وانا في درب الهلاك ظهرت لي ياملاك

82

82
" لا استبيح القراءة بدون لايك "
سياف وهو يتذكر الموضوع:اها اجل اذا كذا لا تتاخر على امك
هايف:ابشر
-
عند سعود الي كان منسدح بالغرفه وهو يفكر بأسجى وكان مستغرب ليه جات على باله نطق:والله حلوه !
ابتسم وهو يفكر بملامحها وسرعان ماسرح وهو يحاول يتذكر كل لحظه وقفها معاها ولاكن قطع سرحانه ابوه وهو يقول بغضب :ماتسمع انت !
سعود:هلا
عبدالله:لي ساعه اناديك
انصدم سعود من كلام ابوه معقوله طول هالوقت يفكر فيها نطق عبدالله بغضب:انهبلت انت !!
سعود:سم يبه والله ضغوطات الشغل
عبدالله:الله يهديك بس انا جيت اقولك يوليدي اني كبرت بالعمر ولازم تتزوج وتشوف حياتك ابي اشوف احفادي ابي احضر عرسك ياسعود ماودي اموت وانا ماشفتك عريس لا تكسرني يوليدي
تنهد سعود بحزن:يبه الموضوع مو بهالسهوله والله !
عبدالله:وش الي مب بهالسهوله علمني ؟
سعود:مقدر انساها يايبه مقدر
عبدالله:عشان ابوك ياسعود عشاني
سعود:بفكر عطيني وقت !
عبدالله:الله يهديك ويوفقك
طلع عبدالله من الغرفه وارتمى سعود على السرير وهو يدفن وجهه بالمخده
-
بعد المغرب كانت سهى قاعده تلبس حطت بلاشر خفيف دخلت عليها فاتن وهي تقول:سهى حطي من هذا الروج بيطلع يهبل عليك
سهى:لا فاتن لونه فاقع بزياده !
فاتن:تكفين والله بيطلع يهبل
سهى:يالليل فاتن مابي
فاتن: تكفين تكفين تكفين
سهى:خلاص طييب هاتي وفكينا
حطت سهى من الروج وهي تمده لفاتن:خلاص خذي
فاتن:بس خفيف
سهى:فاتن !
فاتن:خلاص طيب
وصلت رساله لسهى وكانت من هايف وكان محتواها"وصلنا"
طلعت سهى بتوتر وقعدت بالصاله وهي تنتظر نوره
وسرعان مادق الباب وقامت وهي تفتحه
-
عند رماح دق عليه سعود وكان واضح انه مو بخير من صوته نطق رماح:شفيك ياولد
سعود:رماح قابلني عند مكانا
رماح:باقي نص ساعه واطلع من الدوام بكلم فارس يجيك وانا لاحقكم
سعود:طيب
دق رماح على فارس الي رد على طول وهو يضحك:فيه سامري ؟
رماح:بايخ سعود صاير معاه شي وروح لذاك المكان قابله
فارس:يلا يلا
طلع فارس متوجهه لمكانهم وصل وفعلاً شاف سعود ولاكن كان واضح على وجهه انه في شي مضايقه نزل وهو يقعد جنبه ونطق:شصار ياسعود
سعود:ابوي وسالفه الزواج يافارس
فارس:سعود لمتى يعني وانت على هالحال ابوك صادق بتقعد بدون زواج عشان وحده ياسعود شوف حياتك هي بتتزوج وانت قاعد هنا تبيها ترجع لك !
سعود:مابيها ترجع ابي انساها ابي انسى اللحظه الي تركتني فيها مكسور باليله انكسرت مرتين !
بعد مده وصل رماح ونزل وهو يقول:شفيك ياسعود
سعود:الزواج
رماح:هالسالفه مانتهت يعني لمتى بنعيد فيها ياسعود خلاص انساها وغيرها ملييون
سعود:ماشوف فييه احد غيرها ماشوف
فارس:زين انك جيت يارماح وانت ياسعود الحين بنسيك كل شي
-
عند نوره الي انصدمت ان سهى هي نفس البنت الي هي تبيها لهايف وهي نفسها الي انقذتها امتلت عيونها دموع وحضنت سهى بقوه وانهارت بين حضنها تجمدت سهى مكانها بصدمه من حضن نوره لها بدالتها سهى الحضن بصدمه ابتعدت عنها نوره وهي تحاوط وجه سهى بيدها ونطقت:ياحظي دامك بتصيرين حلال لولدي يابعد روحي انتِ
ابتسمت سهى وهي تقول:تفضلي ياخاله لا تقعدين عند الباب
دخلت نوره وهي تقعد وتقدمت سهى منها وهي تصب لها قهوه مدت لها سهى القهوه واخذتها من يدها كانت بتروح تقعد سهى ولاكن يد نوره منعتها وهي تقولها:اقعدي جنبي
-
قعدت سهى جنبها وابتسمت وهي تقول:شلونك ياخاله عساك بخير
نوره:بخير الحمدلله شلونك انتِ ووش مسويه
سهى:الحمدلله زينه
نوره وهي تبتسم:ماشاء الله كامله والكمال لله
نطقت سهى:شكراً
نوره:كم عمرك؟
سهى:18
نوره:العمر كله،بس يابنتي متاكده انك تبين هايف ومو صغيره على الزواج
سهى:ايه متاكده وراضيه تماماً
نوره:الله يتمم لكم على خير
-
عند العيال كان فارس يتجهز لاجل يغني لهم: دخيلك لا تصلح غلطتك، خلِّ الجروح تزود
اذا ما للغلا سيرة، فما لمعاتبك داعي
أنين الناي يجرح كثر ما يبدع به المضهود
كثير الصبر في باب المقفّي يفتح أوجاعي
دندن زايد وهو يكمل ببتسامه: رسمتك للقا صدفة وشباك و لقا و ورود
و طاحت عيني الثكلى على سكينك الساعي
كثر ما أفتح الصورة، تجي حلو الليالي سود
كثر ما يرتفع موج البحر تستضعف شراعي!
