ချွမ်းရွေ့သည် ပျင်းပျင်းနဲ့ ဂယူဗင်း acc ထဲ၀င်ပြီး
ဂယူဗင်း ပုံတွေကို react ပေးနေသည်။ဂယူဗင်းနဲ့ မတွေ့ရတာ ၄နာရီတောင်ရှိနေပြီ။
အရှေ့ကပါမောက္ခရှင်းပြသည့် စာတွေကိုလည်း
နားမလည်။ဒီနေ့ကျမှ ဝူဟွန်းကလည်း
နေ့လည်ကျမှ ကျောင်းလာမယ်လို့ ပြောသွားသည်။ ဂယူဗင်းမိတ်ဆက်ပေးသည့် တစ်ယောက်နဲ့
အဆင်ပြေနေတယ်ဆိုလား မသိ။ဘာလို့ ငါတစ်ယောက်တည်းပဲ
အထိီးကျန်နေရတာလဲမသိ။
ဂယူဗင်းဆီ ဖုန်းဆက်ရင်လည်း ဂယူဗင်း
စာသင်ပျက်ဦးမယ်။အဲတော့ ဝူဟွန်းဆီ
ဖုန်းဆက်တာပဲ ကောင်းတယ်။
အဲကောင်ကတော့ ဒိတ်လုပ်တာ
ပျက်ချင်ပျက်၊မပျက်ချင်နေ။နွားကလေး ဝူး ဝူ
/ဟေ့ကောင်အခြေနေဘယ်လိုနေလဲ/
ချွမ်းရွေ့သည် အရှေ့ကသင်နေသည့် ပါမောက္ခမျက်နှာကိုလည်း ကြည့်ရသေးသည်။
သူ့စာသင်နေတုန်း ဖုန်းခိုးသုံးတာ မိသွားရင်
ထပ်ပြီး ဆူခံရမှာလည်းကြောက်သည်။အရင်ကဆို
ဝူဟွန်းရှိတော့ အဆူခံရလည်း သူငယ်ချင်း
နှစ်ယောက် အဖော်ရှိသည်။အခုအဆူခံရလျှင်
တစ်ယောက်တည်း နင်းကန် အဆူခံရမှာ။
အဲလိုဆို မဖြစ်။ထို့ကြောင့်
ဆုံးဖြတ်ချက်တစ်ခုချကာ ဆရာအလစ်ကို
ကြည့်ပြီး အတန်းထဲက ခိုးထွက်လိုက်သည်။/ဘယ်အခြေအနေလဲ ငါသွားတောင်
မသွားရသေးဘူး တစ်ယောက်တည်းသွားရမှာ
နည်းနည်းစိတ်လှုပ်ရှားတယ်/ဒီတစ်ခေါက်တော့ ဝူဟွန်းက စိတ်ထဲမှာ
သေချာနေတယ်လို့ ခံစားနေရသည်။ညကအိပ်မက်ထဲမှာတောင် သူ့အပေါ်ကို ပန်းသီးတွေပြုတ်ကျလာတယ်လို့ မက်တာ။ပန်းသီးဆိုတာက
အချစ်သင်္ကေတအသီးလေ၊သေချာတယ်
ဟိုဖက်မိန်းကလေးက သူ့အပေါ်ကြွေကျလာမှာ။/ဒါဆိုလည်း အိုကေရင်
အခြေနေပြန်ဖုန်းဆက် ငါတော့
အိမ်ပြန်ပြီးပဲအိပ်တော့မယ်/တစ်ယောက်တည်းတော့ စာမသင်ချင်။
အိပ်နေတာကမှ အကျိုးရှိဦးမည်။