نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
اول مره ياكل بكلبي الخوف
اول مره ادخن حته الكطوف
""""""""""""""""
رويــده:: گـــلبي على اخوي متملخ اول مره اشوف الخوف تارس وجهه اول مره يغص بالكلمة اول مره يحير شلون يبدي ويشرحلها .
وشام تباوع باستغراب تبتسم ومن تشوف الخوف البوجهنا تروح ابتسامتها وتباوع بضياع بيني وبين هجــام ماكدر يحجيلها دنك راسه وايدها بأيده خلاها على شفته باسها ونزلن دموعه وهي شهكت خايفة وتقربت تحضنه بخوف
شــام :: هجــام ، شبيك اشش ما اريد اعرف شي بس باوعلي هجــام
التفتت علي بخوف تحاجيني
- رويــده شكو ؟
أبتعد يباوعلها وهي روحها انترست خوف مسحت على زنده تحاجي
- هاي هي مو ضروري تحجيلي ليش تجبر نفسك ؟
هجــام :: ضروري شــام ضروري .
سكتت تباوعله بترقب خله أيديها على وجهه باسهن وشماهن جاي يودعها وكانُ متأكد من زعلها وعدم مسامحتها اله ، وهي تباوع بعيونه تبتسم بخوف .
شــام :: كد ما خفت ودي ما أعرف شي التفتت الرويده رأسًا تدنك ما تخلي عينها بعيني ، هجــام مسح وجهه لزم أيدي ثنينهم متربعين ثنينا بالگاع واحد مقبايل الثاني حجة بصوت مخنوك
- بالبداية كولي ، شنو تتمنين من عندي ؟
ابتسمت ساكته رفعت اكتافي وهو يعصر أيدي بايده حيل
- شنو أتمنى بخصوص شنو يعني؟
- اي ، اي شي احجي اليجي ببالج شنو تتمنين
درت لرويده محتارة ما عندي شي واجت ببالي جملة وحده
- اتمنى ما تسمع أغاني .
هز راسه اي باوع بعيوني وطول بنظرتة الحد ما نزلن دموعه مسحهن بسرعة ، خفت .
- هجــام جاي تخوفني والله .
أبتسم بقهر بلع ريك يحجي كلمة ويسكت يشوف ردة فعلي
هجــام :: اول مره شفتج بيها جنتِ گاعده بحضن أمي ، عمرج اربعة او خمسة بأيدج نستله ، ردتج توخرين من حضن امي حتى أخلي راسي على رجليها خجلت من أمج ماكدرت ابعدج خليت راسي على رجل امي وانتِ كاعده بحضنها ، نطيتيني النستله البأيدج فتحتها الج اخذتيها اكلتي منها ورجعتي مديتيها الي ترديني اكل منها
هنا اول اول مره المح عيــونج واركز بيهم گتلها " يمه اذا صارت عندي بنيه أتمنى هيج شكلها "
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
