المراهقة و الأربعيني:
الجزء25:
حبطت رحت ديراكت لشومبرة الحاجة قعدت و نقلب فالتلفون من الفرحة نسيت كامل الدنيا قالتلي الحاجة يا بنتي وين راهو الفطور؟! قلتلها اااااا نسيتو دوك نروح دقيقة شوفي وش جابلي عمو صراع قاتلي يا بنتي الراجل غارق فيك لشواشيه و انت مازالكي تزڨيلو عمو؟! قلتلها مادابيا بصح و الله غير جيني ثقيلة نزڨيلو باسمو حشمت، شوفي شوفي شحال شباب قالتلي بصحتك بنتي بصح روحي ديريلنا نفطرو راهو قريب الضحى قلتلها دقيقة دوك نروح، دخلت حلا قلتلها حلا شوفي تلفوني جابهولي صراع حكماتو قلباتو و رجعتهولي قالتلي اممممم بصحتك حسيتها تقلقت.
رحت حطيت الفطور كان صراع حابط قتلو ارواح تاكل لقمة قالي و الحاج وين راهو؟ قتلو ما نعرف، راح لشومبرتو ما صابوش قالنا كولو بصحتكم أنا راني خارج بصح نائل وين راهو؟ قتلو طونوبيلتو راهي هنا قالي يمال نروح نوضو، جا رايح ليه منبعد عاود دار ليا قالي حقا أنت وين راهو خمارك ليوم راكي ضاربة الدنيا بكوتبيي غير لخير يا لالة، قالتلو الحاجة خليها مسكينة راهي فرحانة بالتلفون لي جبتهولها هدا وين تنفست من هدوك، بستها و عنقتها قلتلها ربي شاهد عليا بلي دايراتك في بلاصة ماما حضنتني و باستني، قالنا إيه نتوما اشبعوا بوس و تعناق و تحضان و حنا نقعدو نشوفو غير بالعين 😮💨 ضحكت الحاجة قالتلو لي كاتب عليه ربي الصيام ما يجوزلوش يفطر ضحك و قالها راكي تشوفي يا يما نندب على زهري المعوج ههههه، جات حلا قالت صباح الخير جبدها لحضنو و باسها قالها صباح النور وين راهو خوك؟ جبدت روحها عليه و ردتلو بالتشناف راهو راقد، قالي ليليان لوكان غير نوضتي حرب يفطر، قلتلو خليه مسكين يشبع رقاد ياك ما يقراش ليوم كي ينوض نحطلو حاجة ياكلها، دارلي براسو إيه و لا بدل رايو قعد فطر معانا.
كنت ناكل و نخنتش فالتلفون و هو قاعد فوق الزربية مكسل رجلو و يتكيف، قتلو عمو هادي علاش ما حبتش تتفتح قالي ارواحي نشوف ساميتو و هو رمى يدو مور ظهري و حوطني بدراعيتيه و قاعد يوريلي كيفاش نخدم بيه من بعد طلعلي اليوتيوب و دي فيديو تع الضحك نسينا رواحتينا حتى عاودت دخلت علينا الحاجة قالتلي يااااخاه راهو قريب الظهر و السنيوة مازالها ما ترفدتش؟!! نوضي خفي النسا نصبت غداها على النار و انت قاعدتلي هنا تضحكي و تڨصري، عطيت التلفون لصراع و نضت نجري رفدت الماعن باش نديهم للكوزينة حتى نسمع في حلا نطقت قالتلها خليها خليها جدة دوك كي ولا عندها تلفون احكميها إدا قدرتي قلتلها صح عندك الحق و أنا نقول علاش حلا نهار كامل و هي مقابلة تلفونها وثرنتو مليح قالتلي دوك انت جيبي روحك ليا؟ انت عروسة و انا بنت الدار ماشي كيف كيف قلتلها انا ماشي عروسة، راني في داري نوض و نقعد كيما نحب واحد ما يحاسبني، كي قلت هكدا شفت صراع رفد عينو منبعد عاود كمل يشوف فالتلفون عاودت رجعت ساميتو قالتلي الحاجة يا بنتي راهي ال11 ونص نوضي شوفي وش ديري الغدا قالها صراع خليها يما دوك نجيب الحوت ملبرا واجد نتغداوه بلاما ديرو الريحة فالدار، اليوم الجمعة و هي ما تعرفش طيبو و جا نايض قالتلو حلا بابا ليليان تشريلها تلفون و انا كلما نقولك اشريلي واحد تقولي ان شاء الله قالها بصح انت عندك واحد و هي ما عندهاش قالتلو بصح لي جبتهولها خير من ديالي، نورمالمو هداك ليا وهي نمدلها ديالي، قالها ماكاش فرق مابيناتكم بابا ما تقعديش تكومباري، قابلاتو و وقفت في وجهو قالتلو بابا وش راهو صاريليك؟ قالها وش راكي تقصدي؟! قالتلو كامل راهم يهدرو عليك رجعتنا مضحكة، تعنكر فيها و قالها كيفاش كيفاش؟ وقفت الحاجة ما بيناتهم قالتلو ماديرهش عليها يا وليدي صغيرة و ما تعرفش وش تخرج من فمها قالها يما بعدي خليها تقولي وش راهم يهدروا قالتلو بكل وقاحة الناس راهي تضحك علينا قالو بلي أبو حرب رجع مراهق حاوز ماليه من دارو باش يرضي طفلة قد بنتو تمشي فيه كي لعمى من سحورها الله يرحم وجدان لي كان مشبعها ضرب، قرب ليها و قالها انت راكي في الدار منين سمعتي هد الكلاااااام؟! و قال ليماه بعدي عليها تشوفي و هي تقولو يا وليدي استهدي بالرحمن قالتلو حلا دار عمو سعد راهم في دار جدو صالح و أنا سمعت منهم بلي راهم يهدرو عليك الناس بزاف عليك بابا و الله غير عيب، هي قالت هكدا و هو حكمها من شعرها قالها على كبري جي انت دوك تعلميني وشنوهو العيب؟!! نضت نجري انا و الحاجة باش نسلكوها من يدو و هو يعيط و يقولها منين جبتي صحانية الوجه هادي و رجعتي تقابحينيييييي !!! و هي تبكي و أنا نجبد فيه من حوايجو و نبكي و نحلل فيه و الحاجة تحاول تسلكها و تهدنو و هو يكركر فيها و يقول و الله غير ليوم نعاودلك التربية و التلفون انسايه صار أنا نحاوزهم من و هوما يعمرولك في راسك عليا من و هي تبكي و تعيط تقولو مانيش حايبا نعيش هنا اديني لدار جدي و اتبرى مني و اقعد مع هد اللفعى و هو يكركر فيها و يعيط، حتى دخلت علينا هيام شافتنا هكداك جات تجري و تقول يا ربي استر وش كاين وش صرا كي سمعتها تقول هكداك نحاتهالو و قالتلها اغلقي فمك و اطلعي لبيتك خير ملي نقطعلك لسانك جات تواجبها قالتلها اششششت تقطعيهم فالهوا حسك ما نسمعوش قليلة الحيا تربية إخلاص رجعتلها قالتلها خالتي أخلاص أشرف منكم و خبطت الباب تع شومبرتها و غلقت بالمفتاح على روحها طلع ليها يجري ضرب الباب برجلو كسرو و حكمها من شعرها و يكركر ولات تبكي و تقولو و الله ما نزيد نعاود تعيش بابا خلاص سلكناها منو بالسيف طبعها برجلو و حكم تلفونها شقفوا على سبعلاف مورصو و دخل للصالدوبا نغزتني هيام قالتلي روحي اديلو سربيتة و وجديلو حوايجو قلتلها خفت منو روحي اديلو انت قالتلي روحي ماتخافيش ما عندو ما يديرلك و انت علاه ، رحت نطبع في روحي و نرجف منو ديت السربيتة و وقفت عند باب الصالدوبا، مازال ما دقدقت حتى شفتو فتح الباب و راح يعيطلي ليلياااا... صابني قدامو قالي جيبيلي سربيتة عطيتهالو شدها عليا و عاود غلق الباب، رحت لشومبرتو جبتلو القميص باش يروح يصلي الجمعة، دخل كنت واقفة قدام الخزانة قفزت خزرت في وجهو شفتو عاقد حواجبو و