المراهقة و الأربعيني:
الجزء29:
قربني ليه و أنا مازالني نبكي مالڨري تجاوبت معاه، 3 سمانات جازو عليا دهر منبعد يجي يتمسخر بيا.
همسلي قالي خلاص علاش راكي تبكي قتلو لخطر كدبت عليا قالي أنا نحبك و نعشقك بصح أنت توصليني بتصرفاتك باش نآذيك، ألف مرة نقولك كي نكون مقلق وش نقولك قولي انعم و معليه و تسكتي، إدا أنا ما استعرفتش بغلطتي في هديك الدقيقة، غير نتهدن نحاسب روحي و انا نجي ليك بنفسي نطلب السماح و نبوس راسك، بصح إدا كنت مقلق و تزيدي تخشني راسك معايا وش تستناي مني؟ تروحي تصغريني قدامهم كامل و تقارنيني بخويا؟! أنا كي قارنتك بنور و قتلك شوفي هي كي ما رجعتش لراجلها هدرت هد الشي قدامهم؟ كي نحبو نحكيو و نفرغو قلوبنا و نداوسو عندنا شومبرتنا و لي يصرا فيها يقعد داخلها ما يخرجش لبرا فهمتي؟ قلتلو إيه بصح انت تضرب و تآذي، قالي ليليان كي نكون زعفان ما تهدريش معايا و ترجعيلي الكلام لخطر ما نقدرش نتحكم في روحي هدا ديفو فيا، اسكتي و جوزيلي الزعاف و كي نتهدن حاسبيني على وش غلطت معاك وحدة وحدة أنا بشر و مانيش معصوم من الخطأ و الواحد وقت الزعاف يكون راكبو ابليس الله ينعلو و يخزيه و أنت جي تبروفوكيني و يولي لسانك فيه ميترا و حبيتيني نشد روحي، يلزم إدا كان واحد فينا جابد الحبل لوخر يرخيه شويا باش ما يتقطعش، انت مرتي و من واجبي نصونك و ما نجرحكش و انت من واجبك تمتصي الغضب ديالي و ما ترجعيليش الكلام تفاهمنا؟ درتلو براسي إيه قالي و الله ما يعطيني قلبي نآذيك بصح أخخخخخ منك قتلو تواعدني ما تزيدش تضربني قالي شوفي حبيبي الراجل إدا وعد يلزم يوفي و انا ما نقدرش نواعدك بصح رايح نحاول نتحكم في اعصابي قد ما نقدر بصح انت تان ما تهدريش كلام يزيد يشعلني كثر و نطرطق عليك، درتلو براسي إيه و قربت راسي لصدرو و عنقتو، باسني من شعري و حكمهولي وهو يتنفس، طلعت راسي خزرت فيه قتلو يعطيك قلبك تتزوج عليا؟ ناض يضحك قالي ههههه راكي منيتك علاش مدعي؟ ما تزوجتش شحال من سنة نتزوج دوك و انا عندي حورية تزغد في قلبي، بصح ليليان أنا بشر و الله ما راني دايرك نزوة و لا غير كي نحتاج سينو وش مصبرني عليك 7 اشهر و النسا برا على ريسانهم، بصح أنت مرتي افهمي و أنا منيش منزل من السماء دوك راني مرقدك على يدي و حاكم روحي عليك بالسيف، تحوسيني نحبك و نقعد قدامك و نديرك ما بين يديا و ما نتقربش كثر؟ و الله ما ساهلة قتلو وش نقدر ندير اكثر من هكدا لي قدرت عليه راني ندير. بصح و الله غير نخاف منك كي تبدا تقرب كثر تولي كي الوحش، ضحك و قالي هههه صحا يا ربي أنا وحش، جبد راسي عندو و باسني و قالي نزيد نصبر وش رايح ندير المهم راكي معايا و ماشي زعفانة عليا.
قعدت في حضاتو حتى حسيت يدو ثقالت على كرشي عرفتو رقد جبدت روحي بلعقل و حبطت كملت رقادي لتحت.
الصباح نضت طالعلي المورال و اونفورم رحت للكوزينة وجدتلو الفطور و طلعت لشومبرتو باش نوضو فتحت الباب صبتو راقد غير بالشورت قربت منو و قعدت هو حس و حب يجبدني ليه سقمت روحي و بديت نمشي في صباعي على حواجبو و وجهو هو ارتاح للوضعية و عجبو الحال بقى مغمض عينيه، غير توشيت الموسطاش ناض و حكم يدي قالي آاااا ردي بالك إلا هدو... ضحكت ههههههههههه قالي ارواحي عندي تشوفي قتلو لالا نوض معايا راني وجدتلك الفطور راهي ال6 و نص بقات ساعة وتروح تخدم خلينا نقعدو كيف كيف شويا قالي اييييي هييي شكون كيفي راني مدلل ليوم، نضت من قدامو و هو ناض مورايا لحقني للباب و شد الباس تع الباب و قالي بصح ما قلتيليش علاش راني مدلل ليوم؟
كي وقف قدامي هكداك بطولو غير بالشورت حشمت غمضت عينيا و قتلو توحشتك، قعدت مغمضة عينيا و ما دار حتى ردة فعل فتحت عينيا صبتو ميل راسو و يخزر في وجهي عاودت غمضت قتلو تعيش روح البس قالي ساعة و انت متكسلة قدامي نورمال و كي وقفت طاحت عليك الحشمة قتلو ما علباليش روووووح ناض يضحك و قالي ههههه وش رايك انت لي دوشيلي، شرعت عينيا و قتلو مي انت صح ما تحشمش ضربتو و طبعتو و هو يڨرڨر من الضحك ههههه.
