نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
شثگل هَچرك ، سما وطاحت على متوني ..
"""""""""""""""""
رويــده :: افااااااااطم
صرخت املخ بيهن بس اريد افك روحـــي والحكها وسجود تدير بالنفط عليها "فرفحت السابع سماء روحـــي " وهي كاعده على اركبها بصف التنور مغمضة عينها نار واكلت گـــلبي اصرررخ بكل حيلي واجر بروحي منهن
وويا صرختي نضربن ثنينهن ابتعدت متعثرة ، وحده منهن تصرخ وتكمز ،اباوع لشام بالماسحة تضرب بيهن كوه فاتحه عينها عفتهن وركضت سجود تدور على الجداحة بين فتحات بلوك السياج
المسافة البيني وبينها حسيت عمــري خلص بيها بخوف وعثرة أركض وكل ذرة بجسمي ترجف هستوها تلزم الجداحة واوصلها دفعتها بقوة على البلوك شمرت الجداحة لبعيد وهي رجعت وكفت تريد تضربني النار والخوف العشته احسه خلاني بلا گلب املخ بيها واضرب بلا وعي عسى ما تموت بأيدي كمت احس بجلدها يجي باضافري .
عفتها بالگاع مدماية ووكفت ارجف التمن على شــام وهي ما بيها حيل اريد اركضلها واريد اشوف أفاطم الي تباوع باستلام جريتها من ملابسها وكفتها امسح النفط من وجهه بردني ارجف والنفس خانگني تباوع لعيوني ساكته واني مفرفحة والمح ولد بيت عمو اجو بالبستان يتراكضون
جريت أفاطم اركض وهي كوه تمشي دفعتهن من شــام اضرب وافاطم رجعت على زهراء نفسها ايدها الجانت حاضنتها على گلبها لوتها لوره ظهرها وخلت زهراء تصررخ بكل صوتها دفعتهن جريت أفاطم وشام اركض واعثر. ارجف بخوف وصلت يم الدرج اسحل بيهن سحل ثنينهن كوه يتحركن وصلت للدرج ورجعت للمطبخ جريت المفاتيح المعلكات بالباب ورجعت ركض عليهن اسحبهن وهن خطوة خطوة يمشن روحـــي راحت على ما وصلت الغرفة هجــام دخلتهن وسديت الباب ارجف وجسمي يهتز اباوع للباب هسه يدفعونه وياخذونهن من ايدي ما اكدرلهم ما اكدرلهم
أسمع صياحهم جوا والصريخ جسمي يهتز التفتت عليهن امسح وجهي بأيدي اليرجفن واتلفت حايرة ركضت للجراره ادور بخبال جريت مفاتيح غرفة ملاك ورجعت سحبتهن دخلتهن للغرفة وقفلت الباب گـــلبي گـــلبي احسه مشتعل بنار والنفس ما اعرف شلون اسحبه
درت عيني الهن ثنينهن كاعدات بالكاع رجفت رجلي بعد ما يشيلني اباوع الافاطم الكلها نفط واتخيل روحـــي ما ملحكه عليها أتخيل أشوفها كدام عيني مشتعله مثل رسول وكلبي يفرفح طحت بالكاع
اشهك مفرفحة تقربت جريتها الحضني حييل عاصرتها بحضني وابجي بحركة يابه روحـــي شاطت وانصدم بيها تضحك وخرتها من حضي امسح بوجها واحضن بيه بين ايديه
- أفاطم
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
