهام. 
كمزت من مكانها بشبختين وصلت باب الغرفة.  وتريد تفتحها وتطلع .

وين رايحة ولج بهالليل ومطفية الكهرباء ..

جان ابو الخط يطفي ب ١٢ بالليل .  ونبقى ضلمة ع اللايت .
.
ديلان . عليك الله عمو بس شوية اشتم ريحة المطر من السطح والله .
.
دهام .  باردة ماكو متروحين تتمرضين . 
.
ديلان . حباب عليك الله  ما اتأخر . 
.
سكتت ما حجيت.  وهي فتحت الباب وطلعت.  هي وتحجي .
.
ديلان . عمو. عليك الله تعال    
.
دهام .
اني هم جنت عبالك مثل العبد المأمور.  كمت من مكاني وتمشيت وياها. وكفتلها باب السطح وهي واكفة مادة ايدها  وتسحب نفس قوي.   ماشوفها غير تكمز وتوكف جوة المطر .
.
تعااااي كافي هسة تتمرضين باردة وين احير بيج .  .
.
اباوع عليها صفنت بوجهي وحجت وملامح وجهة تغيرت للحزن . 
.
ديلان .  عمو . تدري  اني اكثر شي احبة هو المطر . اسألني ليش .
.
دهام . ليش ؟؟ .
.
جانت واكفة وفاتحة ايدها ورافعة راسها للسما  وقطرات المطر تنزل عليها وهي تحجي . 
.
ديلان . اشوف انقى شي هي قطرة المطر .  وحياتي كلها المرت جنت اتمنى اشوف نفسي مثل هاي القطرة نقية ونظيفة . بس عمري محسيت هالاحساس . بحياتي ما حسيت روحي نظيفة ونقية    دا ائما اشوف نفسي اقل من الكل و روحي ملوثة .  اشوف الكل انظف مني . 
.
اختلطت دموعي وية قطرات المطر .  فصارت هذة قطرات مممزوجة بين العناء ورائحة المطر المطمئنة . بين النقاء والتلوث.   فمالت دموعي الى الاختباء وراء لوحة لا يفهمها الناظرون .