حبطت للكوزينة وجهي كي الطوماطيشة، شويا هكدا حبط لابس كوستيم ماشي لاتونو ميليتار ديالو و قالي صباح الخير قتلو صباح النور و تبسمت معاه، قتلو علاش ماراكش لابس لاتونو ديالك ما تخدمش ليوم؟ قالي لالا نبدل لتم باش ما نحطش روحي فالدونجي، الارهاب راهم مستهدفين الجيش قتلو وشنو يقتلوووووك؟!!! قالي الروح بيد ربي سبحانو واحد ما يقدر يديها إدا مازال العمر طويل قتلو بصح هكدا نبقى خايفة عليك بطل الخدمة هادي تعيش قالي مانقدرش، لوكان نبطل الدولة تعدمني و لا تسجني بتهمة الخيانة و زيد هادي أرضنا ندافعو عليها حتى للممات قتلو لالا صراع تعيش سينو خلينا نخرجو من البلاد قالي مستحيل ما كاش كيفاش قتلو و الدولة ما قدرتش تسيطر على الإرهاب؟ ماكاش حل؟ قالي راهي مبيوعة من كلشي ربي يجيب الخير و خلاص مطفرة غير فالشعبي مسكين، و زيد هنا رانا ارحم تشوفي وين راهم ماليك راهي النار شاعلة ، كي قال هكدا دمعو عينيا جبدني لحضنو و قالي ما تعمريش راسك بهد الحكايات و خلينا في فطورنا... اييييه قوليلي وش طيبتيلنا ليوم تبسمت و حكيت عينيا قتلو اقعد قالي بصح طفي الغنا ياك قلنا حرام ضحكت و قتلو ههههه معليه.
كليت انا و ياه في أحلى صباح هو يوكلني و انا نوكلو و قعدنا نحكيو حتى لحقت ال7 ونص قال أنا هداك هو نروح ما تحتاجي والو؟ قتلو سلامتك باسني في جبهتي و خرج قعدت نتبع فيه بعينيا و انا نتبسم حتى راح قلت يااااااارب احميه.
كملت شغلي و قعدت نتفكر في كلامو تع لبارح.
خلاص النهار و هو ما جا عيطتلو شحال من مرة ما ريبونداش حتى لليل عيطلي هو قالي حبيبي راني برمانونس ما نقدرش نجي الليلة، و قعدنا نحكيو شويا منبعد قالي راني عيان نرقد شويا و غير يصحلي نعيطلك قتلو إن شاء الله.
خليت التلفون عند راسي باش نسمعو إدا صونا و مين داك نفطن نضرب طلة عليه بصح ما عيطش.
صلات الحاجة الفجر و هو ما عيطش قلت معليه يكون راقد راهو عيان و كملت رقدت حتى حسيت بيه كي فتح الغطا ديالي و دخل تكسل ساماني، درت ليه قتلو جيت؟ قالي لالا مازالني عند الباب نستنى فيك ضحكت ههههه و قتلو توحشتك قالي ماشي كثر مني و قرب لوجهي نسمعو فالحاجة تقول سبحان الله سبحان الله.. همسلي قالي يما راهي زايضة؟ قتلو لالا رقدت بالاك راهي تهترف.. سنيتك تعيط و ما عيطتش قالي وش حبيتيني ندير بالسيف باش هربت من الخدمة الحالة ما راهيش مليحة و غدوا الصباح عندي ميسيو لجهة وحدوخرا قتلو بصح ماشي دونجي عليك؟ قالي يا عمرييي نموت على لي تخاف عليا و تقرب، زادت الحاجة فالصوت لااااا اله الا الله.. عاود جبد روحو قتلو الحاجة حتى في منامها تهدر غير بربي سبحانو قالي انت ما تعرفيش طراطڨهت و جبد الغطا على ريسانا و باسني و هي زادت قوات الصوت اااااااالله أكبر.. ههههه، نحا الغطا و قالها يما أذني ديراكت و نوضي صلي بينا و خلاص... وش حكايتك؟ قالتلو و أنت وش جيناك؟ راني نعبد في ربي قالها قوليلي نوض اطلع و بركاي ما جايبتها عليا العريفي، قالتلو علبالي وليدي فايق و يفهمها على الطاير يمال نوض وريلي طولك و اطلع لشومبرتك قالها ما كفاتنيش الحالة ناشفة زدتيها عليا قالتلو وش صرالك رزن روحك شويا و ثقل ميزانك علاش رجعت خفيف هكدا و رجعت تحوس غير وين تحضن نوض يا وليدي عيب ما خممتش لوكان ينوضو ولادك و يشوفوك هكدا؟ هي تهدر هكدا و أنا مغطية راسي بالمخدة و شابعة ضحك، جا ينوض قالي الزينة جي معايا لفوق؟ قتلو يلا و عطيتلو يدي باش ينوضني عيطت عليا قالتلي ولي لبلاصتك تشوفي و ارزاني شويا، دار ليها و قالها وش حكايتك يما علاش راكي جايبتها مورايا و طلع لفوق و هو ينسف و انا قعدت نضحك قالتلي يا الجايحة ما ترخسيش روحك و توليلو متعة، خليه يكمل خدمتو و روحو اعقدو فالبلدية كي تحكمي ليفري فيدك و اطلعي حضني و بوسي حتى تشبعي، صراع يحب الحاجة لي جيه صعيبة، ثقلي روحك شويا، شوفي برك كي لصقتي فيه ملي رجعتي ليل كامل ما عيطلكش، قلتلها وش ندير و زيد هو راهو عيان و انا نحبو قالتلي حبيه واحد ما قالك ما تحبيهش بصح ما ترميش روحك عليه نهار اطلعي باتي عندو و غدوا منداك اقعدي باتي هنا و خليه يتمنى غير وقتاش يشوفك و ما تهمليهش باش مايروحش لغيرك قلتلها و كي علبالك هكدا علاش خليتي أم سعد تدي عليك الحاج قالتلي ياما رحتلو و ساعفت و تعبت بصح الرجال ماشي كامل كيف كيف، ما جيبيش صراع لباباه، هو ما يمشي بشور حتى واحد و واحد ما يمشيه كيما يحب، يفهم الامور و يعرف الكيد من الصيد، بصح شيخك طالق ودنيه و أم سعد مسيطرة عليه ملي جات عندو.
