نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""""""
الجَرح لو طَاب هـم يَترك نياشِيـن
"""""""""""""""""""
رويــده :: طلع ابوي وراه يركض ايده على راسه لازم عگاله ويصيح :: اندهرنا اندهرنا راح يشردون
واني بس اجر بأيدي من غــزل التبجي اريد اروحله ادري محد يگدر يلزمه جريت ايدي حيل منها واني اسمع الصياح لفيت شالي عدل وطلعت واشوفه يجر بالولد طلعه للساحه يضرب بيه وام الولد تصرخ واهله يلزمون بهجام يردون بس يطلعون ابنهم من أيده والولد مارفع ايده على هجــام بس يصيح بيه :: اجيتك البابكم ما مسوي غلط .
دفعه على بنيد السيارة وضربة بوكس بوجهه ركضت اريد بس اوصل اله ، الزلم لازمينه واحد منهم ضربة لان شافوا اسلام وجهه تغطى بالدم ضرب هجــام صرخت دفعت ايد الرجال ولزمت هجــام من زنده التفت وشافني وهو تخبل خنك الولد ويصيح عليَ ارجعي للبيت
رجع الولد ضرب هجــام حيل بس يريد يطلع أسلام من أيده وهو عيونه خازرتني ويصيح يريد اروح بجيت عاجزه صرخت بوجهه لاول مره
- عوووووف الولد عووووفه كافي
سكت يباوعلي واسلام دفع ايديه من رگبته وكعد بالكاع ايده على خشمه ويگح وهم ملتمين علي ناس تغلط وناس تصيح وهجام غمض ايده على گلبه لزمته ابجي دنك ساند راسه على راسي
- بس على كيفك فدوه اروحلك لا تتصرف هيج هجــام يا روحـــي باوعلي باوع
فتح عيونه خازرني عيونه دم
- اموته
- اشششش ، مو كلنا بعد ما نتسرع ها ؟ مو كلنا بالهدوء نفتهم ونتصرف بدون ضرب ؟
- اموته
حضنت وجهه بين ايدي كل جسمي يرجف
- اموت اني من هيج تتصرف اموت يهون عليك هجــام يهون تأذيني هيج ؟
غمض عينه حيل ساكت وهم يحجون بصياح وابوي وراهم يحجي بصوت ناصي ويكلهم
- عذرونه هذا شوية مو بعقله
خزرته حيل رفع اكتافه وسد حلكه درت اباوعلهم ملتمين على ابنهم بالگاع الدم ما جاي يوكف من خشمه كالت المره
- نكسر خشمك نكسر .
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
