مِن أينَ أنا وَ مِن أينَ أنتَ

الحلقة ٢٤

من اين أنا ومن أين أنت .
.
بارت ٢٤ .
.
روز علي .
.
يسعد مسائكم .  وقراءة ممتعة الكم قلبي .
.
ومن اكبر اخطائي انني كنت اعطي اكثر ممااخذ وافرح بكل مشاعري واتجاوز لحظات الحزن وكنت اظن لفرط جهلي ان الحياة وردية عشتها بقلب طفلة لاتعرف الحقد ولازيف المشاعر وكانت عفويتي وصدقي هي سبب صدمتي فيمن ظننتهم يوما من الايام ركن الامن والامان لاكتشف وبعد فوات الاوان ان الضربة القاضية لاتاتي الا من ركن الامن والامان وليس من ركن العداوة والاعداء..
.
من بعد انتظار وتعب وقلق وخوف .عشتة.  وبجي واخيراً انقبلت .جامعة بغداد .  طب اسنان .
.
كلش فرحت لان اول حلم حلمت اوصل الة هو اكون دكتورة اسنان .. والحمد لله والشكر بديت احققة .  وصلت.  بتعبي ومجهودي ولا بيوم خليت مدرس ولا بيوم اعتمدت ع احد  اما بالنسبة الرياحين فنقبلت وياية  .

شفت القبول وكعدت ابجي من كل قلبي حسيت دموع الدنيا صبت بعيني .لان شفت رياحين من شافت قبولها راحت تركض على اهلها وخواتها الله يحفظهم .  بلحظتها تمنيت ابوية. وامي  يمي .   جتي رياحين حظنتني وكامت تحجي
.
رياحين.  .كافي الخاطر الله تحزنين تبجين . تنقهرين تبجين . تفرحين تبجين . استغفر الله حتصيرين من ضمن البكاءون الخمسة .
.
ديلان . شنو البكاؤون الخمسة  منو هذول ..
.
رياحين . اولهم ادم بجة على الجنة الى ان صارت مثل الاودية بخدودة. 
الثاني .النبي يعقوب بجة على يوسف ابنة  حتى فقد بصرة
الثالث .يوسف ابن النبي يعقوب وجان بالسجن وتأذو منة اهل السجن وكلولة لو تبجي بالليل لو تبجي بالنهار .
والرابع السيدة فاطمة الزهراء  بنت النبي محمد  بجت على ابوها حتى تأذو اهل المدينة فبنى الها الامام علي مكان خاص تبجي بي وسمو بيت الاحزان
والخامس .الامام علي السجاد ابن الامام الحسين .بجة ٤٠ سنة .ما وضع بين يديه طعام او شراب اله بجة واكو واحد يساعدة بالبيت كلة مولاي افديك  اخاف عليك من الهلاك .
جاوبة انما اشكو بثي وحزني الى الله واعلم من الله ما لا تعلمون اني لم اذكر مصرع بني فاطمة الا خنقتني العبرة .
.
والسادس ديلان .الي تكوم وتكعد.تبجي . حتى بالفرح  تبجين  هسة انتي تكبرين بسرعة وتطلعلج تجاعيد .
.
ديلان . بس والله فرحانة .
.
رياحين . الفرحان يركص يهلهل . مو يعوي  تعاي انشغل اغاني ونركص . 
.
شغلنة اغاني بالتلفزيون وكعدنة نركص  ونكمز وديلان انطلقت بالركص بس  عليها ركص بأختصار يموت ..خلاني اصفن .
.
خرب ابوووج . هاي مين تعلمتي . بروح اهلج علميني .
.
ديلان . تعاي  شوفي باعي ع حركات رجلي .

بيومها كانت الفرحة مالية قلبي. واحلى لحظة من صرت اعلم رياحين على الركص .  صار الليل واحنة متخبلات. راحت رياحين البيتهم  واني بقيت منتظرة بالصالة للساعة ١٢ بالليل.   حتى يجي عمو واكلة .  سمعت صوت باب المطبخ تنفتح رحت اركض   هو فتح الباب صار كدامي فات بهيبتة وبطولة  وبملابسة العسكرية   رحت وكفت كدامة . وهو مستغرب. 
.
دهام . السلام عليكم .
.
ديلان . عليكم السلام .
.
دهام  . شبيج .
.
ديلان   عمو انقبلت بجامعة بغداد طب اسنان .
.
بقة ساكت محجة شي. تقدم وكف يم ميز الطعام ذب السويج ورجع  ذب سلاحة وساعتة ع الميز و نزع البسطال  الي لابسة واني اراقب حركاتة وشنو حيكول.  تمشى بخطواتة للصالة  وكعد ع القنفة وانتجة براسة
.
_عمو شو ساكت . محجيت . مفرحتلي يعني .
.
دهام  . الف مبروك ..
.
ديلان  . بس عمو مبينة مو من قلبك .
.
دهام ...  شنو الي مكعدج لحد هسه .
.
ديلان  . ردت ابشرك .
.
دهام  . الله يوفقج ويسعدج
.
روحي نامي . هسه . وباجر نسولف. 
.
دهام  . ليش ضايج  عمو .
.
دهام . .مضايج بس تعبان .
.
ديلان  . تعبان من شنو .
.
دهام  . من كل شي ..يالة روحي نامي تصبحين ع خير .
.
ديلان  . وانت من اهل الخير.
.
ماعرفت عمو شبي. وليش هيج ضايج .  فتت للغرفة.  كعدت ع الجرباية . واني بالي يمة . شوية وسمعت صوتة .يقرا وية الموبايل  ويدندن  .