انا ما نعرفش نمشي الراجل لي يقولهالي نقول انعم و معليه، جبت الطفل و الطفلة و خدمت و شقيت و تعبت و انظلمت و هكداك كنت نحوس غير باش نرضيه بصح هو كانت غير هي ما بين عينيه، و كيما يقولو ناس زمان لي باعك بالفول بيعو بقشورو.
شوفي يا بنتي ربي ما يضيع حق حتى واحد، اعرفي كيفاش تتصرفي و ما تخليش الراجل يضيع ما بين يديك، ما تطلڨي روحك ما تزيري روحك لا تكن لينا فتعصر ولا تكن صلبا فتكسر، درتلها براسي إيه، عجبني كلامها بصح ما يمشيش مع صراع.
هدرت الحاجة معاه طلبت منو باش يعقد عليا فالمحكمة باعتباري قاصر و يضمن حقوقي و هو ما عارضش قالها اصبري عليا برك نصيب شويا وقت، لخطر في هداك الوقت كانت حالة طوارئ و في اي وقت يعيطولو يروح.
كان كلما يجي يقولي اطلعي وجديلي حوايجي و لا جيبيلي كاش حاجة ياخد راحتو معايا فالشومبرة، مالڨري ما كناش نديرو في حاجة غالطة أنا حلالو و هو حلالي بصح الحاجة كانت واقفتلنا و تقولي ما تطلعيش و هو يتقلق، و انا كنت مرات ندير على كلام الحاجة مرات نغلق راسي و نطلعلو لخطر نحبو و نتوحشو.
أم سعد ما كانش يعجبها الحال كي تشوفني عندو و تظل جايبتها مورايا بالهدرة الزايدة.
ما نسيتلهاش آخر مرة كيما ذلتني و سلمت على راسها، كنت مع لول كي نغسل الحوايج نغسل مام حوايجها نقول خلي ما نكونش كيما هي منبعد صبت روحي غير نعيا باطل و هي ما تستاهلش و ما حشمتش على روحها وليت ما نغسلهملهاش و نخليهم مور الباب و كي تغسل نور حوايج نائل تغسل معاها، هي كانت تغسل نهار بنهار بصح صراع يحب حوايجو ديما مغسولين و محددين لي ينحيها يلزم يصيبها فالخزانة ما تبقاش فالسلة.
حب يقول انا كنت نغسل حوايجي و حوايج الحاجة و صراع و حلا و حرب، و نور تغسل حوايجها و حوايج نائل و ولادها و الحاج و أم سعد.
مرة دخلت عليا صابتني نغسل قالتلي علاش حطيتي حوايجي بجيه فيا المرض و لا عفتيني باش ما تغسليهمش؟ قلتلها انا ماشي عروستك باش نغسلك ماشي انت لي جي تحاسبيني، قالتلي راني نشوف فيك ملي رجعتي جيتي بعقلية خشينة و ماكي دايرة قصة لحد واحد إدا هدي دار راجلك نهج منها في ڨايلة حامية قلتلها لي فيدك ديريها، انا قلت هكدا و تخبطني بالبيدون لظهري عيطت ااااااااخ وشبيييييك علاش تضربي؟! خرج الحاج قال هادي علاش راهي تسمعنا في حسها قتلو أهدر معاها علاش تضرب ناضت تعيط و تقولو أبو حرب أنا ترميلي حوايجي و ما تغسلهمش هادي لي ما عندهاش الأصل علاش فيا الجرب؟ قلتلها مأصلة و تاج راس لكل واحد ما يعجبوش الحال ماشي أنا لي جي تهدري على اصلي و زيد الأصل بالأخلاق ماشي بالنسب، الحاج وقف مع مرتو ناض يعيط قالي حبيتي تولينا فوندام هنايا كي يجي راجلك يعاودلك التربية و يخليك تتمناي ترجعي لهد الدار و الحاجة جات تكالمي الحالة داوستها أم سعد و طبعتها و قالتلها هد الشي كامل منك انت لي تضلي تكبري في راسها، و الحاجة تقلقت و راحت لشومبرتها قعدت.
