ပါမောက္ခ ရုံးခန်းထဲ လာထိုင်နေရပေမဲ့ ချွမ်းရွေ့က ပြုံးတုံးတုံး။ ငါးမိနစ် တစ်ခါ ရယ်နေတာကြောင့်
ဝူဟွန်းက စိုးရိမ်နေရသည်။
ဒီကောင် လွတ်သွားပြီလားမသိ။
"ပါမောက္ခရုံးခန်းရောက်နေတာနော် ကင်ဂယူဗင်း အိမ်ရောက်နေတာ မဟုတ်ဘူး မင်းက ဘာဖြစ်နေတာလဲ ရူးသွားတာတော့ မဟုတ်ပါဘူးနော်"
ဝူဟွန်း သတိကပ်ပြီး ဘေးရွေ့ထိုင်သည်။
တစ်ခုခုစိတ်ထဖောက်လို့ လာရိုက်နေရင် ချွမ်းရွေ့ လက်လှမ်းမမှီတဲ့နေရာလောက်ထိ။
"ဝူဟွန်း ဟေ့ကောင် ဟီးဟီး "
ချွမ်းရွေ့က တဟီးဟီး။မျောက်အုန်းသီးရသလိုမျိုး။
ဆက်ကပ်ထဲက ဂျိုကာ ရယ်သံလိုမျိုး။အတော်ကို ကြက်သီးထဖွယ်ကောင်းလှသည်။
"ဘာ ဘာလဲ ဘာဖြစ်တာလဲ မင်းရုပ်က
အငြင်းခံရလိုက်လို့ ရူးသွားတဲ့ အရူးကြနေတာပဲ"
"အငြင်းခံရတာ မင်း ငါမဟုတ်ဘူး
လာပြမယ် ကြည့်စမ်းပါ"
ချွမ်းရွေ့က ပက်ခနဲ ရန်ပြန်တွေ့သည်။
ဝူဟွန်းက မကျေနပ်။သို့သော်လည်း ငြင်းစရာမရှိ။
***
Vin
/တစ်ယောက်ယောက်က ဖွင့်ပြောပြီး
ဘလော့သွားတယ် ဆိုတာ
ကိုယ်အပေါ်စိတ်ရှိနေလို့မလား?/
/သဘောကျကြောင်း အဖြေပြန်ပေး
ချင်တယ်ဆိုရင် ဘယ်လိိုလုပ်ရမလဲ
သူ့ကိုလည်း
မလန့်သွားစေချင်ဘူး။/
/အကြံပေးပါဦးလား/
***
"တွေ့လား တွေ့လားလို့ ဘာပဲဖြစ်ဖြစ် ငါကို ပြောတယ်လို့ပဲ ခံစားနေရတယ် သူကို ဖွင့်ပြောထားတာ
ငါပဲ ရှိတာလေ တခြားတစ်ယောက်တော့
မဖြစ်နိုင်ဘူး တွေ့လား ဟေ့ကောင် တွေ့လား
ငါပြောတာမှန်တယ်လို့ပြော"
ချွမ်းရွေ့က အဆက်မပြတ်။ဝူဟွန်းက စိတ်ညစ်လာသည်။
"နားငြီးတယ်ကွာ ငါမြင်တယ် ဟေ့ကောင်ရ ဒါနဲ့
အဲ app မှာ အဲ acc က မင်းဆိုတာ
သူ မသိဘူးလား"