زعفان خزر فالقميص قالي يا ودي ماشي هدا، و مد يدو باش يجبد قميص وحدوخر و أنا ما بينو و بين لخزانة درت ليه تبسم و قالي ماشي وقتك كامل خليني نلحق بصلاة الجمعة ضحكت و بعدت، جبد القميص لي كان يحوس عليه لبسو و دار ليا يلبس في ساعتو قتلو مادرتش الريحة و عطيتلو القرعة شدني من يدي قالي Boss حطيت راسي و قتلو إيه قالي وش رايحة تخسري لوكان تحطي عقلك في راسك تبسمت و رشيتلو مد راسو باس خدي و قالي ماشي عيب عليا انت تحطيلي Boss و أنا ما نحطلكش بوسة على خدك... حطيت راسي وليت حمرة من الحشمة ضحك و حط يدو على خدي قالي منين طحتي عليا أنت؟ منبعد دار و جا خارج قالي ما تحتاجو والو قتلو من غيرك ما نحتاجو والو خزر فيا قالي انت تحوسي ما نروحش ليوم نصلي و نقعدلك هنا و لا كيفاش قتلو لالا ماشي هكداك بصح صح بلا بيك نضيع ربي ما يحرمنيش منك، عاود رجع ليا بلخف و جبدني ليه حضني و زير عليا قالي أنت راحتي تبسمت و حطيت راسي حشمت، باسني على جبهتي و قالي أنا نروح ما نعرف نلحق على الصلاة و لا لالا، فتح الباب و خرج.
حبط و أنا موراه، كان مرتاح و يتبسم تقول ما هو لي كان يغلي مقبيل، هيام قعدت مصدومة و غمزتني قالتلي يا وحد المعزة وش درتي للراجل؟! قلتلها درتو برك الريحة ضحكت و قالتي ربي يخليكم لبعضاكم، و الله غير راهم مستخسرين فيه حتى هد الضحكة..
رحت للكوزينة صبت ماعن الفطور مغسولين عرفتها هيام و ليا رحت دوشت و لبست و دخلت لشومبرة الحاجة فتحت تلفوني و قعدت نلعب حتى جا صراع و الحاج و نائل، لبست خماري و خرجت حطيت الغدا مع هيام.
مور ما كملنا كلشي رجعت للشومبرة تكسلت حتى لحقت صلاة المغرب حطيت التلفون فلاشارج و رحت وجدت العشا منبعد طلعت لشومبرة صراع باش نحددلو حوايجو، شعلت الحديد يسخن و نقصتلو باش ما يزربنيش، حطيت الكيتمان تع التلفون في ودنيا و نسمع فالغنا، طلقت شعري شمرت جبتي حكمتها في حوايجي تع لداخل و بديت نحدد و نتمايل على اللحن نسيت الدنيا و ما فيها حتى ندور على غفلة نصيب صراع ومتكي على الباب مكروازي رجليه و مربع يديه و يكيل فيا ملفوق لتحت بوحد الطريقة (كيما قالها كادر الجابوني انتيا علبالك و أنا علبالي إيييي مامامياااا ههههه)
نحيت ليكيتمان بلخف من ودني و حبطت الجبة، خزر فيا قالي وش جيتي ديري؟ قتلو جيت نحددلك حوايجك و خزرت فيهم نوريهملو و يا يماااا نسيت الحديد فوق الكول تع القميص حاولت نخبيها بلاما يفيق بصح عليمن؟ على صراع؟! جا وقف مورايا و حط يدو على خصري و يدو لوخرا رماها جبد القميص فيريفياه شاف الحرق همس في ودني قالي علاش راهي هكدا؟ تفرفشت قتلو اااا ما ما مانعرف هي تحترقت والله ما انتبهت قالي ما كفاكش شعلتيني تزيدي تحرقيلي حوايجي؟ تجينيت من الوضعية لي كان واقف بيها مورايا قتلو عمو قتلك ماشي بلعاني و درت باش نبعد عليه حوطني بيدو و حطها على ظهري و جبدني ليه قتلو ادنى شويا عمو باش نجوز قالي ماشي وقت عمك دوك راكي قتلتيني