قلت في قلبي يمال كي ولينا هكدا خلي نتغدى بيهم قبل ما يتعشاو بيا، طلعت للشومبرة نبكي و الحاج مازالو يعيط و يعاير و يسب، رفدت التلفون عيطت لصراع هو غير قال ألو و نكلاطي بالبكا قتلو ولاو يعايروني كي رجعتني هد الشي كامل على جالك و يهدوا فيا يبيعولك باش تضربني خلاص عييت مانيش حايبا نزيد نعيش معاهم صيبلي حل، قالي شكون لي قالك هكدا اهدري و الله غير راني عيان و الشقا فوق راسي، قتلو برك قولي تقبل في كل دورة يقولولي يا لي ما عندكش الأصل، قالي نقطعلو لسانو لي يقول عليك هكدا شكون هدر معاك قتلو اسمع عياط باباك عندو ساعة و هو يسب و يعيط على جال كي ما غسلتش حوايج مرتو و هي ضربتني بالبيدون لظهري و ضاربت مع الحاجة لوقتاش نقعدوا هكدا ما قدرتش نزيد نحمل قالي وشنوووو ضاربت مع يما؟ قتلو إيه و قالتلها انت لي طلعتيها على ريسانا و الحاجة تقلقت سكت و راحت قعدت في شومبرتها، قالي الظهر إن شاء الله نجي و يعملها ربي تاويل، اطلعي ريحي في شومبرتي و ما تحبطيش انا ندبر راسي معاهم، كوبيت و قلت في قلبي دوك تشوفو وش يدير فيكم.
قعدت فالشومبرة منبعد وليت حبطت رفدت الحوايج نشرتهم و دخلت دوشت قعدت الضربة تع ظهري تحرق فيا.
خرجت صبت سعد جا و يماه دايرتلو فيلم و تبكي و هو يقول ما تسواش دموعك و تخدمك بالسيف عليها قتلو في قلبي الله لا توصلك لوكان ديتها عندك و خدمت نساك عليها و لا خفت تصرف دورو زيادة يا وحد المشحاح، ثقلتهم و طلعت.....
.تابع تعليقات
الظهر جا صراع، سمعت صوت طونوبيلتو حبطت نجري لاقيتو فالباب كان عيان، غير شافني عيط عليا قالي ماشي قتلك ما تحبطيش وش جيتي ديري هنا؟ قتلو سمعت طونوبيلتك حبطت على جالك، قالي ضرباتك؟ قتلو إيه في ظهري قالي دوري نشوف قتلو لالا عيب.. تبسم وهو ماشي قادر و قالي يمال علاش عييت روحي بالاك ما فيك حتى طاشة، حطيت يديا في جنابي و خزرت فيه.
دخل صاب الحاج يستنى فيه فالهول قال السلام عليكم ردو عليه، قال و يما وين راهي؟ قالو الحاج راقدة في شومبرتها قالو شكون لي قلقها قالو ديجا وصلوهالك سخونة قالو و كي علبالك توصلني الهدرة ما تعرفش تحكم مرتك قالو سعد بصح مرتك... قاطعوا قالو انت التهى بدارك ما دخلش روحك قالو الحاج مرتك وجهها صحيح يا أبو حرب و......... قاطعو قالو الحاج الصبر عندو حدود و أنا طال بيا هنا تحبس عيينا يما و مرتي ما نسمح لحتى واحد يتجرأ عليهم و ما دابيك تفهم هد لكلام لمرتك سينو نقلب الدار و مرة اخرى نزيد نسمع واحد قال على مرتي ما عندهاش الأصل نوريلو الأصل كيفاش داير، و دار لأم سعد قالها و انت لخرانية معاك كيفاش؟ ديك النهار غلطتي معاها و خليتها تسلم على راسك، ماشي عيب عليك شايبة و حاطة نڨارك مع طفلة قد أحفاذك؟ اصبرو عليا شويا برك نشري دار و ندي يما و مرتي و ولادي و هاي ليكم اشبعوا بيها عييت ما عرفت عليمن نديرها لا على الإرهاب لا على الدولة لا على الخدمة لا على الدار غير قولولو وين نرتاح، خبط و طلع لشومبرتو
سعد زعف جا خارج و يقولهم صراع رجع يمشي بهدرة النسا قالو الحاج اسكت لا يسمعك و يعاود يحبط تكبر ما بيناتكم، انا خرجت من الكوزينة و جيت رايحة لشومبرة الحاجة سمعتو يبزق مورايا و يقول الله لا تربحك وجه الشر، درتو فالثقيل و غلقت الباب قعدت مع الحاجة قالتلي أنت لي قلتي لصراع؟ قلتلها إيه عيطتلو فالتلفون مقبيل قالتلي يابنتي خافي على راجلك ما تدخليهش في مشاكل الدار ما كفاهش الوضع راهو صعيب في خدمتو تزيديها عليه أنت قلتلها يمال شكون ياخذلي حقي ما سمعتيش الحاج كيفاش كان يعاير فيا بسبتو قالتلي مام هكدا بصح احملي يا بنتي و اصبري في وجه راجلك و الله غير راهو عيان بزاااف قلتلها إن شاء الله برك تعيشي امسديلي ظهري وجعني، طلعت الجبة و قعدت قدامها و هي تمسدلي و تقولي لوكان غسلتي حوايجها وش راح يصرالك؟ قلتلها نغسل كفنها و ندفنها وجه الهم علاش حتى نخدم عليها فوق ما تظل تسب و تعاير فيا؟
