وانا في درب الهلاك ظهرت لي ياملاك

83

83
"لا استبيح القراءة بدون لايك "
عند سعود كان ببيت زايد وكانوا قاعدين يسولفون بمواضيع عشوائيه لين وصل سعود لموضوع الزواج ونطق:ماتفكر بالزواج يازايد
زايد:باذن الله بس مو الحين بتوظف والله يوفقني
سعود:افا زايد من وين لك هالفلوس اجل
زايد:فلوس اهلي تدري انهم كانوا ما شاء الله والحمدلله عايش على خيرهم حتى بعد ماماتوا الله يرحمهم
سعود:الله يرحمهم بس يعلم الله اكثر واحد متحمس لزواجه انت
زايد:باذن الله بتشوفني عريس وبرقص بعرسك قبل ترقص بعرسي
سعود:انت قبل اكيد
زايد:ياولد الله يوفقنا اجمعين هذا الي نقوله
سعود:اي والله ماندري وش بيقابلنا بالمستقبل
-
عند البنات الساعه 12 انتهوا من السوق وطلعوا وهم يوقفون تاكسي وركبوا معاه وكانوا يسولفون بعشوائية استغربوا من السايق لانه ماسألهم عن عنوانهم ونطقت سجى:اخوي لو سمحت نزلني على ****** مارد السايق عليهم رفعت سجى صوتها وهي تقول:تسمعني ؟
ولاكن تجاهلهم بقصد منه ونطقت جمان:هذا شفيه !
صرخت سجى:نزلنا هنا
ولاكن كالعاده مارد عليهم وكان متجاهلهم بقصد منه بدو البنات يحسون بالخوف والتوتر يحتلونهم طلبت سجى من جمان انهم يصارخون ويفتحون باب السياره ولاكن الصدمه الي خلت فعلاً الخوف يجتاحهم وهو ان الباب مقفل وبدو يصرخون برهبه ولاكن التفت السايق وهو يبخهم ببخاخ خلاهم يفقدون الوعي بسهوله
-
عند سهى كانت قاعده عند باب المستشفى بعد ماخلصت وهي تقلب بجوالها دخلت وهي تقعد على احد الكراسي بملل واتصلت على ايلاف الي ردت عليها وهي تقول:هلا
سهى:شقاعده تسوين؟
ايلاف:طلعت توني وقاعده اشوف بعض المعارض
سهى:انتبهي لنفسك وبعدين شيطلعك الساعه 12 كان طلعتي بدري !
ايلاف:شفيها يعني والله زحمه تو الناس
سهى:تمام يلا مع السلامه
سكرت سهى وسرعان ماشافت احد الدكاتره الي اسمه رائد ابتسم وهو يمد يده لها ويعطيها قهوه اخذت من يده القهوه وهي تبادله الابتسامه ونطق:موظفه جديده ؟
سهى:ايه نعم
رائد:شرايك بالشغل
سهى:البدايه زينه والله
رائد:ان شاء الله كل الايام تكون زينه بالنسبه لك
سهى:انت شنو تشتغل هنا؟
رائد:دكتور نسيت اعرفك بنفسي رائد
سهى:سهى
رائد:عاشت الاسامي واهلين فيك ياسهى
سهى:عاشت ايامك
-
عند سجى وجمان الي صحوا وهم مربطين وكان المكان مظلم وكتمه وكانت الرؤية شبه معدومه ناظرت سجى بجمان وهي تقول بخوف:جمان انتِ بخير ؟
نزلت دموع جمان:ايه بخير وانتِ؟
سجى:بخير معليك
جمان:سجى حنا ويين ووش قاعدين نسوي هنا !!
سجى الي وكأنها توها استوعبت انهم مخطوفين:جمان حنا مخطوفين بس ليش ومن ممكن يخطفنا
جمان:مدري سجى مدري شلون بنطلع تكفين لا يسوون فينا شي تكفين
كانت سجى تتلفت بخوف وهي تقول:مافي احد هنا
صرخت سجى:في احد هنا
ولاكن ماسمعت اي جواب بدت ترتجف بخوف وهي تقول لجمان:جمان انا مكتومه مقدر اتنفس زيين
جمان:سجى حاولي تتنفسين انسي الي حنا فيه لا يصير لك شي !