قتلو ادنى شويه خليني نخرج قالي حارقة حوايجي و حبيتي تخرجي هكداك بالساهل قتلو اسمحلي بصح ادنا شويا همسلي اششششت خلاص دوك اكبري و رفعلي وجهي بطرف صباعو حب يبوسني طبعتو و جيت نهرب عاود حكملي يدي و جبدني ليه حتى خبطت في صدرو قالي لوقتاش نبقاو هكدا هدي شومبرتك لوين راكي رايحة؟ و حط راسو قدام ودني و يتنفس حتى لحمي شوك طبعتو و رحت نجري للباب قاستني الحافة في صبعي الصغير ااااخ... جا لعندي يضحك و يقولي وشبيك؟ و طابس باش يشوف رجلي قتلو خلاص ما بيها والو و حبطت نجري و هو يضحك، وجهي حمار و طلعتلي السخانة حتى عرقت تخلطت عليا ما بين الخوف و الحشمة، كي شفت الحاجة فالهول حبست الجريان و وليت نمشي نورمال و ما تسقسينيش قالتلي كملتي؟ قلتلها لالا جا و قالي خلي انا نكمل و دخلت للشومبرة باش ما تحسش عليا، ريقي نشف و يديا يرجفو فتحت الخزانة و حطيت التلفون ما بين حوايجي كانت حلا لتم و تالمو كنت مفرفشة ما رديتش البال قالتلي وش بيك انتيا وش زدتي درتي؟ درت صبتها في فراش جداتها متغطية و عاقدة حواجبها قلتلها و أنت و أنت وش دخلك؟ قالتلي علاش خبيتي التلفون و خايفة معامن كنتي تهدري؟ قولي خير ما نفضحك قلتلها روحي بعديني و جيت رايحة ناضت حكمتني من كتفي قالتلي جيبي تلفونك خير ما نطلع دوك لبابا نقولو عندها صاحبها و راهي تعيطلو، قلتلها بلعقل عليك يا بنتي بلخف درتيلي صاحب بصح وش حبيتيني نقول نقولك لا يظن السفيه إلا ما فيه، حطت يديها في جنابها و قالتلي وش راكي تقصدي قلتلها افهميها كيما حبيتي و بعدي من طريقي راني نشوف الطريحة تع ليوم ما فادتش فيك قالتلي تعيريني؟ معليه بصح دوك تشوفي، سكت عليها و خرجت
دخلت للصالدوبا و عاودت رجعت للشومبرة حتى نسمع فالحاجة تقولي ليليان راجلك راهو يعيطلك اطلعي شوفيه وش يحتاج، طلعت و دخلت صبت حلا واقفة قدامو و هو قاعد فوق البونك و عاقد حواجبو قالي ارواحي هنا تشوفي قربت ليه قالي وشنو هد الكلام لي سمعتو اه تعايريها كي ضربتها و تقوليلها عندك صاحب تهدري معاه فالتلفون؟ قتلو سقسيتها علاش انا قلتلها هكدا قبل ما تسقسيني أنا؟ جات تقاطعني دارلها بيدو أسكتي و قالي روحي اهدري راني نسمع قتلو حبطت باش نبدل حوايجي قالتلي معامن كنتي تهدري فالتلفون قلتلها مع حتى واحد قالتلي تقولي و لا نطلع لبابا نقولو عندها صاحب قديم و راهي تحكي معاه فالتلفون، دار ليها تعنكر فيها قالتلو و الله يا بابا ما قلت هكدا شفت لونها مخطوف و خايفة و تخبي فالتلفون سقسيتها قالتلي على حساب الشوفة الطريحة لي ديتيها ما فادتش فيك و نهدر و نعيط كيما نحب و لوكان كاش ما تهدري نقولو بلي عندك صاحب، ضحكت باستهزاء قتلو راهي تكدب كي العادة، عيط علينا و وقف قالنا و الله لا مليح شوف ديك التربية مرتي و بنتي واقفين قدامي و يتاهمو في بعضاهم بصاحب ما صاحب لا حشمة لا حيا، جا تهدر جبد عليها بكف و قالها اخرجي براااا، هي خرجت و أنا جيت رايحة عيط عليا وييييين؟! و جا قابلني قالي شوفي أنا علبالي بلي حلا تكدب و نستنى منها كلشي تقوليلي دوك وش هدرتي انت و ياها و لا قسما بالله العلي العظيم غير نتصرف بطريقة وحدوخرا قتلو وش حبيتني نهدر هي لي جات تبلاتني انا خاطيتها قالي قوليلي وش قلتيلها قاتلو كي قالتلي عندك صاحب قلتلها لا يظن السفيه إلا ما فيه، زير على يدو و قالي يعني وش كنتي تقصدي؟ سكت قالي حب يقول كيما راني نخمم؟ سكت قالي كاش ما شفتي عليها؟ قتلو ما علاباليش سقسيها هي؟ قالي انا راني نسقسي فيك أنت، سكت قالي تعايريها كي ضربتها ليليااااان؟! قتلو هي ما حبتش تخطيني قالي و شكون قالك بلي أنا ضربتها باش نرضيك؟ انا ضربتها لخطر غلطت ماشي لخطر وقفت معاك ضدها ديريها مليح في راسك، ما عجبنيش كلامو رفعت عيني فيه و يجبد عليا بكف قالي كي نكون نهدر معاك ما توقفيش عينيك في عيني فهمتييييي قتلو خلاص بعد قالي ما تقوليليش بعد خير ما نفسدلك خليقتك، درت و جيت رايحة قالي مازال ما كملت كلامييييي و جبد عليا بكف وحدوخر، قالي شوفي نضرب بنتي نحاسبها ما دخليش روحك نزيد نسمع بيك عايرتيها راسك نطيرو فهمتييي.. درتلو براسي إيه و انا نبكي قالي اخرجي عليا.
حبطت لشومبرة الحاجة و دخلت في فراشي سقساتني قالتلي علاش كان يعيط ما رجعتلهاش و قعدت نبكي حتى للصباح بالسيف باش رقدت
غدوا منداك نوضتني الحاجة باش نوجد الفطور ما نضتش غلبني النعاس سكتت و راحت للكوزينة توجد الفطور ليها و لحرب، حبط صراع قالها علاش حتى دير هي الماكلة قالتلو شفتها عيانة غاضتني ما حبيتش نوضها، هو الدخان ولا يخرج من وذنيه و عيطلي ليلياااان ما نضتش خبط المخدة ديالي قالي مانيش نهدر معاك؟ نضت نجري و خزرت و درت ليه قتلو وش تحتاج؟ قالي نوضي اوقفي في الكوزينة في بلاصة يما و بنتك لي ضربتني لبارح باش ترضيها علاش ما تقولهاش توقف في بلاصة جداتها، شدني من كتفي قالي تنوضي و لا نقلب الدار عليك خفيييي، دخلت الحاجة قالتلو خلي الطفلة على شويا خبز و زبدة نوضت العياط، سكت و خرج.
دخلت للصالدوبا غسلت كي جيت خارجة شفت نائل قاعد فالهول عيطت حررررب جيبلي الخمار ما واجبش عاودت عيطت حررررب.. جا صراع دقدق عليا فتحتو عطاهولي لبستو و خرجت.
كان الحاج و نائل و صراع يشوفو فالأخبار، رحت للكوزينة صبت الحاجة موجدة كلشي رفدت السنيوة و حطيتها فطرنا كي كملنا بديت نرفد فالماعن و حلا دخلت لشومبرة أم سعد تسڨم في روحها عيطلها باباها حلااااااااا.. جات وقفت قدامو قالتلو انعم بابا قالها طبيعة الغضبانة و تخزني روحك كل يوم في شومبرة نحيها عليا، كيما انت كيما هادي تشدي الشغل معاها يد بيد ما كيش خير منها.
واحد ما راهو خدام عندك باش تاكلي و ترقدي يالااااا..
تقلقت و قالتلي أنا نغسل الماعن و انت سيقي سكت عليها قالتلو الحاجة بلعقل عليهم مازالهم صغارات و يتعلمو بلعقل ماشي بالعياط و الضرب، قالها لوكان ما نعاودلهمش التربية على طول لساناتهم ما نتسماش.
انا بديت نخمل فالدنيا و الحاج فتح مع صراع موضوع سعد قالو مانيش حايب نسمع سيرتو لا هو لا يماه، نائل غاضو الحال بصح ما هدرش ناض و طلع لفوق و الحاج قعد يحاول معاه ما برونشيتلهمش.