حنا نهدرو حتى دخل علينا صراع غطيت رجليا بالشال، قرب باس راسها و قالها وش راكي يما؟ قالتلو اهلا بوليدي وش راك؟ قالها الحمد لله ياك ما قلقاتكش هادي؟ قالتلو لالا وهادي علاش تقلقني، مدلي راسو و يقول يما هادي تعرف غير تعيط فالتلفون على شكون لي يجي يحامي معاها بصح ما تعرفش تسقسي إدا تغدا و لا لالا، ضحكت قتلو نسيت ههههه، ضحك وضربني على راسي قالي نوضي ديريلي لاتاي قتلو و انت علاش ما تبعثش بنتك لي راهي لفوق معتكفة و لا قادر برك عليا قالي لسانك عاود طوال قتلو لالا بصح ظهري يوجع فيا قالها يما خليني نشوف وين يوجعها و نحى يد الحاجة و دخل يدو يمسدلي قتلو بعد وشبيك و شريتلو بلي ماشي قدام الحاجة قالي ياك مرتي ما فيها والو قالتلو الحاجة اديها لعندك و امسدلها تمسدلك ربي يسهل عليكم طفيو الضو خليوني نرقد قالها ها الهدرة يا يما شفتي كيفاش تفهمي و شدني من يدي و جينا طالعين قالتلو ساعة و تحبطلي الطفلة سالمة صراااااع، قالها وين نحط وجهي يا يما حتى أنت مورايا ما تخافيش هي بلاش خشبة ههههههه
طلعلنا تكسلنا فالبونك و حط راسي على صدرو و يدي في يدو قالي كي شفتيني مقلق علاش ما لحقتينيش للشومبرة قتلو ياك انت قلتلي كي نكون مقلق ما دوريش بيا قالي هادي بلخف سمعتيها و نفذتي لوكان قتلك على حاجة وحدوخرا ما تنفذيهاش قتلو وش من حاجة؟ قالي ما يهديكش ربي الليلة تباتي معايا؟ قتلو إيه قالي وشنو إيه تحوسي على شكون يوقف معاك و يحامي عليك و انا نقول مرتي و ما عندهاش غيري و لدوك ما نلت والو قتلو وش راك حايب تنال؟ قالي انت اقعدي عندي الليلة و خلي الباقي عليا قتلو لالا الحاجة ما تقبلش، قالي لوكان غير كاش واحد جا داك و داها معاك قتلو وين يدينا؟ قالي يديكم الطاكسي للسوق و يعاود يرجعكم 😑 علاش انا نقدر بلا بيكم؟ ضحكت و قتلو ههههه حبيبي، قعد حاضني و غفى حتى للمغرب انا حبطت للكوزينة ندير العشا مع نور و هو راح يصلي حتى نسمع فالتلفون يصوني كانت سارة تعيطلي قلتلها نور دقيقة ما نطولش، خرجت للجنان رفدتلها لخطر النت ناقصة شويا لداخل يتقطع الصوت.
دخلت سقينا العشا و قلتلهم ماعطانيش خاطري ناكل، صراع قعد يتعشى معاهم و انا طلعت لشومبرتو عيطت لسارة و قعدنا نحكيو وحد نص ساعة بعثتلي النيميرو تع ماما لخطر ما صبتوش في تلفون صراع منبعد قالتلي ابعثيلي نشوف الشيبوخ ديالك كيفاش داير ههههههه قلتلها اوااااه ما تغلطيش و الله غير يهبل قالتلي معليش ابعثي و خلينا نحكمو، كوبيت و جبدت زوج تصاور دياولو بعثتهملها قالتلي الله الله شباب بزاااف يتشبه لحسام الرسام ربي يحفظو و يدوم محبتكم، زيدي ابعثيلي تصويرتك و الله غير توحشتك، كوبيت و وقفت قدام المرايا طلقت شعري و صورت روحي و بعثتلها، اوووو ديكونيكتات بالاك راحتلها النت و لا قطعولهم التريسيتي.
انا هكداك واقفة و شعري مطلوق و نبعث و صراع دخل ، من الخوف طفيت التلفون و قعدت نخزر في وجهو قالي وشبيك علاش راكي تخزري هكدا؟
قتلو ما كاين والو قالي وش كنتي ديري بالتلفون؟ قتلو كنت نشوف لي فيديو تع الطياب، نحالي التلفون شعلو قالي ايييي هيييي و دايرا الكود اسيدي قتلو و الله ما فيه والو قالي علبالي بصح هاكي افتحيه حبيت نشوفو حرام؟ شديتو عليه ويديا يرجفو حتى الكود و تلفلي، رجعتهولو بدا يقلب قالي و مطلعة الفايسبوك و الميسنجر و أنا راقد على ودنيا ماشي وصيتك عليهم علاش ما تسمعيييييش؟ منبعد دخل للديسكوسيو لولانية صابها باسم راجل شرع عينيه مخلوع قالي شكون هدا ليليااااان و باعثتلو تصاوك ملفوق؟! و جبد عليا بكف بديت نبكي و نقولو اصبر نفهمك حكمني من شعري و يعيط شكون هذاااااااااا... قلب قلب ما كاش لي ميساج غير ليزابال و التصاور
قتلو و الله غير صاحبتي و الله غير صاحبتي قالي راكي تشوفي فيا حابس صاحبتك راااااجل..!!!! حطيت يدي فوق يدي و قتلو ياك قتلي ما تضربنيش و تسمع مني تعيش خليني نفهمك قالي وش حبيتيني نسمع؟ غير ليزابال ما بينك و بين راجل ما نعرفوووووش وش قتلك على هد ليزابليكاسيووووو... و طبعني طحت فالقاعة رجعت للور و نطم في شعري و نقولو و الله غير صحبتي صراع الله يخليك اسمعني.. عيطلها عيطلها والو زاد رجع يغلي قتلو عيطلها والله غير صاحبتي من البريمار برك دايرا باسم راجلها ما حبش تفتحو باسم طفلة قالي علاش هدي بنت ********* حبت ترد، و الله و يظهر راجل و عفسهالك غير ندفنك ياك قتلك ما تدخليش لهد المواقع قتلو علبالي بصح و الله ما بعثت لحتى واحد من غيرها تحب تدي التلفون اديه ماشي دايمن نعيطلها النت عندهم ضعيفة، قالي اواااه انت مازال ما تربيتي... حتى عيطت سارة قعد قدام و رفد و قالي اهدري قلت ألو قالتلي اسمحيلي ليونة النت ضعيفة عندنا تكوبات بصح علاش وليتي هكدا وش صرالك تبدلتي كامل قلتلها سارة منبعد نعاود نعيطلك قالتلي معليه براحتك مام انا نروح نحط العشا هدا هو راهو قريب يجي راجلي بااااي....
