රිද්මය(GL)

Chapter 11

"මේ මොනාද මේ ආශු!!!මම කී පාරක් කිවුවද මේ tone එක හරියට එන විදිය මතක තියාගන්න කියලා!මොන කුණුහරුප ලියනවද මන්ද.අනික pinyin වලින් ද ලියන්නේ?දෙයි ලකුණු මේන් කියලා"

"ආව්.....ඕකට ඔච්චර ටොකු අනින්න ඕනය මව් බාසාව නෙවෙයි ඔය.අර අරූ ඔහොම වත් ලියල නැතුව ඇති."

"ආ හලෝ ඔව් ඔව් බං ඔය සීන් එක ගැන මන් මේ දැනුත් කල්පනා කර කර හිටියේ.විනාඩි දහයක් දීහම් මන් විස්තර ටික ඉල්ලලා දෙන්න"

නොදකින් ගොන් වස්සා. සෙතුම් බොරුවට earphone එක කටේ ගහන් කොට කොට මොනාද හොයන්න ගත්තේ ලොකු වැඩක වගේ.අදාල බාසාව මව් භාෂාව වන මිතුරෙකුගෙන් ඉගෙනගන්නවා නම් ඔබට සියලු දෙවි රැකවරණයි.පන්ති යන්න ඕනේ නැති එක ලොකු දෙයක් ඒත් ටොකු කන්න බැහැ මෙහෙම.අරුවත් ඇදලා ගන්න ගිහාම තමා ඌටත් නැති වැඩ පාත් වෙන්නෙ.මන් අහිංසක අසරණ බැල්මක් පා කර හැරලා ආපහු පොත ගත්තා.

"ලස්සනට පාඩම් කරලා ඊයේ රෑ.කොහොමද කිව්වේ මුළු පොතම උනත් අද ඉවර කරන්න පුළුවන් කියලා"

ඊයේ රෑ මට පොතකට හිත යොදවන්න බැරි එක ඉතින් හෙහේ ඔයා තමා සුදු වග කියන්න ඕන. හීන බල බල හිටියා නේ

"මොකද්ද ඔහොම බලන් ඉන්නේ.කෝ හරියට බලාගන්න ඔය වැරදුනු ඒව ටික."

එයා පේපර් එකයි පෑනයි මට දුන්නා නෙවේ දමලා ගැහුවා.ගහලා පොත දිගැරගෙන ආයේ ගානක් හදන්න පටන් ගත්තා.අම්මෝ මේවා නම් දැක්කම කලන්තේ වගේ... පිටුවක් විතර දිගට එකක් හදන්න ගියොත් මටනං අගට යනකොට මුල අමතකයි ආයේ මුල කියවලා එද්දී හදපු විදිය අමතකය හදපු විදිය මතක් වෙද්දී ආයේ මුල අමතක and so on.

අපි හිටියෙ පාක් එකේ බංකුවක ඉදගෙන මුක්කුද වගේ පොතුත් දිග ඇරගෙන.Library එකේ ඉදගෙන ඉන්න කම්මැලිකමට පාක් එකට ආවා උදේ අටේ ඉඳන් එතන දැන් හවස හතරයි.එහාපැත්තෙ නේ පාර්ක් එක.Main road එකෙන් ඇතුලට වෙන්න තියෙන ටිකේ කට්ටිය අඩුයි.ඒ නිසා නිදහසේ සිසිල් පවන් සෙවනේ වැඩක් කරන්න පුළුවන්.

"ආහ් නංගි...මේ....ඔයා නුගේගොඩ ක්ලාස් ගියා නේද"

ඒ මොකෙක්ද යකෝ ඒ. ඇස් මානෙන් තිබ්බේ සුදු සපත්තු දෙකක් දාලා කළු තඩි කලිසමක් ගහගත්තු කකුල් දෙකක්.ඔලුව හරවලා බලද්දි වැලමිට ගාවට අත නවල ඉරි ඉරි ශර්ට් එකක් ඇදලා එකේ බොත්තම් දෙක්කුත් ගලවාගෙන මාල වළලු කරාබු දාගත්ත ඉත්තැවෙකුගේ කොණ්ඩයකින් යුතු හාල්පාරුවෙක්.