وانا في درب الهلاك ظهرت لي ياملاك

64

64
" لا استبيح القراءة بدون لايك "
نوره بحذر:اخاف يصير شي بأبوك ياهايف
هايف:هو اكيد بيصير بس مانقدر نسوي شي انا بدق عليه واول مايجي بكلمه
كانت نوره راح تتكلم بس قاطعها هايف وهو يبوس راسها
ونطق:ارتاحي ونامي ومابيصير الي الي ربي كاتبه
ابتسمت نوره برضى على كلام هايف واردفت:استودعتك الله
طلع هايف وهو يشوف العيال ينتظرونه
فارس:نطلع نقعد برا؟
عبدالعزيز:اذا بتسمعنا صوتك تم
فارس:مشينا
هايف:اطلعوا وبلحقكم
-
عند رماح وزايد دخلوا المجلس وكان طارق يرحب بهم
طارق:هذي الساعه المباركه
رماح:ساعتك ابرك ياعمي،انا جايك على اخر كلام لي
طارق:قصدك الشرط
رماح:اي ماغيره
طارق:قول شعندك يوليدي
رماح بجديه:بدون مقدمات ياعمي ابي بنتك لي
طارق ناظر فيه وابتسم وهو يقول:هذا الشرط
رماح:اي ياعمي
طارق:والله والنعم فيك يولدي وانت رجال والكل يشهد واذا عطيتك بنتي بكون مرتاح بس بناخذ رأي البنت اول ونرد لك خبر
رماح وهو قصده يذكر طارق:هذا شرطي ياعمي
طارق فهم رماح وتغيرت ملامح وجهه بغضب وحاول يتصنع الابتسامه نطق:يصير خير يوليدي
رماح:رد لي خبر لاجل نجي نخطب رسمي
طارق:ان شاء الله
استقاموا لاجل يروحون ولاكن وقفهم طارق وهو يقول:وين رايحين اقعدو تقهوو تعشوا
رماح:شكرا ياعمي ماتقصر
زايد:مشكور خيرك واصل
طارق:حالف عليكم ماتروحون
انحرجوا زايد و رماح وانجبروا يقعدون

-
عند العيال
كانوا قاعدين برا وناظروا بفارس لاجل يغني تنحنح فارس وهو يغني: ما قبلني الحظ قولي وين ابارحل وين اروح
‎الصبر ياهو يعــذب و الامــانــي موجعــه
‎اه يـا جــود الحــزن وياي و الفرحه شحوح
‎ضايع بهمومــي الغبرا بــوســط المعمعــه
‎اشتكـــي لوسادتي دنياي واسمعها تنـــوح
‎كنها بعضي وبعضي وين هو من هو معه
‎ايه انا و العالم المغرور و الياس اللحــــوح
‎خايض حرب الرياح اللي تسوق الاشرعه
عبدالعزيز:قلبت المواجع يافارس
تنهد هايف وهو يقول:ويين هوو من هو معه !
عبدالعزيز:اسمحيلي يالغرام
فارس ناظر فيهم وغنى: وفصل خامس حاير بين الفصول الاربعه
‎وراس مالي ذكريات حلم وأمال و طموح
‎لا صـديـق ولا رفيق ولا طريق واتبعــه
‎نوب اسافر في سديد الراي ونب في جنوح
‎مختفي صوت الحقيقه كيف ويش لون اسمعه
‎سامحيني دام هجري واضح كل الوضوح
‎واسمحي لي بالرحيل بلا تــذاكــر وامتعــه

سمع هايف رنة جواله وقام وهو يسمع ابوه يقول:وصلت وينك يولدي
هايف:يبه تعال عند باب المستشفى
ابو هايف:يلا
تقدم هايف من العيال وهو يقول:بخلي اختي عندكم شوي
عبدالعزيز:جيبها
راح هايف وهو يتوجهه لابوه اخذ اخته ووداها للعيال ورجع لابوه وتنهد وهو يقول:يمكن الكلام الي اقوله بيأثر فيك بس تكفى لا تضعف يا يبه
قلق سياف وهو يقول:قول ياهايف
هايف بتوتر:امي عايشه