Uljhe Dor

23. Shaadi ke Din ka Chaos

A/N:
Thank you all for supporting me and giving my book a chance. Aap sab ne mera book padha, kayi ne vote kiya aur mere book apne reading list mein dala, sab ke liye dhanyavaad. Aap sab ke bina main 2k reads tak nahi pohonch paati, so thank you. Jaisa ki maine promise kiya tha, is week double updates, so enjoy. :)

Love,
SilverStar

--------------------------------------------------------------------------------------------------------------------------------

  Bela nashta kar rahi hoti hai jab ek ringtone bajne lagta hai. Bela chauk jaati hai. Bela Kunal ka diya phone ke dibbe ki ore dekhti hai jo abhi bhi waise hi pada hai jaise kal raat ko Bela ne chhoda tha.

  Hamein us Tashanbaaz ka diya kuchh bhi nahi chahiye. Lekin call aa raha matlab hamara number chal raha hai. Agar kuchh zaroori hua to bahana bhi nahi bana sakte ki hamara number kaam nahi kar raha hai. Ek kaam karte hain, ahhi utha lete hain. Akduchand ko kaunsa pata chalne wala hai. Baad mein wapas kar denge.

  Bela phone uthati hai. "Bela Narayan? This is Glam Events headquarters. This is to inform you that your termination of employment is canceled. However, you are removed from the current ongoing project. You are required to report to the headquarter two days later for the decision that will be made whether you stay with us or not, as per the usual plan."

  Hamein wapas le liya? Zaroor Kunal ka kaam hai. Kya samajhte hain wo apne aap ko? Jab man kiya nikalwa diya, jab man kiya wapas rakhwa diya? Achha hua hamein wapas Aarohi ki shaadi wale project mein nahi rakha hai warna ham kis muh se wapas jaate wahan kaam karne aur kis liye, apni bezzati karwane?

  Matlab, jaana to hai, lekin kisi ko pata nahi chalega ki ham wahan hain. Bas wahan jaake Shaivi se kisi tarah baat karna hoga aur use manana hoga. Agar wo Maan gayi to ham dono saath mein Aarohi ko rok lenge. Aur agar nahi maani to ham akele hi kar lenge. Lekin jab dulhan mandap pe baithegi nahi to Mehrotras ki kitni bezzati hogi. Use kaise rokenge? Hamare paas to saboot bhi nahi hai-

  Agar wo footage hamare phone se gayab hua, to internal storage mein hona chahiye. Sambhaavna kam hai par dekh lete hain.

  Bela apna laptop kholti hai aur internal storage dekhti hai. Kisi ne hamara system hack kiya hai. Puri tarah mita diya. Ek minute, hamare account se hataya gaya hai, lekin security headquarter ke paas saare backups honge. Hamein Mehrotra Mansion jaane se pehle wahan jaake footage lena hoga. Tab hamare paas solid saboot hoga Adhij ke baare mein sab ko batane ke liye.

---☆---

  "Ansh, Veer ko video call kar le. Tera interior ka company hai to uski madad karde drapes select karne mein." Kunal Anshuman se kehta hai.

  "Kunal, main sirf company chalata hoon, main khud interior nahi karta hoon."

  "Bachne ke bahanae mat bana. Maine tujhe dekha hai, tujhe yeh sab ka idea hai. Waise bhi tujhe bas yeh dekhna hai ki kis colour ke saath kaun sa colour suit karega."

  "Chal theek hai. Achha ,Kunal, tujhe Badi Maa dhoondh rahi hai. Meet her in the kitchen."

  "Anshuman sir?"

  Anshuman pichhe mudta hai. "Kya hua?"

  "Sir, Radhika Ma'am ko apne kapdon ka trial karna hai to unhe dhoondh raha hoon."

  "Kuchh ghanton mein shaadi hai aur abhi trial karna hai?"

  "Sirf unka baaki hai. Sonia Ma'am ne kaha ki Radhika Ma'am aaj hi aayi hain to unka last mein trial hoga. Don't worry sir, chances kam hai ki koi galti ho. Aur hua to ham log use ek ghante se do ghante mein fix kar denge."