كوبا و قالي اخرجي برا قتلو حبيبي و الله ما نزيد نعاودها، قالي اخرجي ما تخلينيش نطرطق عليك.
خرجت و حبطت لشومبرة الحاجة فرشت و قعدت نبكي حتى رقدت.
غدوا منداك وجدتلو الفطور طلعت ليه باش نوضو صبتو قاعد قتلو صباح الخير ما رجعهاليش، بدل حوايجو و خرج بلاما ياكل وليت نلوم في روحي.
وجدتلو الغدا و ماجاش، لحقت ال9 تع الليل وما بانش، عيطتلو زوج مرات كوبا عليا و عاود للحاجة قالها خرجت ميسيو احتمال ما نرجعش حتى لغدوا ما تقلقيش عليا قالتلو ربي يحميك يا وليدي بالسلامة سلم عليها و كوبا.
هديك الليلة طلعت لشومبرتو نتونس و قعدت نسمع فالغنية تع:
{يا كثر ما شلت في قلبي عليك ..
ويا كثر ما قلت ما اسامحك خطاك
من اشوفك ترجف اضلوعي تبيك
وادري هذا كله من حرة هواك ...
اخلق الاعذار من لمسة ايديك ..
والمس جروحي واثاريها دواك ..
حسبي الله على الهوى وحسبي عليك
الله ياخذني ولا انه خذاك }
هديك الليلة حسيت شحال نحبو و كرهت روحي علاش دايمن الحاجة لي يقولي ما ديريهاش نديرها.. هو واعدني بلي يحاول باش يشد أعصابو و وفى بوعدو حاول معايا بصح انا مادرت حتى خطوة قاعدة غير نقامر فيه.
ليل كامل و انا نعيطلو ما يرفدليش، غدوا منداك ما جاش حتى ثالث يوم الصباح سمعت طونوبيلتو، رحت وجدتلو الما و حطيلو فيه ليڨلاصو كانت السخانة، شفتو دخل من الباب الثاني ماشي من الكوزينة، سلم و قعد معاهم كان باين عليه التعب، دخلت للهول قتلو وش راك ابو حرب؟ و عطيتلو الما رفع عينو ليا و قال أهلا و شد الما عليا شرب.
رحت خرجت كانيطا بيبسي باردة و حطيتها قدامو قال جات في وقتها.
دورت الفولتيراتور ليه و طلعت وجدتلو الدوش و حوايجو حتى دخل هو و موراه هيام تقولو و الله غير عيب يا أبو حرب قالي أم علي قتلك خلينا من هد السوجي راني عيان قالتلو يا خويا علاش راك واقف في مكتوب الطفلة كامل راهم قابلين غير انت قالها الطفل صوفا طايرة و ماشي تع مسؤولية و عينو على كلشي و حلا ما تقدرش تحمل قالتلو المصاغر كامل يدورو بالنسا علاش انت و خاوتك ما خالطتو نسا و زيد حلا راهي حايباتو قالها وشنو هد الهدرة هيام حبيتيني نكسرلها راسها قالتلو علاش نديرلها راسها وليد خالتها و حايباتو وين راهو المشكل؟ بركا ما تكبر فيها و الله غير كل يوم يعيطولي يسقسيو ما صبت ما نقول قالها خليني نريح و يعملها ربي تاويل.
جا يفتح الخزانة قتلو راهو واجد الدوش، دار و خرج راح دوش و رجع جيت نهدر معاه قالي راني عيان ماشي وقتك خليني وحدي، خرجت خليتو رقد حتى جاو خوال حلا و جدها وعمامو و سقساو عليه، طلعت نوضتو لبس و غسل و حبط للصالو نسمع فيهم غير يحاولو يقنعوه باش يمد الطفلة لوليد خالتها، كي شاف بلي بنتو قابلة ولا قبل و حلا و خالتها ماتو بالفرحة مام انا فرحتلها.
قالولو حدد يوم للخطبة قالهم عندي غدوا ان شاء الله ميسيو سمانة كي نرجع إن شاء الله يعملها ربي تاويل، خال حلا قالهم نعقدولهم غدوا خير ما يروح و يرجع يقولنا بدلت رايي ما عنديش طفلة للزواج ضحك و قالو انا و الله ماني موافق برك في وجوهكم و زيد هو وليد خالتها، قالولو يمال غدوا إن شاء الله نعقدولهم ما نديرو لا خطبة لا عرس الحالة ماراهيش تعجب قالهم براحتكم.
حطوهم في الضيق يعني غدوا الخطبة؟ ناضو النسا يتجاراو يوجدو، أنا ما اهتميت لحتى واحد منهم كانت عيني غير على صراع و هو قاعد ما خزرش كامل في وجهي بصح التعب باين عليه بزااااف قاعد ما بيناتهم غير بالسيف.
