نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
شكثر مشتاگلك
لو تدري چا رديت
انه بگد ما نذرت
الدرب واحد صار
من البيت لاهل البيت .
"""""""""""""""
رويــده ::رجعنا بدون غــزل ساعة ابتسم ساعة دموعي ينزلن ، هجــام طول الطريق معصب ، ومن ترف تناغي انتبه يباوع بالمراية عليها يكسر گـــلبي .
نزلت شــام ركض دخلت وهي لافتها لف تخاف عليها من البروده
دخلت وراها لكيتها بالصالة تباوعلها خايفة رفعت ايديها الي تحجي بخوف
- رويــده يمكن صخنت يمه يمه
شمرت عبايتي على القنفة
- جيبيها بله .
اخذتها منها اتحسس حرارتها كعدت وشام كدامي راح تموت من الخوف
- عمه ترف حبيبتي يمه تروحلج فدوه رويــده .
بستها أضحك ريحتها ترد الروح من اشم ركبتها گـــلبي يرفرف باوعت الشام
- كلشي مابيها لا تخافين .
دخلت أفاطم من بعيد تباوع للطفلة بحضني ، وشام اجت بصفي كعدت تلاعبها وهي بأيدي ، لمحت هجــام دخل يمشي سريع رأسًا حجيت
- هجــام بله تعال شوف صدك ترف مصخنه ؟
وصل للدرج ومن حجيت اجه بفزة يمشي بسرعة كعد كدامي على اركبه وايده على وجه ترف وركبتها مرتبك وخايف ويحجي سريع
- مصخنة ؟ مصخنه ؟
ناغت وتحركت تباوعله بعيونها الخضر هدأ بلع ريك مرتبك يباوعلها وأيده على وجها ابتسم عيونه مدمعه قرب وجهه الها يحجي مختنك
هجــام :: ها بابا .
وبلا ما يحس على روحه أخذها من ايدي وكعد بالكاع عدل يحاجيها ويناغيها ودموعه تارسة عيونه يهزها بحضنه ويحجي وياها
- باباتي حبيبتي بابا يا كل عمــري .
ودنك شمها من ركبتها بشوغة حسرته تهد الحيل لزمت اصبعه بين اصابعها الصغار وهو تخبل يبوس بايدها اصبع اصبع ويحجي ناسي كلشي وناسي حتى وجودنا بطرف اصبعة يتلمس حنكها ويلاعبها يريدها تضحك وهي تناغي ومن يسمعها ، يضحك بصوت عالي طاير بيها
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
