نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
من لگيتك
روحي صارت نذر لأهل إلهوة العذري
ومن هويتك لمت روحي
الما هوت بـ إسنين زغري
""""""""""""""""
شــام :: اهتز گـــلبي مو مجرد خوف اني حسيت روحـــي مريت بالموت صرخت بكل صوتي ويا صوت الرصاص نشمرت بالكاع وبنتي حاضنتها على صدري بقوة نضرب ظهري بحافة الرصيف اصرخ ارجف والمح هجــام طاح بالكاع والسيارة طايرة ابتعدت وهجام زحف ليمي بسرعة يريد يلزمني والدم من ايده ينزل عليَ وعلى ترف وهو يرجف ويصيح
- مابيكم شي ما بيكم شي شــام شــام .
واني فاقده حاضنه ترف بكل قوتي هي تبجي واني اصرخ وطلعت رويــده للشارع مثل المخبله بلا حجاب تصرخ وتلطم على وجهه
وهو لمحها ونجن من شاف الناس طلعت من بيوتها للشارع والسيارات التفوف تخفف يمنا جر العباية فوك رجلي وكام الرويده هي ما مصدكة وكفته كدامها تريد تلزمه وهو يدفع بيها للبيت ويصيح. بكل صوته
- شطلعج شطلعج بلا حجاب .
ويدفع بيها للبيت اجت مره من جوارينا عليَ هي تحجي واني اصيح
- ظهري ما اكدر ظهري .
رجع هجــام متخبل واني مجلبه بترف ما اهدها وهو ما يدري بروحه شيسوي مره يلزمني ومره يلزم ترف وثنينا نبجي والمح رويــده شمرت روحها بصفي متخبله ورا مادخلت لبست حجاب تلدم بيه ترجف ترجف وتصيح
- شــام شــام ، يمه مابيكم شي يمه مابيكم شي ، ترف عمه يمه.
اخذت ترف من أيدي حاضنتها على گلبها تبوس بيها وتبجي وهجام الدم على طول أيده لزمني يريد يشلني
- لا هجــام بس اسحب ايدي .
سحبني من ايدي يكعدني كوه اجر نفس من ظهري نضرب بالوصيف بقوة وهو ماحاس بروحه بحيث مايدري شيسوي والعالم ملتمه علينا فتح عينه يباوعلهم اني رجلي طالعات من العباية ورويده ما لافه حجابها زين وافاطم من الباب تباوع عيونه متروسه دموع
وهو نجن يطرد بالعالم شنو تباوعون ويسب بيهم .
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