كان سعود مستمتع بأصواتهم لابعد حد وكمل وهو يغني معاهم: نسيت اني سليل المجد لا خايف ولا محدود
أنا اللي بقطع ذراعي قبل لا تلوي ذراعي
عسى ما شرّ، وش خلاك من عقب الصدود تعود
وعلى حد الخطا واقف تحرّى جيّة الساعي
ابتسم فارس وهو يقول:اييه هذا سعود الي نعرفه سليل المجد
ابتسم سعود :والله محد يداويني غيركم يعيال
سمعوا صوت وراهم وماكان الا زايد وهو يقول:طيب داووني معاكم
رماح:حياك الله"
-
طلعت نوره لهايف واول ماشافها فز وهو يقول:عسى خير
نوره:خير وباذن الله نشوف يوم نخطبها
ابتسم هايف:يالبييه هذي الاخبار الزينه شرايك فيها يايمه
نوره:تاخذ العقل انا حاطه عيني عليها من اول
هايف:ادري قالتلي
ناظرت فيه نوره بغضب:شنو !
هايف:اقول قلتلك بتعجبك
نوره:بس فيه مشكله عاد مدري اذا تقدر ياهايف
هايف توتر وهو يعتدل بجلسته:وشو ؟
نوره.مهرها 80
هايف:مايغلى عليها لو تبي عمري عطيتها والله !
تظاهرت نوره بالزعل وهي تقول:هل كلام كله لها وانا مالي شي
قرب منها هايف وهو يقبل خدها وقال:افا اغلى من عمري انتِ
ابتسمت نوره وهي تقول:رضيت عليك
-
اليوم الثاني عند البنات كانوا قاعدين يسولفون بالصاله ونطقت جمان:بنات ترا بطلع مع سجى بنروح السوق تبون تروحون؟
ايلاف:لا مشغوله اليوم ببيع رسمات وبشوف معارض اعرض فيها رسماتي
فتحت سهى جوالها وهي تشوف رساله من المستشفى بأن دوامها يبدا من اليوم قامت بسرعه وهي تقول:بنات دوامي يبدا من اليوم باقي نص ساعه بس
ركضت للغرفه وهي تتجهز لبست السكراب وبدت تلبس شوزها(يكرم القارئ)وسحبت اللاب كوت واخذت شنطتها وهي طالعه اتصلت على تاكسي وكانت تنتظره عند الباب
وبعد مده وصل وتوجهت للمستشفى اول ماوصلت نزلت وهي تعدل شكلها ودخلت للمستشفى وتقدمت من الاستقبال وسألتها وحده:انتِ الممرضه الجديده سهى ؟
سهى:ايه
الاستقبال:تمام هذي اول مريضه تتابعينها تفضلي وقعي هنا
وقعت سهى وهي تقول بداخلها:واضح المستشفى روقان
-
عند جمان الي وصلت للسوق وشافت سجى وسرعان ماحضنتها بقوه وهي تقول:شلونك
سجى:بخير والله شلونك انتِ
جمان:الحمدلله ندخل
سجى:يلا الا البنات وش صار عليهم
جمان:والله كلهم مشغولات سهى داومت من اليوم وايلاف بتشوف معارض تعرض فيها رسماتها ولوحاتها وفاتن تقول مشغوله
سجى:الله يوفقهم وانتِ عاد فاضيه مثلي
جمان:والله ماوراي شي لازم ادور شغله
سجى:لا تكفيين خليك فاضيه نفلها انا وياك سهى بعد مشغوله
جمان:عروسه من حقها تنشغل
سجى:بس مو على احبابها بعدين اخوها بكرا بيطلع من السجن
جمان بخوف وصدمه تملكتها:اخوها بالسجن !
سجى:معليك لا تخافين حتى متعودين عليه وبتتعودين اخوها بياع
جمان:الله يهديه بس اخته ملاك وهو هلاك واسوى بعد!
ضحكت سجى وهي تقول:شنسوي بعد