كي كملوا طلع لشومبرتو لحقتو جيت نفتح معاه السوجي قالي طفي الضو و شعلي الكليم و اغلقي الباب موراك خليني نرقد. اووووو ف شحال واعر زعافو يطيب فيا على نار هادية.
غدوا منداك راكم تعرفو التحرحيرة تع الخطبة، ما خرجتش من الكوزينة ما لحقتش حتى نبدل، جاو جوايه الزوج و نص، وجدت أنا و نور لاتاي كي دخلت للكوزينة صبت صراع مقلق و يتكيف يدو ترجف من الزعاف و هيام تهدن فيه قالها وين كان عقلي كيفاش مديت بنتي لهدو،شويا هكدا عيطلو سعد باش يعقدو و ناضو النسا يزغرتو و يشطحو.
غير خرجو الرجال دخل ما حملش حتى بنتو ما باركلهاش،جا طالع لشومبرتو عيطلي ليلياااان.. الحقيني... ما أمنتش كي سمعت اسمي و رحت نجري دخلنا
نحى حوايجو طفى الضو تكسل في فراشو و حط يدو على عينو.
اووووو يمال انا علاش عيطلي؟! قعدت واقفة نخزر قالي اقعدي وشبيك؟ قعدت على جنب البوك و هو ما تحركش ما عرفتش وش ندير مابان راقد ما بان قاعد، وليت قربت ليه حطيت راسي على يدو بقى كيما راهو، دنيت حطيت راسي على صدرو و جبدت الغطا علينا باش حط يدو على ظهري و رقد مافطنش حتى للمغرب قالي وجديلي حوايجي توضى صلى لبس و خرج ما رجعش للدار على الوحدة تع الليل ما هدر مع حتى واحد و يفيتي في كامل الغاشي. .....
غدوا منداك مع الفجر رفد كابتو و حبط قال للحاجة يما راني رايح سمانة من دوك نقولهالكم ممنوع يجي خطيب حلا ليها، و إدا جا تقعدي معاهم انت و الحاج حتى يروح لوكان نسمع بلي قعدو وحدهم الدار نقلبها عليكم قالتلو خلاص يا وليدي ما يكون إلا خاطرك، بقاها على خير دعاتلو و انا خرجت معاه حتى للباب قالي تهلاي في روحك،كي قال هكدا عنقتو و قتلو حرام عليك تتجاهلني هكدا خلاص و الله غير عرفت غلطتي و مانزيدش نعاود، حضني و بعد سلم على راسي تبسم معايا و قالي بلاما نوصيك تهلاي في روحك و في حرب قتلو ترجعلي بالسلامة باسني في خدي و خرج
غدوا منداك جا خطيب حلا قعدت الحاجة معاهم، ثاني يوم زاد جا قعدت معاهم شويا هكدا و حلا داتو و طلعوا لفوق لشومبرتها الحاجة تقلقت جات تطلع ما خلاتهاش أم سعد قالتلها ياك راهم عاقدين و متزوجين شرعا علاش راكي قاعدة على قلوبهم و الحاج سكت كي هدرت مرتو قالتلها لوكان يسمع صراع يدير حالة، بعثنالها حرب ما حبتش تحبط و قالتلو عيب حبيبي ماشي كل خمس دقايق جي طبطب علينا، كي حبط خرج خطيبها حكمتها الحاجة بهدلتها قالتلها وش دخلكم ما بيني و بين خطيبي ياك رانا عاقدين علاش ليليان تطلع لعند بابا و ما هوش منبا راجلها ياخدو راحتهم و واحد ما يهدر معاهم قالتلها كي يجي باباك يتفاهم معاك بصح هي علابالها بلي ما تقولو ما والو تخاف عليه تطلعلو لاطونسيو و كاش ما يصرالو.
قعد خطيبها كل يوم يجي يطلعو لفوق و كي تحبط رقبتها زرقة و تزيد كلمة بكلمة مع جداتها.
لحق اليوم السابع و جا صراع كنت لفوق فالصالدوبا نغسل حتى وقف عند راسي قالي ربي يعاونك غير شفتو رحت حضنتو، كي شفت الحاجة طالعة تفكرت بلي خطيب حلا راهو معاها فالشومبرة صفرت، جا يدخل التوالات دار عطاني الساعة قالي وشبيه لونك تخطف قالتلو الحاجة وش راك يا وليدي، كي شافها طالعة عقد حواجبو ماشي من عادتها تطلع ما تقدرش، سلم عليها و قالها يما وش كاين؟ قالتلو ادخل حبيبي ماكاين والو و أنا قعدت نخزر في شومبرة حلا حبيت نغافلو و ندقدقلها بالاك تفيق، راح ديراكت لتم قال شكون راهو هنا حكمتو قتلو ارواح ما كاين حتى واحد، حكمني من رقبتي قالي شكون راهو هنا حكماتو الحاجة قالتلو بجاه ربي يا وليدي تهدن قتلو خطيبها بصح صراع ......... غير نطقت هو راح للباب جا يفتح صابو مغلوق ضربو برجلو كسرو، دخل صاب حلا في جيهة شعرها متشنشف و خطيبها في جيهة و السبتة ديالو مفتوحة، جبد على حلا بكف و حكم خطيبها من الكول ديالو كركرو و انا و الحاجة نحاولو فيه باش يطلقو دار ليا عينيه حمورا و عيط ادخلييييي، رحت نجري دخلت.
