ابتسم مبسم النور لذيب البر الحزين

البارت الثاني

وصل الخال محسن وسلمو عليه وبعد فتره راحت نور لغرفتها ترتبها وكذا
اما الخال محسن وطيبه كانو جالسين عند الجده وبدأ يحكي لها وش صار معه بسفرة الجنوب وقف بالسوالف عند موضوع مهم!
محسن : يمه تذكرين ابو غانم ؟
الجده : اللى متزوج ٣؟
محسن : اي ما غيره
الجده : اي شفيه ؟
محسن : كلمني بموضوع وعاد باخذ شورك
الجده : اي تكلم يا ولدي
محسن : طلبني ازوجه نور
طيبه : وشو !! نور ما غيرها ؟
محسن : اي ليييه ؟
الجده جلست تناظر وهي مو مستوعبه الكلام !
محسن : شفيكم رجال وشايل نفسه
طيبه : ذا مفروض يدعي بحسن الخاتمه
محسن تكلم بحده : وانتي وش لك يا مره !
محسن : بالنهايه الأمر أمر امي
الجده : اللى تشوفه  يا ولدي بس ما لقيت الا ذا ؟
محسن : يمه تراه رجال وله سمعته الزينه عند الناس وعنده فلوس يمه ، ذهب ، ذهب ، دراهم والله لانها تنسى الفقر وابوووه وجده
الجده : اجل توكل على الله واعطه خبر اننا موافقين

وطبعاً هذا كله تم من غير ما تعرف نور
طلع محسن من بيته واتجهه لين بيت ابو غانم
فتح له الباب غانم وقال : هلا والله ارحب
محسن : البقى ، ابوك موجود ؟
غانم : اي حياك
دخل وجلس بوسط المجلس وقريب من ابو غانم وهمس بأذنه : ترانا موافقين ؟
ابو غانم : صدق والبنت
محسن : كلنا وابشر والله
ابو غانم : متى اجيب الشيخ ؟
محسن : اللى ودك انت تأمر بس لا تنسى اللى اتفقنا عليه
ابو غانم : اكيد لا تشيل هم

مضى اليوم عادي بدون احداث وطبعاً محسن الحقير كان مزوج نور للشايب ابو غانم عشان فلوسه بس ولأنه مستعد يدفع كل ما وراه ودونه عشان زواجه

اليوم الثاني العصر طق الباب طقات سريعه ورا بعض
وهنا فتحت بسرعه نور ، وكانت تبي تشوف من الشخص ولكن ما عرفته
ابو غانم : ابعدي يا بنت عن الباب
هربت نور بهلع من صوت الشخص
وراحت ورا الدرج بعيد عن الانظار
وانصدمت الرجال اللى داخلين على هيئة تجار وكأن معهم شيخ ، قالت يمكن عزيمه وراحت لغرفتها

وهنا صار اجتماع الرجال بالمجلس عند محسن
اما الجده وطيبه كانو جالسات بالمجلس الثاني

الشيخ : هل ترضى ان تزوج ابنة اختك المرحومه لفلاح بن خلف ؟
محسن : ايه موافق
الشيخ بعد ما سأل الجميع وافق وتمت الخطبه
وكل ذا صار بدون ما تعرف نور ابداً

وتحدد يوم العرس بعد اسبوعين
طلعو الرجال من بيت محسن وطلع معهم محسن يودعهم ولمحه صقر ( صقر جار محسن بالحاره )
صقر : ماشاء الله عندك عزيمه ولا تعزمني يالخوي؟
محسن وهو يضحك : مو عزيمه خطبه
صقر احتدت نظراته وهو يقول : خطبه! خطبة مين؟
محسن : نور
صقر : بنت اختك ؟
محسن : لا بنتي ، شرايك يعني ؟
صقر : تستهبل انت!
محسن : خير انت وش عندك
صقر : كم عمرها البنت ما تتجاوز ال١٥-١٦ وتبي تزوجها لابو غانم ذا بدال ما يتجهز لقبره جالس يتجهز لعرسه ومن مين من بنت توها ببداية حياتها
تنرفز محسن وهو يدف صقر : وقال طالت وشمخت والله صرت تتدخل بخصوصيات الناس
صقر : تراها بنت اختك وامانه عندك لا ترميها على شايب ما وراه الا المهزله
محسن بعصبيه : اوووه علينا مالك دخل يا عمي لا تزوجت تعال كلمني
صقر : والله ما اخليها تاخذه وبعلم اهل الديره كلهم وبقلب عرسها عزا
محسن قرب من عنده : انت تحبهااا يالنذل؟
اشمئز صقر من كلامه وابعده بضربه قويه ورجع يقول له : وليه احب بنت بمثابة بنتي شايفني خسيس لهالدرجه ما اخس من البنت اللى الا يبي يزوجها شايب وعشان وش ؟ تحسبني ما اعرف نواياك الشينه ما اخترت الا ابو غانم عشان فلوسه يالحقير جعلها تولع فلوسك قدامك
قال كلامه ومشى اما محسن جلس قدام باب بيته وعيونه تولع نار وشرار وهنا اتجهه مباشره لبيت ابو غانم وبراسه فكره غريبه وصدمه للكل !!!

نهاية البارت الثاني

وش تتوقعون الفكره اللى طرت على بال محسن بالنهايه ؟ ووش رح يصير بزواج نور هل توافق ؟