وانا في درب الهلاك ظهرت لي ياملاك

33

33
"لا استبيح القراءة بدون لايك"
هايف بغضب:انتِ شقاعده تسوين هنا ومن وين جبتي المفاتيح
سهى بصراخ:شدخلك هايف شدخلك بفهم !
هايف:سرقتيها صح
سهى:ايه سرقتها
وكانت بتروح لولا يد هايف الي سحبتها ارتطمت بجسمه وكان شاد عليها وانفاسه تضرب وجهها
هايف:انتِ بتهبلين فيني جننتيني والله جننتيني
تجمدت اطراف سهى من قرب هايف لها و كلامه كان قريب منها لدرجه فضيعه مقدرت سهى تتحمل وحاولت تبعده عنها ولكن هو شد عليها اكثر
سهى بتوتر:هايف اتركنني
هايف:مابترك لاني ابيك سهى ابيك وتحسبيني بترك بهالسهوله مستحيل اخليك عشان تروحين لغيري
سهى بتوتر:هايف افهم انا وياك مو لبعض ياخي اتركني هايف اتركني
هايف باصرار:ماراح اتركك و راح اخليك تعترفين بحبك لي سوا الحين ولا بعدين راح تعترفين
تركها هايف ووخرت عنه متوجهه للسكن
عند البنات
دخلت عليهم سهى وهي تتنفس بسرعه
ورمت الاوراق بالارض ودخلت الحمام
توجهت جمان للوراق وشافت صوره الحرمه المتشوهه
نزلت دمعه من عين جمان وهي تتخيل ان امها قاعد يصير فيها كذا نزلت تحت ركض وهي تبكي
عند فارس وزايد
زايد:يلا فارس انزل وبنزل وراك ادخل ولا تشكك عبدالعزيز و هايف بشي
فارس تنهد:ابشر
طلع فارس للعيال وزايد كان يرتب السياره سكر الباب ونزل لاجل يدخل السكن سمع صوت شهقات متتاليه وتتبع اصوات الشهقات وصل وشاف جمان تبكي كان يتأملها شكثر حلوه انتبهت له جمان وحاولت انها تمسح دموعها بعنف تقدم منها زايد ورفع اصابعه ومسك ذقنها ورفعه بخفه قابلته عيونها وكانت كلها دموع
زايد:ليه تبكين
جمان:مابكيت
زايد:ماحب اعيد سوألي
جمان قالت لزايد عن الي شافته وشهقاتها كل ثانيه تزيد
جمان:عمك مو نفس الي تتوقعه يازايد والله
حضنها زايد وهو يطبطب عليها
زايد:مصدقك والله مصدقك
جمان:يعني انت تعرف
زايد:اليوم عرفت وتمنيت اني ماعرفت مو خايف على احد كثر مو خايف على هايف الي بينصدم اول مايعرف كلنا خايفين من ردة فعله وشعوره وش بيكون يوم يعرف
جمان:هو خاطف يعني هو مجرم زايد مستحيل تعرف شالفراغ الي انا فيه حالياً فاقده امي كثير ومو عارفه شسوي بدونها ابيها وبس يعني هو شغايته يوم خطفها شعوري وكأن نار نزلت على قلبي مو حاسه اني بخير ابد ودي ابكي وبس مابي شي غير ان حياتي ترجع مثل قبل
زايد:بسم الله عليك حياتك باذن الله بترجع مثل قبل واحسن بس انتِ اصبري انا معاك حالياً ابكي لين تخلصين ومحد راح يلمسك
شد عليها وانهارت اكثر وكأنها لاول مره تحس انه في شخص قدر يحتويها من بعد امها
عند فارس الي شاف ايلاف جايه وهي شايله كيس بيدها
انصدمت ايلاف يوم شافت حالة فارس
#وأنا_في_درب_الهلاك_ظهرت_لي_ياملاك