ၿမိဳ႕ေဟာင္းႀကီး၏ တံတိုင္းျမင့္မ်ားသည္ မညီမညာ ၿပိဳပ်က္ေနသည္။ အခ်ိဳ႕ေနရာမ်ားတြင္ ဟင္းလင္းေပါက္သဖြယ္ ယိုင္နဲ႔နဲ႔ က်န္ေနရစ္သည္။ ၿမိဳ႕လယ္လမ္း၏ လမ္းခင္းေက်ာက္တုံးမ်ားသည္လည္း ညီညီညာညာမဟုတ္ေတာ့။ ကြဲအက္ျပဳတ္ထြက္ေနေသာ ေက်ာက္တုံးအခ်ိဳ႕သည္ လမ္းမတစ္ေလွ်ာက္ ေနရာအႏွံ႔ ျပန႔္က်ဲေနသည္။ လမ္းေဘးဝဲယာႏွင့္ လစ္ဟာေနေသာ ထိုေနရာမ်ားတြင္ သဘာဝတရား၏ တန္ျပန္စစ္ဆင္မႈျဖစ္သည့္ ခ်ဳံႏြယ္ျမက္ပင္မ်ား ေပါက္ေရာက္လ်က္ရွိသည္။
ျမင္းခြာသံကို ပဲ့တင္သံအျဖစ္ သဲ့သဲ့ ၾကားလိုက္ရသည္။ ၿမိဳ႕ပ်က္ႀကီးတစ္ခုအလား ဆိတ္ၿငိမ္ေနသည့္ ၿမိဳ႕ႀကီးထဲတြင္ ထ ပ်ံသြားေသာ ငွက္ငယ္အခ်ိဳ႕မွလြဲၿပီး မည္သည့္ထူးျခားမႈကိုမွ မေတြ႕ရ။
လမ္းတစ္ဖက္တစ္ခ်က္ရွိ လူေနအိမ္မ်ားသည္ စြန႔္ပစ္ခံမ်ားအသြင္ ထီးထီးႀကီးသာ က်န္ရစ္ေနၿပီ။ အိမ္အိုအိမ္ေဟာင္းမ်ားျဖစ္ေသာ္လည္း တစ္ခ်ိန္က ခိုင္ခိုင္ခံ့ခံ့ တည္ေဆာက္ထားျခင္းကို သတိထားမိႏိုင္သည္။ ေလးလံေသာ ေက်ာက္တုံးႀကီးမ်ားကို အံဝင္ဂြင္က် ထပ္ဆင့္ထည့္သြင္းထားသည္။ တုတ္ခိုင္ေသာ သစ္လုံးမ်ားကို တံခါးတိုင္ႏွင့္ ျပတင္းတိုင္မ်ားအျဖစ္ အသုံးျပဳထားသည္။
ျမင္းခြာသံသည္ တိုးရာမွ က်ယ္ လာသည္။ အေျပးအလႊားလာေနသည့္ အသံမ်ားမဟုတ္။ တစ္ခ်က္ခ်င္း၊ တစ္လွမ္းခ်င္း ေလွ်ာက္လာေနျခင္းမ်ိဳး။ ႏွာမႈတ္သံႏွင့္အတူ အညိဳေရာင္ျမင္းႀကီးကို ပ်က္ယြင္းေနေသာ ၿမိဳ႕လမ္းမ်ားေပၚ ျမင္ရၿပီ။ ေခါင္းကိုေမာ့ေကာ ေမာ့ကာ ေရနံ႔ခံေနသည့္ ျမင္းႀကီးသည္ ခရီးျပင္းႏွင္လာရဟန္ ႏြမ္းနယ္ေနသည္။ ဇက္ႀကိဳးကို ကိုင္၍လာေသာ သခင္ျဖစ္သူ၏ ေျခလွမ္းမ်ားသည္လည္း သြက္လက္ျခင္းမရွိ။ ေျခတစ္ဖက္ ဆာ ေနဟန္ရွိသည့္ ထိုသူသည္ ခက္ခက္ခဲခဲ တစ္လွမ္းခ်င္းစီ ေရွ႕ဆက္လာေနသည္။
အနက္ေရာင္ ေခါင္းေဆာင္းၿခဳံထည္ထဲမွ ကိုယ္ခႏၶာသည္ က်စ္လစ္သြယ္လ်သည္။ အရိပ္က်ေန၍ မ်က္ႏွာကို မျမင္ရ။ ဒူးဆစ္ေအာက္ထိရွိေသာ သားေရဖိနပ္မ်ားတြင္ ႐ႊံ႕မ်ားႏွင့္ ေပက်ံေျခာက္ေသြ႕လ်က္ရွိသည္။ ခါးတြင္ခ်ိတ္ထားသည့္ ေ႐ႊေရာင္ဝင္းေသာ ဓါးလက္ကိုင္သည္ အေမွာင္ရိပ္တစ္ခုလို ေ႐ြ႕လ်ားေနသည့္ ထိုသူထံမွ တစ္ခုတည္းေသာ အလင္းတန္းျဖစ္သည္။
YOU ARE READING
CLOVER
AdventureAura Book စာအုပ်တိုက် ကနေထုတ်ဝေခဲ့ပြီး Author Hsu Chi Ko နဲ့အတူ ဇာတ်လမ်းတို လေးပုဒ်ပါဝင်တဲ့ Clover စာအုပ်လေးပါ။ အဲ့ဒီ့ထဲက မမွန်ရေးသားခဲ့တဲ့ ဇာတ်လမ်းတိုနှစ်ပုဒ်ကို အားလုံးဖတ်လို့ရအောင် ပြန်လည်စုစည်းထားပါတယ်။ အွန်လိုင်းမှာပြန်တင်ခွင့်ပြုပေးတဲ့ Aura စ...
