نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
مطرت الدنيا وگمت غيرك ما اشوف
واتخيلك ما بيـن گطرة وگطرة
"هالمرة احس مشتاگلك فد مرة"
""""""""""""""""
رويــده :: غمضت عيني بتعب وهي تهزني بخوف
- رويــده حاجيني رويــده .
رفعتني من الكاع سندت ظهري على الحايط كوه فاتحه عيني واباوعلها شبيه هيج فجأة ابقى ما احس بروحي والرجفة تلزمني
كامت أفاطم تركض للمطبخ تريد تجيب ماي ، وشام رغم مرضها وتعبها تعصر برجلي وجها متروس خوف ، اخذت الماي من أفاطم ساكته الحد ما حسيت نفسي استقر باوعتلها مختنگة
- والله لو عندي غير هالحل ما اخليج بهالموقف ، وحالي من حالج مجبورة اقبل ، اكدر اكلهم لا وابقى رافضة هالحل بس اخاف اخاف أفاطم لان راح يصير الحق الهم ويكلولهم ناخذهن غصب عنكم ومتأكده يموتون حيــادر ويسر وموسى ومايخلونا نطلع من هنا .
أفاطم:: بس اني ما خايفة منهم خلي ياخذوني رويــده لا تفكرين بيه.
كعدت عدل ومديت أيدي الوجها حضنته بين ايديه مختنگة
- افاطم ، هجــام بعيد عني وما ادري شنو وضعه ووين صار ، گـــلبي خلص من الخوف عليه ، تتوقعين اكدر أتحمل بُعد واحد ثاني من اخواني ؟ بمنو راح احير بيج لو بهجام على منو اخاف وعلى منو ابجي لا تخلوني بين نارين فدوه أفاطم اسمعي من عندي.
دنكت راسها ساكته باوعت الشام الي بس دموعها تنزل هزت راسها موافقة
- شنو التردينه هسه رويــده ؟
- توافقين على العقد عفيه .
- هاي هي خوش
حجتها وسحبت أيدها من عندي مبتعده راحت للحمام ، باوعت الشام نظراتها ونظراتي يشرحن شنو بينا من وجع وحده تگول للثانية انا المشتاقتلة اكثر .
همست بصوت مخنوك
شــام :: خاف هجــام ما يقبل .
- خلي يجي وعود لا يقبل خلي يجي ويعاقب ويكسر ويضرب يرخصله كلشي بس خلي يجي
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
