مِن أينَ أنا وَ مِن أينَ أنتَ

الحلقة ٤٦

من أين أنا ومن أين أنت .
.
بارت ٤٦
.
روز علي. 
.
rose_____ali ..
.
گعدت من الصُبح خايف
أحِس خطواتي ما يمشَن
دِرت وجهي إعله المرايه
مَلامح وجهي مو هيه !
أمس خَليتهن عِدمَن ؟
انه لا شاب لا شايب
ولانه بگد البحِیلي
حِرت وياي ، انا بگدمَن ؟

الضابط . سيدي .. المقدم عمر أستشهد . 
.
جنت واكف متأمل يكذبلي الخبر او يكلي اتصوب.  بس كلامة اجاني مثل الصاعقة   .
من سمعت الخبر كعدت على حيلي  . حسيت حيلي انهد .و ظهري انكسر.  انة ماعندي اخوة و لا ولد عم ينشد بيهم الظهر غير عمر . صاحبي وخويي.  وعشرة العمر وابو الوكفات الحلوة
.
لطمت على راسي  وادهك بالبجي ما مصدك . 
.
لك عمرررررررر . اويلي عليك خووووية. 

عمرررررررر  يا بعد روح اخوك.  اللهي ضربتين بيوم واحد توجع . لا اعتراض على حكمك اللهي.    لو انه ولا هوووووو
.
كمت وانة لايب واتصل 

_لا يخووووي لاتسويها بية بروح اهلك . 
.
كعدت على كرسي واني روحي مفرفحة التمو شباب يمي . 

اخوووووووية  ولكم اخووووية استشهد .
.
عمرررر الوطن يرجع  بس انت شيرجعك. بروح ابيك لاتروح .   

بهاللحظة اجاني اتصال من امر لواء.  لازم ضروري اتواجد بالمقر بأي طريقة وبأي شكل . .
.
فتت للمستشفى.  وانة وجهي مطعون والدمع بعيني .  وحيلي مهدود . 
.
فتت للغرفة  جانو كاعدين يمها  والوكت جهجر  . وهي  ادحج عليها تتلوة ماكدرت احجي  .فتت للحمام توضيت وطلعت وكفت اصلي صلاة الصبح . كملت وكمت يمها . بستها من راسها   وحجيت .
.
_حبيبتي اني جاني امر لازم اروح للمقر . هنا يمج اهلج  ماشي .   ام مؤيد ولو راح انتعبج بس لازم اروح  ديري بالج عليها ما اوصيج فدوة .
.
ام مؤيد . لا عيني لا توصي حريص بطن عيني بنيتي هاي .
.
ديلان . وين حتروح ليش هيج وجهك تعبان  ترة مابية شي (بتعب)
.
دهام . ان شاء الله مابيج شي .  انتي بس كوميلي بالسلامة ماريد شي بعد  . 
.
ديلان .  دير بالك على نفسك الله يخليك . 
.
دهام . صار . صار حبيبتي . مؤيد ولو زحمة عليك.  شوية نطلع عندي سالفة وياك . 

.رجعت تقربت عليها بستها من راسها  .
.
ديلان . الله ومحمد وعلي وياك .
.
دهام .  وياج ابوية انتي. 
.
طلعنة انة  ومؤيد برة.   وسديت باب الغرفة .
.
_اني هاليومين  ماكدر اجي صاحبي عمر استشهد .
.
مؤيد . لا خطية . الى رحمة الله . البقاء لله وعظم الله اجرك .
.
دهام . البقاء لله رحم الله والديك .    انت موجود هنا بمكاني. اي شي يصير بلغني .
.
مؤيد . خادمك
.
دهام . خادم ربك . .رحم الله والديك
.
طلعت من المستشفى صعدت سيارتي وتوجهت للمقر .   اصعب لحظات علينة هاي. 
كل الي عشنا  سوة.  يمر علينة  شفنة الموت سوة.  تحس  ارواح جماعتك  تطلع من يمك . شي بأنفجار سيارة عليكم . شي بقناص  لو قاذفة.  تنهار من التعب بس ماتكدر توكف .
الوطن غالي .  ما تكدر تبيعة لو تسلمة بالرخيص . فأغلى شي هو عندك روحك  .. .  
.
تنطي روحك وما تنطي الوطن . 
.
جسمك منهار من التعب . وانت تباوع ع صاحبك شلون تطلع روحة  ماتو صحباني واحد واحد وانة بالانتظار .
.
مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلً .
.
وصل جثمان عمر البغداد . الكلام مو مثل الشوف.  تخيل صاحبك وعشرة عمرك  ابو الوكفات الحلوة يجيبو الك جسد  بدون روح شنو يكون موقفك . ماكو كلام يوفي حق هاي اللحظة . 
.
نقلنا الاحد المستشفيات . بلغنة  اهلة وعمامة . .
مشينة بالاجراءات.  بينما اجوي عمامة وبنصهم امة . 
.
عمر الوحيد الاهلة على ٣ بنات اكبر منة . ابو  متوفي.  
.
استلموا. .. امة وعمة اخو ابو و  ولد عمامة وخوالة و ولدهم  من غير احنة يمكن الفوج كلة بالمستشفى.   اباوع علية نايم  ع السدية . بس  ولا عبالك ميت .
انة هنا صافن بوجهة وبس دمعني تنزل . تذكرت مواقفة الحلوة وياي وكفتة بكل شي .  ادحج على امة .  لازمة وجهة وتبوس بي .  هيج امرأة صبورة بحياتي مشفت .  ام عمر علوية حسينية من بيت الصفار .  امرأة ملتزمة. 
وابو عمر  جنابي.   كان انسان بقمة الرقي والاخلاق الله يرحمة .   اول مشافتة صاحت .
.
ام عمر . اللهم صل على محمد وال محمد . 
.
دهام .
كشفت وجهة وصارت . تبوس بوجهة وبحلكة . و تحجي ويا بكل هدوء وصلابة.
.
ام عمر .  ندمانة  يمة لان منعتك بالبداية وكتلك لا تروح يمة    وانت لو ما مؤمن وملتزم  وطاهر وشريف .  ما جان  نمت هالنومة الحلوة نومة شهيد ينرفع بي الراس .  كدام سيدة النساء . 
.
_يمة حبيبي وليدي لا تخاف.  نخيت الزهراء وام البنين وزينب عليك  هن هذن امهات المصاب   . نخيت ابو الحسنين عليك يمة وليدي ورفعة راسي . 
.
_الشكر لله . ماطول جيتني ورديتلي الشكر لله . ومحالل وماهوب يمة .  وعلي  ابو الحسنين يوكفلك . 
.
.
دهام ..
كانت ام عمر .  مثل الطير المذبوح يرفرف بجناحه ليلتقط اخر انفاسه .  كسرت جناح ام عمر بأستشهاد ولدها .  والكثير الكثير من امثالها .
.
تباوع بالوجوه ورافعة ايدها وتنشد  .
.
.
_فدوووة الهالنومة يوليدي مهنة .
فدووووة الهالنومة يوليدي مهنة. 
.