نوائب شام

البارت ٣٢

نوائب_شام

بقلم ايلول 💚

تصويت وتعليق بين الفقرات لطفًا 🦋

""""""""""""""""""""""

الليلة ضَايع
الليلة ظلمة
ولا گمر بجروحِي لامع
الليله اسّيرلك
ورگ فوگ المَدامع
الليلة اموت
وتايبين
وحَاسبينك
طفّن بروحي الجوَامع
الليلة ارد طين لمَچاني
وعلى الصُور
تلگاني ناگع
الليلة مَا مرتاح يصرخ بيه گاطع
."""""""""""

شــام :: دكات گـــلبي تتسابق ويا خطواته عيوني على الباب فتحه ودخل بأيده علاكه ومبتسم مدنك رفع راسه على الحايط المقابيلة ورجع دنك بتفس الحظة رفع راسه للحايط فاتح عيونه على وسعهن شهك شهگة بصدمة احسه سجين وصارت بگلبي طاحت العلاكة من أيده وهو كل ذرة بجسمه ترجف عيونه تتنقل بين الحياطين يهز راسه لا يريد يتقدم ورجليه ما يتحركن

بجيت بصوت وهو يجر  بروحه مشه بهمه للحايط بايديه يمسح بيه ويصيح بوجع
- لااا لااا لا

ذرة حيل ما بقت بيه من شفت حاله صياحة ورجفته يملخ الحايط بايدة ويضرب بالحايط صعدت رويــده تركض ومن الصدمة خلت أيدها على حلكها مرعوبة من منظر هجــام من الدم الصار على الحايط وهو يحاول يزلغ الصبغ حتى ترجع الرسومات ويصيح بكل صوته

- لااا لاا لا تموتوني لا توجعن گـــلبي لا لا

باوعتلي رويــده بأسف عيونها متروسة دموع وهوأيديه تملخن والدم يصير خطوط على الحايط ، مسحت دموعها وراحتله بمجرد لزمت ايده دفعها حيل وصرخ بوجها

- وخرررررري

التفت عليها الشر تارس عيونة الحمر لزم زندها بقوة جراها ، رجعت ليورا اكثر خاتله بين الحايط والكنتور ورويده تبجي ووتوسل بيه يسمعها دفعها من الغرفة قفل الباب ورجع باوع للحايط خطوة خطوة يمشي ودموعه نزلن بگلبي جمر بجة مثلي من ينعصر گـــلبي وما الي غير الدموع بچةً بقهر وحيرة

يضرب الحايط بچف أيده وصياحة ذبحني الصبغ الاني خليته ماناشف حيل بس مسح الرسومات ، وهو گد ما شلع بالصبغ صار يدخل بين اظافرة واختلط الدم والصبغ سد ايدة قوي وضرب الحايط بكل قوته فزيت ورحت اركض بلا وعي الزم بأيده وهو ما مهتم يضربها قوي ايدي الحاضنه ايده غرگت دم عفتها وحضنت راسه ابجي وأصيح

- آسفة أسفة

سكت يتنفس سريع دفع أيدي بفزة ابتعدت امسح بأيدي وهو وكف على حيله ايده تنفض دم و ترجف عيونه حمر ودموعه على خده يتقدم خطوة وأرجع أكثر الحد ما طخ ظهري بباب المدخل رجفت شفتي ابجي بخوف مد ايديه على وجهي بسرعة يرجف يمسح دموعي ويصيح
- اشششش اششششش