خرجت أم سعد و الحاج يسلكو و هو مرمدو بالضرب ديفورمالو خليقتو و حاوزو من الدار و قالو لوكان يجي واحد منكم لعند بابا داري نمحيه من الدنيا و خبط الباب موراه و جا يحوس على بنتو و يقول وين راااااهي، الحاجة كانت حبطتها لشومبرتها قعدت معاها و غلقت الباب، هو طلع لفوق ما صابهاش جا حابط حكمتو من قمجتو قتلو تعيش هدن روحك طبعني من قدامو و عيط وين رااااااهيييي، جا يفتح باب شومبرة يماه صابها مغلوقة قالها يما افتحيييييي قالتلو ما نفتحش روح هدن روحك منبعد نهدرو قالها يما افتحي ما تخلينيش نكسر الباب خرجيهاااا قالتلو و الله يا صراع لوكان تكسر الباب غير نهج منا و نحرم دارك و لا أنا يماك و لا أنت وليدي قالها يممممممممممما راني نقولك افتحي الباااااااب .. يا وحد ..... ياك نحكم و لا لالا ما قلتش ما يدخلش للدار، اشتقت نهدر كلمة فهاد الدار و تتنفذ و الله غير نجنيكم اليوم قالو الحاج وشبيك ياك راجلها و عاقد عليها هدن روحك لي يسمعك يقول دخل عليها راجل من التاقة قالولي منيلو راجلها؟!! يختلي ببنتي في داااااري علاش راني فاتح ..... هنايا؟ قالو ياوليدي ما دام عاقد عليها شرعا راهو راجلها قالو بابا ما تخلينيش نبدا نخلط فالهدرة، دخل عليها و انت راقد لداخل على آخر عمري يتوسخ شرفي في داري و انت راقد لداخل، ما شفتوش كي دخل؟ علاش مخليك مورايا يمال حبيتو تقتلووووونييي...
قعدت نخزر فيه و نبكي ما قدرت ندنى ليه ما قدرت نخليه كان في وحد الحالة الله لا يشوف مومن، يعيط على قد ما قدر عروق رقبتو رايحين يطرطقو عينيه حمورا يديه يرجفو، طلعت عيطت لنائل فالتلفون قتلو ارواح رايح يموت قالي عيطتلي نور و حكاتلي راني جاي فالطريق قريب نلحق، عاودت حبطت صبتو مازالو يعيط نحا البلازما كسرها و دڨدڨ زوج طوابل، قعدت فالدروج حتى دخل نائل و بدا يجبد فيه و هو كيف كيف رايح يخرج من حوايجو، داه بالسيف للصالو و عيطلي ليلياااان جيبي بلخف الما لراجلك، رحت نجري جبتلو صبتو يغلي و نائل يحاول يهدنو عطالو شرب الماء و دار ليا قالي انا شحال من مرة عيطتلك ملي رحت علاش ما قلتيليش بلي راهو يجي و يدخل و مخليتني على عما عيني قتلو و انا علاش هوما بلاش يكرهوني نزيد نبيعلك؟ قالي و تخليني هكدا و كي نسقسيك عليهم تقوليلي راهم كامل بخير يا وحد .....قالو نائل ما تلومش عليها هي ياك لدوك مازالهم يقولو حرشاتو على بنتو ضربها.
قعد يهدر معاه منبعد ناض صراع قعد فالهول و قالهم راني قاعد هنا و نشوف بنت وجدان كيفاش تخرج لوكان ما نسميهاش ليماها مانيش انا و قعد يتكيف الڨارو مورا خوه و نائل قاعد معاه و أنا و نور فرزنا الهول حاجة ما خلاها في بلاصتها و رفدنا الزجاج لي كسرو.
لحق العصر و ما تحركش من بلاصتو، دخلت دوشت و طلعت لشومبرتو شعلت الكليم و طفيت الضو و حبطت ليه قتلو نوض حبيبي لشومبرتك تريح تعيش قالي بعدي من وجهي ولا نوضو نائل و نور وصلوه الدروج قال ودني راهي عند الباب لوكان نسمعها تفتحت نحبط نعلملكم التربية كيفاش دايرا.
دخل دوش بدل تكسل في فراشو دور وجهو و رقد، خفت نقرب ليه و لا كاش ما نهدر، نعرفو هو كي الجمر الأبيض تحسو هادي بصح تهيجو يشعل، ماقدرتش نخرج ولا نحبط خفت يفطن و ما يصيبنيش قدامو يقولي مانيش هامك، تكسلت قدامو و عطيتو بظهري و رقدت، لحق وقت الصلاة و ما فطنش خفت نوضو حتى سمعت الدقديق فالباب نضت صبتها نور قالتلي قولي لأبو حرب مالين الطفل جاو يطلبو السماح، غلقت الباب صبتو قاعد و محبط رجليه من البونك، جيت نقولو دارلي براسو إيه بمعنى سمعت، حسيتو تهدن شويا كي رقد قربت ليه كان يخزر فالارض و يخمم، حطيت يدي على دراعو و بستو من خدو دار ليا خزر فيا قتلو تعيش ماديرش في روحك هكدا و الله غير نخاف عليك بلا بيك نضيع و بكيت، طلع يدو و حضني رفع راسي قتلو الله يخليك خمم فيا لوكان كاش ما صرالك بعيد الشر وين نروح و الله واحد ما يفتحلي بابو و يحي مع الإرهاب مايرحمنيش باس جبهتي و قالي ما تهدريش هكدا راني معاك ما عندي وين نروح.
