وانا في درب الهلاك ظهرت لي ياملاك

62

61
" لا استبيح القراءة بدون لايك "
طلع زايد وهو يدور غرفه نوره واول ماشافها طق الباب وسمع صوت هايف وهو يسمح له يدخل
دخل زايد واول شي سواه سلم على ام هايف ووخر عنها وهو يقول:هايف لازم تسلم نفسك للشرطه و انا طلعت بطلب من رماح ولا كان ماسمحو لي
نوره بخوف:لييه شمسوي هايف
هايف:يمه لا تخافين باذن الله بطلع واذا ماطلعت عاد
قاطعه زايد:بيطلع ياخاله
هايف:ابي ابلغ ابوي بالي صار
زايد:خلها بعد مانعرف شبيصير فينا تقدر الحين تبدل ملابسك ونروح
هايف تقدم من امه وهو يبوس راسها:راجع مو متاخر
-
عند ايلاف وفاتن كانوا قاعدين على الكرسي وايلاف تحس بحرقه بسبب فارس ظنها انه مسلمها للشرطه وماتدري انه ممكن يكون سبب بطلعوها من السجن تقدم منهم رماح ونطق:السلام عليكم
فاتن:وعليكم السلام
رماح بصرامه:ادخلوا للتحقيق وحاولوا تكونون واضحين ومتماسكين اذا ماتبون تقضون طول عمركم بالسجن
فاتن:تمام
-
وبعد مده كانوا البنات ورا اسوار الحديد غطت فاتن عينها بيدها وهي تبكي:بنات معقوله حنا وصلنا لذي المرحله انتهينا وانتهى كل شي امنا كذابه و العيال سحبوا علينا وبننسجن اكثر من 10 سنوات وبيضيع عمرنا بسبب خاينه و حقير و بنعيش طول حياتنا بدون سند لنا
صرخت سهى بقهر:فاتن اسكتي اسكتي احنا حالياً نعيش اقسى الايام وانتِ تذكرينا بأوجاعنا مو ناقصين اسكتي !
فاتن:شسوي هذا واقعنا مانقدر نهرب منه مانقدر بنعيش مجرمين رغم اننا كنا ندافع عن نفسنا بس صار الي ماودنا فيه
ايلاف صرخت:انتو لازم تزيدون وجعي يعني ماتعرفون تسكتون ولو ثانيه الي يصير يصير بس تعبت وانا دايم اسكتكم تعبت !
-
كان فارس قاعد ورا مركز الشرطه بعد سماح رماح له انه يقعد ساعه فقط ويرجع لاجل يحتجزونه لين وقت المحاكمه دندن فارس بوجع:قبل ماترحل وتبعد تعال وللجروح اعذار،انا مقدر على بعدك لو انك على الجفى قادر انا ميت من اللهفه انا عايش على التذكار
سمع صوت يكمل الاغنيه وكان هالصوت معروف بالنسبه له رماح:تنام احلام عمري فيك ويصحى حظي العاثر
قعد رماح جنبه واردف:شصاير عسى ماشر يافارسنا
فارس:وش ماصار يارماح لا تخليني ازيدك هموم على همومك وبعدين مو مقرر متى بتتزوج
رماح:لقيت البنت يافارس لقيتها
فارس:من تكون
رماح بغيره:وانت شتبي
ضحك فارس على غيرته وطبطب على كتفه
نطق رماح بشعور يكسره:اقدر احتجزك يافارس؟مافي وقت لازم تقوم الحين وسامحني ياخوك
قاطع فارس رماح وهو يقول:وتسألني بعد؟ابد انت سويت الي عليك وهذي وظيفتك يارماح يلا قوم احتجزني
قام رماح وهو يحس بشعور الاحراج يكتسحه
-
بعد مرور 5 ايام كانوا الكل بالمحكمه ينتظرون حكم القاضي كان هايف يناظر بالكل بخيبه وكانه يودعهم ولاخر مره بيشوفهم نزلت راسها جمان بضعف فز زايد بخوف عليها ولاكن مسكه رماح وهو يناظر فيه بحده قطع افكار الجميع صوت الباب ودخل شخص ماكان رماح ولا العيال متوقعينه