سجى:جمان مقدر اتنفـ
اغمى على سجى وصرخت جمان بخوف وهي تحاول تفك نفسها وماقدرت
-
عند زايد وسعود كانوا قاعدين ووصل لزايد اتصال رد زايد وهو يقول:من معي
رد مجهول:عندي بنات يخصونك اذا تبيهم تعال ومعاك مبلغ 100 الف
زايد:من انت ومن وين تعرفني واي بنات يخصوني ؟
رد مجهول:العنوان*********جيب المبلغ ولا راح يموتون بين يدي
زايد:من البنات الي يخصوني طيب
سمع زايد رنين الجوال يعلن ان المتصل سكر الخط ضحك زايد وهو يقول:ذا اكيد حرامي !
ولاكن سرعان ماستوعب جمان  معقوله ! فز وهو يركض
لبرا ولحقه سعود وهو يقول:شفيك ياولد اعوذ بالله روعتني !
زايد:امش سعود امش
سعود:شفييه تكلم
زايد:في واحد خاطف بنات ومتصل علي
سعود:وانت وشدخلك !
زايد:بعدين افهمك الحقني بسيارتك سريع
سعود:زايد مو لازم نبلغ رماح يتصرف لا تتصرف من راسك وتورطنا !
زايد:اقولك امش
ركب زايد سيارته وهو متوجهه لنفس العنوان الي وصفه المجهول له وكان سعود يلحقه وهو مو متطمن للوضع
-
عند فاتن دقت على سهى الي ردت عليها:شفيك داقه
فاتن:ماكلموك جمان ولا ايثار ؟
سهى:لا ليه؟
فاتن:يابنت الساعه 2:30 وهم ماجوا دقت علي ايثار تسأل شصاير
سهى:السوق اخذهم لعالم ثاني معليك
فاتن:سهى صدقيني مو السوق في شي ثاني !
سهى:شنو يعني ؟
فاتن:مدري بس مايردون على جوالاتهم دقيت مليون مره وايثار تدق بعد ولا يردون !
سهى:سكري سكري بجرب ادق انا
فاتن:طيب يلا
-
عند العيال وصلوا للمكان وكان بمنطقه غريبه وكان الظلام محتل المنطقه كلها تكلم زايد وهو يقول:سعود دور مناك وانا بدور منا
سعود:يلا اذا لقيت شي لا تروح لحالك ناديني !
زايد:طيب بس يلا استعجل
ركضوا الاثنين وهم يدورون بكل مكان
-
عند البنات كانت جمان تحاول تفك نفسها ونجحت قامت بسرعه وهي ترتجف وكانت تدور اي مخرج لقت باب وكانت تحاول تفتحه ولاكن ماقدرت انصعقت اول مانفتح الباب وطلع شخص ضخم بشكل كبير ولابس قناع يخفي هيئته تجمدت جمان بمكانها وقرب منها وهو يمسك شعرها بقوه:واضح انك ماتبين تعقلين ياحلوه !
جمان بخوف:ووخر عني لا تلمسني من انتت
شد شعرها بقوه وصرخت جمال بألم:حرام عليك شسويت لك انا !
المجهول:شكلك تحبين تسولفين ؟
جمان:وخر عني
دفع جمان بقوه وهو يقترب منها بشكل قذر :بوخر عنك بس بعد ماخلص مهمتي رفسته جمان على منطقته وطلعت وهي تركض بخوف
-
عند زايد لمح مبنى كبير وتقدم منه وهو يناظر حوله ولاكن سرعان مالمح جمان وهي تركض بشكل غريب
شعرها كان نافش و في كدمات على يدها ركضت له بخوف ونطقت:زاييد
صرخ زايد:من مسوي فيك كذا من ؟
نطقت جمان بخوف:في واحد د داخل سـ ـسجى يا زايـد
زايد:في احد داخل ؟
كور وجهها بيده وهو يبعد شعرها عن وجهها ونطق بغضب:الله لا يوفقه والله ماخليه
مسكت جمان زايد بقوه وهي تقول:زايد لا تروح تكفى لا تخليني
زايد:مابخليك يابعد قلب زايد
جمان:زايد مقدر اوقف
سرعان ماطاحت بحضنه وصرخ زايد:جمان !
نطقت بصوت خافت:زايد مقدر اتحمل
حس بثقلها على صدره
-
حس زايد بخطوات وراه وماكان الا
سعود الي نطق:خلاص لقيتها !
زايد:في وحده داخل ياسعود ومعاها الرجال بحط جمان بالسياره وندخل نطلع الثانيه
سعود:يلا سريع
قام زايد وهو يحط جمان بالسياره وقفلها وتوجهوا للداخل وكان المجهول واقف قدام سجى تقدموا منه وهم يضربونه رغم قوته لاكنهم حاولوا واخيراً قدروا يهزمونه استقام المجهول وهو يهرب ولحقه زايد