وقت الظهر جينا نحطو الغدا دخل جد حلا تع يماها مع خالتها الكبيرة و هي راحت حضنت جدها و تبكي و هو يسلم على راسها و يقول كيفاش يديرلها هكدا جيت باش نديها، قالو يا سيدي الاخبار في هد الدار راهي بلخف توصلكم شكون لي قالكم بلي ضربتها؟ قالو عيطت ليماك لخطر ما حكمتهاش و هي حكاتلي، حبيت تحرمني منها يا صراع؟ دور وجهو و ما رجعلوش و خالتها الكبيرة قالتلها حلا نوضي سلمي على راس بابا قالها صراع و علاش حتى تسلم على راسي قالتلو بنت اختي سور غلطت و كاش ما دارت و انت زعفت منبعد دارت ليها قالتلها نوضي بنتي اطلبي السماح من باباك ما عندكش من غيرو، قالها و كي علبالك بلي غلطانة علاش ما ديريهاش كي بنتك و تعلميها قالتلو ان شاء الله دوك نهدر معاها و نفهمها.
ناضت حلا سلمت على راسو و طمت دوزانها و راحت معاهم و أنا كملت شغلي و قعدت مع التلفون، الحاجة كانت راقدة فالهوا و هو دخل عندي لشومبرتها تكسل في فراشها، انا كنت متكسلة على كرشي و فاتحة اليوتيوب نشوف افلام مصرية تع بكري و مبرونشيا ما فقتش حتى فتح كوفيرطتي و تكسل معايا، نضت قتلو وش تحتاج؟ قالي والو قتلو علاش يمال جاي لعندي؟ قالي قلقتك؟ قتلو إيه نوض قالي ولا وجهك صحيح قتلو معيشتكم لي علمتني صحانية الوجه و جيت نايضة، جبدني للفراش و كسلتي بالسيف على يدو و قالي ردي بالك انا ما نحبش المرا لي وجهها صحيح قتلو إيه فهمنا قالي معولة تتعاقبي و لا وشنو؟ قتلو عمو راني خاطيتاك و جابدة روحي عليهم كامل، شغلي و نخدمو، ما عصيتش أمرك، تغلطو معايا فالهدرة و نسكت وش راكم حايبين من عندي بالضبط؟ تعفسو على كرشي و تقولي ولا وجهك صحيح؟ لوكان كاش واحد فيكم نعفسلو على كرشو و يحاول ما يعيطش و جيت نايضة حب يرجعني خرجت و خليتو قالي ارواحي لهنا ليليااان... راني نهدر معاك
زعف و رجع ما يهدر معايا ما يخزر فيا و يفيتيني، قعدنا على هديك الحالة 4 ايام، منبعد بدا يتنحالو الزعاف يبروفوكيني و يضحك عليا و أنا ما نرجعلوش.
خطرة رجع من الخدمة صابني نمسح قالي ربي يعاونك ما رجعتلوش، موالف يطلع لفوق في هداك النهار نفحتلو يقابلني و يتكسل فوق الكنابي و يتبع فيا بعينيه وين ما نروح حتى تجينيت و انا كنت مشمرة الجبة و نخدم منبعد نطق قالي هد الجبة ما تزيديش تلبسيها ماشي شابة قتلو و الله غير هي شابة لوكان برك شي ناس يحشمو شويا و يبرطاو ما يخزرو و يدقو فوق لي يلزم، تبسم و تقعد قالي شكون هدا لي ما يحشمش سكت و كملت نمسح، انا مطابسة و هو يخزر في صدري ناض و جا لعندي جا يتوشيني صغت لاااااااااااااا و انا نشوف في رجليه حبط و قالي وش كاين قتلو هدا وين مسحت القاعة ولي وين كنت و الله غير عييت، قالي كنت جاي نقولك حاجة و كي صغتي نسيت وش كنت راح نهدر، هو طلع لفوق و انا كملت المسيح و دخلت دوشت و خرجت صبتو واقف فالكوزينة كي شافني قالي سقيلي نتغدا، انا نوجدلو و هو قعد مقابلني و دار رجل فوق رجلو سند روحو على الطابلة و قعد يخزر براحتو حتى الخدمة تلفتلي حتى وليت نحس روحي عريانة كي نمشي قدامو عقدني يخزر غير فالبلايص لي ما يلزمش، تقلقت حطيتلو الماكلة بالزعاف قدامو قالي بلعقل لا يطرطڨلك كاش عرق.
