Uljhe Dor

3. First Floor pe Pool?

  "Yeh to kal wali bike hai. Yahan kya kar rahi hai?"

  "Ma'am, paise to de do."

  "Arrey haan, kitna hua?"

  "100."

  "100 to bohot zyada hai par mere paas abhi argument ka time nahi hai. Rakh hi lo." Shaivi paise de kar bike ko paas se dekhne chali jati hai.

  "Haath mat lagana," Shaivi ke pichhe se aawaz aati hai aur wo chauk jati hai. "Agar daag lag gaya to ise saaf karwane ke paise bhi nahi de paogi."

  "Excuse me?" Shaivi pichhe mudti hai aur Glam Events pe aaye uss handsome insaan ko wahan paati hai. "Aap- nahi, tum? Yeh tumhara ghar hai? Tumhari behen ki shaadi hai?"

  "Ajeeb ladki ho, mere hi ghar aakar mujhse hi puchh- taach kar rahi ho. Haan, mera ghar hai, to?"

  "To, main gayi. Jo chahti thi, uska theek ulta ho raha hai. Actually, ek tarah se main jo chahti thi wahi ho raha hai, kyunki bika wala aadmi aur Glam Events mein jiske wajah se job mili mijhe dono ek hi hai. Kya kismat hai meri."

  "Kya bad-bada rahi ho apne- aap se?"

  "Kuchh nahi, tumhe isse matlab?"

  "Nahi, lekin pagal lagti ho apne- aap se baat karte hue."

  "Pagal to tum ho. Ek bike ke liye itna possessiveness? Pagal hi ho." Shaivi gussa hokar chali jati hai,

  "Yeh ladki to badi ajeeb hai. Milte hi gussa karne lagi. Aise kaun baat karta hai. Aur yeh ladki andar kaise ghus gayi? Suno! Tum andar nahi ja sakti!" Jaise hi wo andar jata hai, ek gadi aakar Mehrotra Mansion ke saamne rukti hai.

  "Bela, Kavya, yeh hai Mehrotra Mansion. Yahin pe shaadi hogi. Let me do the talking when we go inside. Tum dono bas dekho aur seekho."

  "Yes, ma'am," dono bolte hain.

  "Good. Let's go in."

  Teeno andar jaate hain aur bade se living room mein unko baithaya jata hai. Bela aur Kavya idhar- udhar dekhne lagte hain.

  "Bela di, yeh ghar kitna bada hai na? Kash main bhi aise ghar mein reh sakti."

  "Ham issi ghar mein rehne wale hain na, bhale hi kuchh samay ke liye hi. Baat ek hi hai."

  Unke left side mein ghar ka entrance hai aur right side mein bada sa staircase hai jo upar jati hai.

  "Aap log aa gaye? You are here before time, but theek hai. Aalok aapko sab samjha dega. Aalok!"

  "Ji, sir," Aalok amdar ki ore se aate hue kehta hai.

  "Ms. Jia aur unki team ko unke rooms dikha do. Shaam mein-"

  "I'm sorry sir, par lagta hai koi galat fehmi hui hai. I'm not Jia, I'm Rachna."

  "Rachna? Par mujhe to details Jia aur unki team ki bheji gayi thi."

  "Excuse me, sir. Ms. Jia aur unki team aa gayi hai." Ek helper aakar batata hai.

  "Unhe andar bhej do, Girish."

  Jia ek ladki ke saath andar aati hai. Phir se late hai yeh ladki. Use lena hi nahi chahiye tha. Aruna ma'am se baat karna hoga uske baare mein.

  "Good morning sir. I'm Jia from Glam Events and I will be your wedding planner."

  "To aap yahan kya kar rahin hain?" Kunal Rachna se puchhta hai.

  "I'm Rachna, also from Glam Events. Hamein kaha gaya tha ki Mehrotras are getting married and we have to make it happen."

  "Are you sure, Rachna? Aruna ma'am se ek baar baat kar lo," Jia Rachna se kehti hai.