(Completed)လေငွေ့သွင်သွင် ဝှေ့ထင်ထင် ချစ်တေးသံစဉ် ပျံ့လွှင့်၏

လေငွေ့သွင်သွင်(၁၆)

Unicode
********
"ကြောက်စရာကောင်းတာ နားထောင်ချင်လား၊ ရိီစရာကောင်းတာ နားထောင်ချင်လား"

နီယွန် ပယင်းအိပ်ရာထဲ ခပ်တည်တည် ဝင်လှဲလိုက်ကာ ပယင်းကိုသူ့အနားလာထိုင်ရန် အိပ်ရာကို လက်နှင့် ပုတ်ပြလိုက်သည်။ ပယင်းဟာလဲ ထိုအပြုမူကို နည်းနည်းမှု ထူးဆန်းသည်မမြင်။ နီယွန်ဘေးတိုးထိုင်ကာ နီယွန်ကိုပင် စောင်သေချာခြုံပေးလိုက်ပြီး
"ရီစရာ ပြောပြမယ်ဗျာ ၊ နီယွန်သိလား ကျွန်တော် ဒီစရောက်ပြီးနောက်ပိုင်း ဂီတာတီး သီချင်းဆိုတော့လေ ၊ကလေးလေးတွေ လာလာနားထောင်တယ်မလား"

နီယွန်သဘောတူဟန်ဖြင့် အွန်းဟု အသံပြုလိုက်သည်။

"နောက်ရက်ကျ ကျွန်တော် ဘာကိစ္စရှိလို့လဲမသိဘူး။ ၊ ဂီတာမတီးဖြစ်ဘူးဗျာ၊ အဲတာကို ချာတိတ်လေးတစ်ကောင်က ဘာလာပြောတယ်ထင်လဲ"
"အင်း ဘာလာပြောတာလဲ"
" ပီလုံ ဘာလို့ တုန်တုန်ချမ်းချမ်းသေသေကို မတီးတာလဲတဲ့"

ဒီတစ်ခါကြောင်သွားရတာက နီယွန်။
"တုန်တုန်...what? what?က ဘာကြီးတုန်း၊ ပီလုံကရော"

ပယင်း နီယွန်လက်မောင်းကို တဖတ်ဖတ်ရိုက်ရင်း တစ်ယောက်ထဲ ကြိတ်ရီကာရီကာ ရီလို့အားရကာမှ မျက်ဝန်းထောင့်က မျက်ရည်စကို သုတ်လိုက်ပြီး

"ဂီတာတဲ့လေ ၊ တုန်တုန်ချမ်းချမ်းသေသေဆိုတာ ဂီတာကို ပြောတာတဲ့၊ ကျွန်တော်လဲ စစကြားကြားချင်း ကြောင်သွားတာသိလား၊ဟီးဟီး ရီနေရကော"

နီယွန် သူ့လက်မောင်းကို အသာပွတ်လိုက်ကာ ပယင်းကို သဘောတကျ ကြည့်လိုက်သည်။ နောက်ဆို သူများများ အရိုက်ခံရတော့မှာပဲလို့...။ ဘာလို့ဆို ပယင်းကို အမြဲရီအောင်ပြုံးအောင်ထားဖို့ သူဆုံးဖြတ်ထားလို့လေ။

"That child , why he call guitar as တုန်တုန်..arr , I don't know how to say it anymore "

" တုန်တုန်ချမ်းချမ်းသေသေတဲ့ ၊ ဟီးဟီး ကျွန်တော်လဲ မေးတာပေါ့ ဘာလို့‌အဲလိုခေါ်တာလဲဆိုတော့ အဲချာတိတ်လေးက အိမ်က သူ့အမေကို သွားပူဆာတာတဲ့ ၊ဂီတာဝယ်ပေးဖို့ ၊ ကျွန်တော့်လို တီးချင်တယ် ဆိုချင်တယ်ပေါ့ဗျာ ၊ အဲမှာ ချာတိတ်လေးရဲ့ အမေက ပြောတယ်တဲ့၊ ဂီတာကို တုန်တုန်ချမ်းချမ်းသေသေလို့လဲ ခေါ်တယ်တဲ့ သူတို့ငယ်ငယ်ကဆို ၊ ဟိုး အရင်တုန်းကပေါ့ တောကလူတစ်ယောက်ကပေါ့ ပထမဆုံးအကြိမ် မြို့တက်ပြီး အရောင်းဝယ်သွားလုပ်တယ်တဲ့၊ အဲမှာ သူထမင်းဝင်စားတဲ့ဆိုင်ရဲ့ TVကနေ ဂီတာတီး သီချင်းဆိုနေတာတွေ့တော့ ဪ....နားထောင်လို့ကောင်းလိုက်တာ အသံသာယာလိုက်တာဆိုပြီး သဘောကျသွားတယ်တဲ့။ အဲဒါနဲ့ အဲဒါရွာပြန်ယူသွားချင်တယ် ဘယ်လိုလုပ်ရမလဲ လိုက်မေးတော့ ဂီတာဝယ်သွားလေ ဂီတာတီးပြီး သူတို့လို သီချင်းဆိုပေါ့လို့ ပြောပြလို့ အဲရွာသားကြီးက ဂီတာရှာဝယ်ပြီး အိမ်ပြန်လာတယ်တဲ့ ..."