نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
من غبت ما گمنا نلتم
واعتزلنا الگعده ذيج ومرا اذكر بيك نحجي ومن وصلنا
ل حرف اسمك هب حنينك
انته وينگ؟ لا قريب ونعتنيلك ولا تجي
ونلمحها عينك
احنا كلش فاگدينك ....
"""""""""""""""
رويــده :: بروده أحتلت كل اطرافي رخت اعصابي ودكات گـــلبي تضاعفت كعدت على حيلي كوه احجي
- أحلف !!!!
- وعيونج .
بجيت كاتمه صوتي كال
- هسه انا جاي وحيادر راح يجيب المحامي ويجي .
- محامي ؟؟
سكت مسحت وجهي ووكفت خايفة
- يُســر ، هجــام وين ؟
تحسر وحجه بغصة
- بالسجن .
غمضت حيل ايدي على گـــلبي احس شرايين گـــلبي كلها تتشنج عجيب الارتباط البين اسم هجــام ودكات گـــلبي .
يُســر :: لا تخافين هسه المهم عرفنه مكانه والباقي سهل .
يحجي واني دموعي خانگاتني بنص بلعومي يلتم الحچي وما يطلع
تحسر مقهور
- احلفج بمنو تبطلين بچي ؟ شسوي وعيونج ما يبجن شسوي واشوفج تضحكين .
بجيت بصوت مخنوگه كوه احجي
- رجعلي هجــام .
- يرجعلج وحگج وحگ لوعتج عليه يرجعلج لو اخر يوم بعمري ارجع هجــام گدام عيــونج .
سديت التليفون منه اباوع الافاطم ودموعي على خدي اااخ يا روحـــي ، وينج شــام شلون اوصلج اخباره ، احير المنو ابجي وعلى منو ينوجع گـــلبي اكثر
عيوني بالفراغ صافنه وحسيت أيدها فوك أيدي مسحت بهدوء باوعتلها
أفاطم:: لا تبجين كلشي يهون .
تحسرت ورفعت ايدي حاضنه وجها بين چفوفي
- يهون كلشي من اشوفكم مرتاحين وكدام عيني . مو مضيعتكم كلمن بمكان غــزل بمكان وبس تبجي من وجع العملية ، وشام اااخ يا شــام هاده حيلي شنو الجاي تعيشة وينها وين اراضيها ، وهجام تصدكين فرحت من عرفته بالسجن المهم موجود المهم اندليته وعرفت شي عنه ،
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
