مِن أينَ أنا وَ مِن أينَ أنتَ

الحلقة ٣٩

من أين أنا ومن أين أنت
.
بارت ٣٩
.
روز علي.
..rose_____ali .
.
اني لو ما حسنك يغني لسماري مارضيت
بهذا طولي ولا كلت محلاته الاسمر.
..
.
المصورة . هاهية متفقين. . بس على الاقل سوي فقرة الركص انت وجماعتك ..
.
دهام . شنو كدامج مهتلف. واتمركص بنص الوادم ..هاي الشباب يركصون كافي ..خيتي افهمي خلينة كاعدين بمكانة احسن.
المصورة. اعتذر . مثل متحب .

ديلان . دهاااام . لعد ليش سويت العرس بالقاعة اذا متقبل ..
.
دهام . سويتة لان اكو ضباط هنا ..يعني عرس مال اوادم مو مال مستخفين . لا اني اكوم ولا انتي تكومين .. والله عيب .
.
ديلان . لعد اني ابقى اتحسر لا اهز ولا اتمركص ..
.
دهام . البارحة مشبعتي . مو صفنتي الوادم
.
ديلان .. يوووو .
.
دهام . بلا حجي زايد
.
ديلان . ضجت وكلبت خلقتي . ليش هيج تعامل وياية. .
.
نصف الفقرات راحت علينة بس الكيكة همزين قبل نكوم سوة حتى نقطعها . اباوع علية شايل السيف مثل المحارب. الالي خلص ..
موجه على شي معين . هسة دتمايل صخم . لزم ايدي وخلاها على ايدة الي لازم بيها السيف وكصينة الكيكة ورجعني للكوشة. وراها صارت فقرة مسكة الورد . هم طلعها سم من عيني . شلون مجان ولا افتهمت وكعت بيد بنية ما اعرفها . وهم كعدني بسرعة .
بدو يوزعون عشا ورجعت المصورة تاخذلنة لقطات . اباوع العشا .

كان صواني مندي ام نفر . الكل واحد الة صينية عليها قطعة لحم كبيرة ونص دجاج مشوية. وكاسة مرك ومسلفنة . . وياها ماعون بي سلطة ومقبلات . وببسي . وهالشي كلش ضوجني . وصدمني
.
ديلان . دهام هاي ليش هيج العشا ليش مو مواعين سفري بيها كباب وصمون وطرشي وفكر ولحم بعجين.
.
دهام. حبيبي انتي تعرفين شي وانة اعرف شي . عيب اقدم هيج اكل كلها ضباط كاعدين اقدملهم شيش كباب وصمونة شدتحجين انتي اتخزى غير.

كملو العشا و وصلنة الفقرة الهداية . اول من تقدم. هي خالة ام مؤيد . جتي اليمي حظنتني وبوستني

.
ام مؤيد . الف مبروك حبيبتي بنيتي ربي يسعدكم ويوفقكم ويرزقكم الذرية الصالحة .
.
ديلان . شكراً. يا احلى ام بالدنيا . ربي ميحرمني منج . خلال هالفترة عوضتني عن  حنان الام الي مفتقدتة كل هالسنين .
.
ام مؤيد . بنيتي الغالية .
.
ديلان . رجعت حظنتني. ولبستني كلادة ذهب ثكيلة ومبينة غالية و اني ماعرف هنا حسيتها امي وحظنتها وكمت ابجي . واحاول امنع نفسي ماكدر دموعي تنزل وراها اجاني مؤيد . سلم على دهام وباركلة .
.
مؤيد . النسيب . مبارك لكم . ربي يسعدكم ويوفقكم . ويرزقكم الذرية الصالحة

دهام . غالي حبيبي رحم الله والديك يوم الالك ان شاء الله ونفرح بيك .

مويد .عروستنة الغالية .
.
ديلان .
تقرب علية وباسني من راسي . ولبسني كلادة فلوس وجانت كلها ورق دولارات . حسيت الدمعة بعينة وكفت محجة ولا نطق كلمة وابتعد وابتعد . ورا اجة امجد .
.
امجد . ولكم فرحاان . خلصت من وحدة. الف مبروك نسيبي . بشرفك . اكتلها موتها كتل. هههههه
.
دهام . تنكسر ايدي .
.
ديلان . ممممم لعد شو منكسرت قبل .
.
دهام . قبل وحد .
.
امجد ..اريد يومية تجي زعلانة . الف مبروك عيني .
.
ديلان .
تقدم امجد وهم باسني من راسي ولبسني كلادة فلوس كلها خمسة وعشرين .
.
وراها جتي بنين بدون متحجي حظنتني وكامت تبجي . .
.
_حبيبتي بنو. لتبجين فدوة مكياجي كلة راح . ومكياجج هم .
.
بنين . تعودت عليج وصرتيلي اخت ماكو احن منها وهسة تروحين . شلون حنام بدونج وماكو صوتج بالغرفة . اني ويامن اتعارك ع الملابس وع الشغل .
.
ديلان . يا عمري انتي .
.
بوستني وطلعت هديتها اخذت ايدي ولبستني كان سوار ذهب نازلة منة ليرات صغار وعلى كل ليرة مكتوب من جهة فريند ومن جهة ثانية. بنين وديلان . . بقيت حاظنتها فترة . الى ان وخرت .
.
وراها جتي رياحين .
.
رياحين . الف مبرووك عيني الله يسعدكم ونشوف زعيطكم . وصح اني من اهل العريس بس اعتبر اخت العروس .
.
ديلان . صديقتي وسندي وعمري . الي وكفتلي بأشد الضروف الي ما انسى يوم الي كتلت اميمة علمودي . هههههه.
.
بجيت وضحكت سوة. وهي ماتت من الضحك ..
.
دهام . استجني بوية منا العالم .
.
رياحين . اني فرحانة ما ابجي لان حتجين يمي ويا محلاها .
.
ديلان . اكيد
بوستني وحظنتي وطلعت هديتها . كان محبس ذهب. نازك يخبل.
.
رياحين. اني اعرف هديتي متوصل للي جابويالج اهلج بس اشتريتها بحب.
.
ديلان. الحجي بيني وبينج . هديتج احلى هدية وراح ابقى لابستها ما انزعها ابد .