مِن أينَ أنا وَ مِن أينَ أنتَ

الحلقة ٣١

من أين أنا ومن أين أنت .
.
البارت.  ٣١
.
يسعد يومكم و اوقاتكم  حبايبي ❤️. 
.
قراءة ممتعة .  
.
روز علي.  rose_____ali .
.
واذا ترجع اسد بَـ وجهك البيبان
واذا لحيت اسمعنك سراگيهن.

عندما .. يكون حزنك متجدّد .فأعلم بأن الحياة لم تنصفك بعد . عندما ..ترى الدموع تنهمر من عينيك بغزارة وحرقة قلب فأعلم بأن الحياة لم تنصفك بعد ..؟؟
عندما .. تشاهد أحلامك تتكسر كالجليد وعندما .. لا يقف بجانبك الحظ لمرات ومرات .و عندما .. تفقد أحد أضلاعك بلا سبب فأعلم بأن الحياة لم تنصفك بعد ..؟؟
عندما تتكسر أجنحتك قبل أن تطير وعندما .. تشيعّ قلبك بيديك الاثنتين فأعلم بأن الحياة لم تنصفك بعد ..؟؟

بقيت ابجي من وجع قلبي والله احس الهواء الي يفوت ينكسر بصدري من الالم . .
.
_الله ياخذج ايمان . ان شاء الله حوبتي متتعداج . مثل ما هيج سويتي بية رب العالمين يرجعها بيج .
.
حسبي الله ونعم الوكيل عليج ..

بنين . اهدي حبابة منو ايمان ليش تدعين عليها .
.
ديلان  .  هي ايمان اخذتة مني . بسببها بعدتني عنة .  كله منها  الله يطلع حوبتي بيها . اللهي اذا تحبني احرك قلبها مثل ما حركت قلبي. 
.
بنين . كافي تصيحين فدوة العينج . 
.
ديلان  . عووووووفيني عوووووووووفيني  انتي متحسين بالنار الي بقلبي شنو . اني لازم اروح للعرس .
.
بنين . انتي مخبلة لو تموتين ما اخليج تروحين .
.
ام مؤيد . هاي شبيها  ليش تصيح اني جوة  بالحديقة وصعدت اركض .
..
بنين .  مابيها  شي ماما بس راسبة بالامتحان .
.
ام مؤيد . يالة ييمة هالمرة هيج مرة الخ تعدليها .لا تخافين اني اخلي مؤيد هو يدرسج .
.
ديلان
تقربت خالة مني . وحظنتني واني اشهك بحظنها  كعدت بصفي ع الجرباية . وبدت تسولفلي على امي من بدت تحجي على امي اني احس بنفسي بديت اكون هادئة .   غفيت واني مادري  بروحي . 

.
بنين .
الحمد لله بعد معانات نامت .كلة الصوج من سراج ومن رياحين اصدقائها هم الي بلغوها اليوم  بالكلية انه الي تحبة راح يتزوج .   من جتي من الكلية لحد هسه هي مفرفحة . جانت بس تريد تخابرة.  وبكل الطرق منعتها الى اخر شي مكدرت الها اتصلت بي وهاي النتيجة صدك انقهرت .عليها . 
.
نامت هي من بعد ما امي بقت تحجي وتهدي بيها وتذكر الها امها وابوها .  احس امي بأي طريقة تحاول تعوضهة .

غطتها امي. وعفناها نايمة. نزلنة .  كون الله متحس وتبقى نايمة ومرتاحة .
..
.

في بيت دهام
____
.
دهام
من بعد اتصال ديلان  حسيت الدنيا طلعت من عيني . بس مادام ما شفت منها نتيجة قررت اكمل زواجي . ويشهد الله كنت مستعد اخرب كل شي لو بس محصل كلمة منهة . لكن بعد الي سوتة انة اعلمها .. طلعت من البيت اني وجماعتي  وعمامي و ولدهم . وبيت خوالي وصعدنة سياراتنة ورحنة جبنة العروس  من الصالون. ورجعنة البيت عمي عماد .  عفت العروس بيت اهلها وطلعت وية الولد . لليل ورة العشا . يالة رجعنة اخذناها من بيت اهلها وافترينة بالشوارع ورجعنة للبيت . كنت ناوي بالاول فندق . بس عمي ضياء وعمامي الباقين رفضو هالشي . ع مبدأ ماعدهم عرس بالفندق  واني هم تماشيت وياهم لان مو بنفسي .  صعدت اول درجة للغرفة اني  والعروس.  وعمي ضياء ويانة . 
.
ضياء . اريد البشارة. راح انتظرك هنا بالدرج .
.
دهام
محجيت شي وية عمي . بس فعلاً. هو هذا السويتة من بعد ما صعدنة للغرفة .  تم كل شي على حسب  عادات وتقاليد بيت عمي. . اخذتها ورغم انة مو طايقها . حتى بوجهة ما كدرت ادحج .  ولا اني الي  جنت مرتاح  بالعكس جنت مخنوك   واتمنى كل تفصيلة صارت وية  ديلان  . كمت من يمها واخذت ملابسي وطلعت رحت للحمام . سبحت وطلعت رجعت للغرفة  جانت هي ع كعدتها .  بس لابسة روب ابيض . ومبتسمة وكأنما ممصدكة .  .
.
.
اندكت الباب  وراية فتحتها جانت مرت عمي ضياء وصبا مرت عمي عماد ام ايمان .  فاتن للغرفة وكأنما راح يصطادن فريسة .
.
ام قيس (مرت ضياء) . ها صار بينكم شي .
.
ايمان . اي .
.
ام قيس.  وين الوصلة .
.
ايمان هياتها .
.
صبا  ..  (هلاهل)  للللووووووووووووش.
.