نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
فُقدت السيطرَة
وبالگوة جاي أصبُر
وأول مَرة أحِس بنفسِي
ضگت المُر
صفنت لنَفسي
هذا التَعب يخلص ويّن
شوكِت أتعَب
وأحس هذا التَعب مثمُر ..
"""""""""""""""""""""
يُســر :: البقية بحياتج .
سمعتها وأحس إذني صفرت والساني ثگل وهو كمل كلامه متحسر
- ابوج توفى .
طاح التليفون من ايدي وطحت بالكاع مهبوطة ابجي ابجي بوجع مو عليه، ابجي من خوفي على هجــام ابجي من اللحظة التوقعت بيها يقصد هجــام
والبنات ملتمات عليَ ميتات خوف بس يردن احجي رفعت راسي اباوع الشام من بعيد عيونها عليَ ذبلانه كلها باوعت الغزل وافاطم همست
- ابوجن مات .
سكتن ثنينهن يباوعلي الحد ما استوعبن أفاطم ضحكت وكامت من كدامي كعدت بصف شــام وغزل عيونها نترسن دموع الحد ما بجت حضنتها
- اشش غزوله حرامات تبجين عليه ما يتساهل دمعه من عيون وحده بينا ما يستاهل .
وهي مختنكه وتبجي تضم روحها بحضني الحد ما هدأت مسحت دموعها وتليفوني رجع دك أخذته وطلعت من يمهن نزلت جوا جاوبته
- ها يُســر .
- يابه وين رحتي ، خوفتينا عليج .
- ما بيه شي لا تخافون .
سكت شوية ما يدري شنو يحجي وياي على باله راح ابجي واصرخ عليه شوية وكتله .
- شلون مات ؟
- مجلوط وباقي بمكانه محد يدري بيه
- ههههه محد يدري .
سكت مصدوم لان ضحكت شوية وكال
- رويــده بيج شي ؟
- يُســر ، عرفتوا شي جديد هجــام وين ؟
بقى ساكت وسمعت حيــادر يصيح
- رويــده اجي ونسولف لا يضل بالج .
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
