نوائب شام

البارت ٤١

نوائب_شام

بقلم ايلول 💚

تصويت وتعليق بين الفقرات لطفًا 🦋

""""""""""""""""""""""

بلكي نموتَ
خلصنَا العمر لچماتْ
محد يفتهمّ شبينا..
الوَجع لاحكناَ من كِل صُوب.
حافظ حتى اساميناَ
""""""""""""""

رويــده :: صوت صدى قوي صار بأذني احس بلا وعي جسمي ركض كمت ما اسمع افاطم وينها وينها شفت السيارة ضربتها نشالت ليفوك ونشمرت شفتها وهسه عيوني ماجاي يشوفن  اركض بس احس لا اسمع ولا شوف عيوني مغوشات  عثرت احس وطحت على وجهي  امسح بعيوني حييل بس اريد اشوف اريد استوعب

والمحها مدمايه بحضن موسى  متت يا علي روحـــي نذبحت بلا وعي اجر بيها الحضني فاقده ما اسمع اي شي بس فاتحة عيني حييل وحاضنتها الگلبي  اباوعلهم احسهم مثل الخيال كدام عيوني  ثواني احس بروحي  ببيتنا القديم وثواني احس اسمع صوت هجــام شــام غــزل امي عقلي احس خربط كلشي عايشته جمعة بهالموقف فقدني التركيز ما حاسه على اي شي

وفززني راشدي قوي اباوعله حيــادر يصيح
- هدددديها .

دنكت عيني الحضني عاصرة افاطم لگلبي وهو وموسى بس يردون ياخذونها من ايدي رخت أيدي  شالها موسى وحيادر يركض كدامه واني متجمده بمكاني اباوع الأيدي والحضني وللشارع المتروسات دم

نسحبت من زندي اباوع اليسر يمشي بسرعة ويسحب بيه فتح الباب صعدني للسيارة واني عيوني على الشارع  ارمش بثگل واحس بعيوني ما يشوفن غير افاطم من ضربتها السيارة درت اليسر من صعد يسوق سريع ويردد

- لطفك اللهي لطفك .

غمضت عيوني قوي جاي اختنك وكل ما استوعب الصار احس بگلبي يتملخ  اجر النفس بشهكه وحرورة الدمع چوت خدي   اباوع الأيدي المتغطيه بدمها وارجف كلي
- افاطم افاااااااطم

صرخت روحـــي جاي تحترك واموت اموت بكل ثانية تعبر ما أسمع يُســر شنو يحجي وكل ما يجر ايدي ادفعها لحد يلززمني جاي احتررك  عوووفوني عوفوني  .

افتر بسرعة فتح الباب وسحبني وراه عيوني تتلفت والدموع مغوشتهن  اباوع للناس وادور بينهم وجهه اعرفه ادور وجهه يگلي افاطم زينه تعالي شوفيها ما اريد اسمع غير هالكلمات ما أريد

والمح موسى كاعد بالگاع على اركبه والدكاترة ملتمين على سدية وحيادر يحجي وياهم مشيت أركض ومفرفحة دفعوا السدية ياخذونها اريد أوصلها ما اكدر

حيــادر :: اووكفي.

- ماتتتت ماتتتتت ماتتت