ေကာင္းေကာင္းအနားယူေနရ၍ လန္းဆန္းေနေသာ ျမင္းႀကီးသည္ ေကာက္႐ိုးစမ်ားကို ဇိမ္ခံဝါးေနသည္။ ျမင္းႀကီး၏ ေက်ာျပင္ကို ပြတ္သပ္ေပးေနရင္းမွ ႐ိုဟာ မ်က္ႏွာသည္ အလိုမက်စြာ မႈန္ကုပ္ေနသည္။ တစ္ညတာဟု ရည္႐ြယ္ခဲ့သည့္ ခရီးတေထာက္နားေနမႈသည္ ရက္ေပါင္းအေတာ္ၾကာလာခဲ့ၿပီ။ ထြက္ခြာသြားသင့္ၿပီကို နားလည္ေသာ္လည္း ယေန႔ထိ မသြားျဖစ္ေသး။
ဒီေနရာသို႔ ေရာက္လာခဲ့ၿပီး ဒုတိယညတြင္ မိုနီ႔အဖြား အေမာေဖာက္သည္။ အသက္ရႉ မဝႏိုင္သလို ပင္ပန္းႀကီးစြာ အသက္ရႉေနရသည္။ ေခ်ာင္းဆိုးသည္မွာလည္း ပို၍စိပ္လာသည္။ လူမမာအဖြားနားတြင္ ေန႔ေရာညပါ ျပဳစုေနေသာေၾကာင့္ အစားအေသာက္ကို မိုနီ မစဥ္းစားေတာ့။ သူသာ မရွိလွ်င္ ေနာက္ပိုင္းေန႔ရက္မ်ားတြင္ မည္သည့္အစားအစာမွ ရွာႏိုင္မည္မဟုတ္။ ႐ိုဟာဝင္ကူေပးေန၍သာ ေတာင့္ခံႏိုင္ျခင္းျဖစ္သည္။ ႏွစ္လလုံးလုံး မဝေရဆာႏွင့္ ရွင္သန္ခဲ့ေသာ လူငယ္ေလးသည္ အ႐ိုးသာသာ ပိန္လွီေသာခႏၶာႏွင့္ ျဖစ္ေနၿပီ။ ယခုလိုဆက္ၿပီးေနလွ်င္ ဤအိမ္တြင္ တစ္ေလာင္းမွ ႏွစ္ေလာင္းျဖစ္႐ုံသာရွိမည္။
မိမိအတြက္လည္း ဒီၿမိဳ႕ႀကီးတြင္ ရွာေဖြေနသူ မရွိတာေသခ်ာေန၍ ဆက္ေနလွ်င္ အက်ိဳးမထူးႏိုင္ေတာ့။ မက်န္းမာေသာအဖြားႀကီးႏွင့္ ပိန္လွီလွီေကာင္ေလးကို ဒီအတိုင္း ထားခဲ့ရမွာ စိတ္မခ်ႏိုင္သလို ခံစားရေသာ္လည္း အျခားသူအတြက္ဆိုတာ သူ႔ဘဝမွာ ထည့္သြင္းစဥ္းစားရန္ မဟုတ္ခဲ့သည္မွာ ၾကာခဲ့ၿပီ။ ဒီေနရာမွ ထြက္သြားသင့္ၿပီဟု ဆုံးျဖတ္ၿပီးခ်ိန္ ျမင္းညိဳႀကီးကို ႀကိဳးမွျဖဳတ္ရင္ ဟန္ျပင္သည္။
"အစ္ကို သြားေတာ့မလား"
အနားကိုေလွ်ာက္လာသည့္ မိုနီသည္ ပထမဆုံးေန႔ စေတြ႕ခ်ိန္ကထက္ ပိုပိန္သြားသည္။ ပါး႐ိုးမ်ား ထင္းေနသည္အထိ မ်က္ႏွာက်ေနၿပီ။ သို႔ေသာ္ မ်က္လုံးဝိုင္းမ်ားကေတာ့ ၾကည္ေတာက္ေနဆဲ။ ညစ္ေထးေနေသာ မ်က္ႏွာျပင္ႏွင့္ လူ႐ုပ္မေပၚေသာ ခႏၶာတြင္ ထိုမ်က္လုံးမ်ားသည္ ၾကယ္ပြင့္မ်ားလို ထူးျခားသည္။
"ကြၽန္ေတာ္ အစ္ကို႔အတြက္ ေရဗူးျပင္ထားေပးတယ္.. ဒီေဒသက ေရရွားတယ္ အစ္ကိုရ.. ယူျဖစ္ေအာင္ ယူသြား.."
![](https://img.wattpad.com/cover/363308153-288-k314728.jpg)
DU LIEST GERADE
CLOVER
AbenteuerAura Book စာအုပ်တိုက် ကနေထုတ်ဝေခဲ့ပြီး Author Hsu Chi Ko နဲ့အတူ ဇာတ်လမ်းတို လေးပုဒ်ပါဝင်တဲ့ Clover စာအုပ်လေးပါ။ အဲ့ဒီ့ထဲက မမွန်ရေးသားခဲ့တဲ့ ဇာတ်လမ်းတိုနှစ်ပုဒ်ကို အားလုံးဖတ်လို့ရအောင် ပြန်လည်စုစည်းထားပါတယ်။ အွန်လိုင်းမှာပြန်တင်ခွင့်ပြုပေးတဲ့ Aura စ...