كملت حطيتلو و خرجت رحت للشومبرة نريح جا مورايا ساماني و تكسل وش بيه هدا علاش راهو يدير هكدا؟!
انا كنت متكسلة على كرشي و نتفرج فالتلفون و هو رمى يدو على ظهري قتلو قطعتلي النفس ادنى حبطها و حطها على خصري خفيف و رقد، خزرت فيه وجهو متعوب و يبان رافد مشاكل الدنيا كامل على كتافو، حطيت راسي على المخدة و قعدت نخزر في وجهو حتى رقدت، فطنتلو كي رفدلي راسي و حطها على يدو، تقعدت و جيت نوض همسلي و هو مغمض عينيه و نعسان وين رايحة؟ ابقاي معايا قتلو شبعت نوم قالي معليش العبي بتلفونك و اقعدي معايا حتى سمع صوت الحاجة قالتلو نوض راهو المغرب فالليل و اديها لعندك مادام تحوس عليها علاش راك مخليها عندي؟ كي قالت هكداك تحرج لخطر نسى كامل بلي راهي فالشومبرة، ناض يجري خرج.
انا دخلت للكوزينة و هو توضى و جا ليا قالي فالليل اطلعي لفوق ترقدي ما ترقديش هنا، سكت ولا خرج راح يصلي.
سمعت الدقديق فالباب تع برا راح حرب يفتح، جات نور مرت عابد و ماليها جاو زيارة، زادت جات موراهم هيام و ولادها و قعدنا نوجدو فالعشا قلتلها العباية كيما لي راهي لابستها خت نور وين يتباعو؟ قالتلها علاش عجباتك؟ قلتلها إيه شابة بزاااف قالتلي منبعد نسقسسها و كي نروح للسوق نشريلك كيما هي
دخلت نور و ختها أميرة للكوزينة جاو يعاونونا، سقساتها هيام على العباية كي عرفت بلي عجبتني جات تمدهالي قلتلها و الله ما صرات حبيت برك وحدة كيما هي قالتلي لالا و احسبيها كادو من عندي.
رحت قستها و كامل قالولي بلي جاتني شابة.
كملنا العشا و أهل نور راحو بقات غير نور و التوام، دخل صراع قال لهيام دار عمي عزام ختنو وليد ناظم و عيطلي يعرض قالي جيب كامل العايلة تروحي؟ قالتلو إيه نروح عادي، قالها هو قبل يومين عيطلي على موضوع سعد و يماه انا شكيت حب يدير صلح، قالتلو خير ان شاء الله ما فيها والو نروحو، و دارت لنور قالتلها تروحي؟ قالتلها و ولادي؟ قالتلها أنا و ليليان و الحاجة نعاونوك فيهم قالتلها إدا هكدا نروح، قال صراع يمال وجدو رواحتيكم بكري التسعة تكونوا واجدين قالتلو هيام إيه إن شاء الله بصح عيط لعلي يغلق الباب و يجي يرقد هنا مادام نور هنا ما نخليهاش وحدها و يما راهي عيانة قالها إيه إن شاء الله.
هو عيط لعلي و هي قالتلي تعيشي ليونه فرشيلنا خلينا نرقدوا باش نوضو بكري.
دار خزر فالفراش قالي ليليان انت اطلعي لفوق ترقدي هنا الضيق عليكم سكت، هو خرج و أنا فرشت و رقدت معاهم بعثلي بنت هيام جا قالتلي راهو يعيطلك خالو صراع قلتلها روحي قوليلو صبتها رقدت.
غدوا منداك نضت على ال7، هو حبط و هيام كانت واقفة قالها انا راني خدام قولي لنائل يوصلكم ندي برميسيو و نلحلقكم.
جا للكوزينة صابني واقفة مع البوطاجي حكملي يدي و زيرها قالي ماشي انت لي تذليني و تلعبي بيا مانيش رامي روحي عليك ألف وحدة برا تتمنى مني غير الكلمة و قلت ما نظلمكش بصح منا و جاي احملي ادا قدرتي تحملي و خرج زعفان، ندمت و وليت نلوم في روحي علاش ما طلعتش رقدت معاه........يتبع
