نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
ومرآت تَحصل بالصدفَ نضَرآت بينيّ وبينهَ
وأصفن ، وأحير ، وأرتبك .. يآ لون هذآ بعينة .
""""""""""""""""""""""""
رويــده :: حاولت بس انام ما كدرت مشاعري مخربطة ساعة أبتسم ساعة اخاف إبتعد ويمر يومي بلا ما أشوف هجــام شلون اكدر هذا روحـــي من الدنيا ، ولا اكدر أتخلى عن گـــلبي اكثر من هيج عفت سنين من عمــري .
اختنگت حيل ويرجع كلام يُســر مثل النسمه البارده يتخلل بين ثنايا گـــلبي
كمت محتارة طلعت للكراج رغم بارده بس ردت أشم هواء واعرف افكر حرت ، كعدت يم الحديقة نسمات البرد حسيتهن جمدن وجهي
اجذب على نفسي اذا اكول اكدر إبتعد عن هجــام اتمرض والله اتمرض ، ولا بيه بعد واعوف يُســر ما اكدر اتخيل انساه لو اطلعه من گـــلبي .
لميت رجلي الصدري حضنتهن بايدي وسندت راسي عليهن افكر رفعت راسي على باب المطبخ من انفتح طلع هجــام كعدت عدل يباوعلي بحيرة واجه يتمشى كعد بصفي ثنينا ساكتين شوية وحجه بصوت مخنوك
- انا اموت اذا ما اشوفج كل يوم ، رويــده .
رفعت راسي اباوع لوجهه ولعيونه الحمر نزلن دموعي ومسحتهن بسرعة درت وجهي مختنگه
- ما اتزوج .
حجيتها وحسيت بايده على كتفي سحبني الصدره حاضني بقوة ويبوس بشعري
- مو بكيفج ، انطيت كلمة بعد ، تفشليني كدامهم ؟
- هجــام فدوه لا تزيد حيرتي .
- لا تحتارين ، هاي سنة الحياة اول وتالي تتزوجين ، ضحيتي بهواي سنين من عمرج الخاطري كافي بعد ، انا هم ودي اشوفج ببيت زوجج سعيدة ومستقرة .
حجاها وشم شعري بحسرة
- ولو ما جان ببالي روميو جنت أتمنى واحد على كد ايدي ازوجة الج واجيبه اكعده ويانا واذا يفك حلكه اسطره بالساطور، اخلي ما يشوف دربه منين
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
