العصر لبست نور عبايتها وطلعت على اصوات العيال اللى كانو يصارخون وينادون ذيب
مصلح وذيب ونور بسياره ، وسطام وسعد بسياره
نور كانت راكبه ورا وتراقب بيوت الديره وكيف لأول مره بحياتها تطلع برا الديره وتروح لمدينه مُختلفه كُلياً عن المدينه اللى عاشت فيها طوال ال١٦ عام
هاجس جاي وهاجس رايح ... صمت عام على الجميع
وصلو عند الشيخ واستقبلهم سامي
سلمو عليه ودخلو
مصلح كان جالس مع نور بالسياره الى وقت ينادونها عشان توقع ويسألها الشيخ اما سامي وسعد وسطام مع ذيب
الشيخ : عطني هويتك
توتر ذيب ولكن أشر له سامي ان الامور تمام
واعطاه الهويه
شيخ : ذيب بن جسار هل تقبل ان تكون نور بنت تركي زوجه لك ؟
ذيب وهو يطالع العيال : نعم
الشيخ : نادو البنت يا جماعه
راح سعد لمصلح ونور ونزلو من السياره وجو للشيخ
وقفت نور قريب لباب مجلس الشيخ وسألها :
نور بنت تركي هل تقبلين ان يكون ذيب بن جسار زوج لك ؟
نور بتوتر : أ .. ن..نعم اقبل
الشيخ : على بركة الله واعطاهم يوقعون
طلعو العيال من عند الشيخ وهم رايحين قال لهم سامي أنه الشيخ ما يعرفهم ولا قد سمع فيهم بالاخبار او شي وتأكد من كلامه
وهنا ارتاح ذيب والعيال
ومن بكرا العصر راح ذيب للسوق واخذ نور معه عشان تشتري كل شي من ملابس وألخ ... خصوصاً انها اليوم بتتزوج فعلياً لأول مره بحياتها ناسيه زواجها الاول
على أمل انها تلقى العوض بذيب .. رغم اللى بيصير بعدين
اشترت كل اللى بخاطرها ورجعو البيت
ومن بكرا العرس
عصر يوم العرس الكل محتاس ومتوتر حتى العيال اللى مالهم دخل بالسالفه 😭
رتبو كل شي ورسمياً ذيب بيسكن مع نور ومصلح على طول خطط ياخذ غرفة ذيب 😭
مصلح : ذيب تدري ليه انا مستانس بزواجك هالكثر ؟
ناظر ذيب بأستغراب : لا
مصلح : عشاني باخذ غرفتك يالذيب
ذيب : حلال عليك ياخوي
ضحك سعد على مصلح اللى اكبر همومه غرفه
سوو عشاء بسيط واحتفلو بالرقص
اما نور كانت بغرفتها ومرتبكه ، ما تدري وش السواة ما رفضت زوجها الاول عشانها تبي ثاني ، هي بايعه الفكره تماماً ولكن ما لقت سند وعون لها الا ذيب وشافت كل الامان بعينه والراحه طول ماهو جنبها
اتجه ذيب بكامل فرحته لنور واخيراً بيدخل هالبيت كل يوم ورح يتكي فيه ٢٤ ساعه وحلال عليه
دخل الغرفه ولأول مره يشوف نور !
ظهرت له وكأنها ملاااك 🤍🤍🤍🤍🤍🤍
وردد بقلبه : وانا في درب الهلاك ... ظهرت لي يا ملاك
غيرت مجرى حياتي ... شفت السعاده معاااك ❤️
غرق بعيونها وغرق الغرقان اكثثثر!
جلس على السرير يتأملها ، عيونها الوساع ،، شعرها الأسود الطويل ، جسمها المتناسب ، سماحة وجهها
قرب منها ومسك يدها : وقال لها مباشرةً : احبك !
أخذ يدينها وحطهم على قلبه وقال : لأني احبك تزوجتك ، ولأني محظوظ اخترتك ، ولأني غريق ما طلبت الا نجدتك ، انا هنا لك وبكل وقت لك 💙
ابتسمت رغم احمرار وجهها وابعدت شعرها عن عيونها
ابتدت البدايه ولا قربت النهايه ؟
تقدرون تقولون انتصر الحُب اخيراً🫣❤️❤️❤️
نهايه سعيده بالبارت هذا وخلوكم معنا نشوف البارت الجديد وش اسراره ؟
نهاية البارت العاشر
STAI LEGGENDO
ابتسم مبسم النور لذيب البر الحزين
Azioneروايتنا تتكلم عن البطل ( ذيب ) اللى يعيش حياته في ظل المصايب اللانهائيه اللى تأدي إلى مشاكل ، بينما تعيش بطلتنا ( نور ) حياه سيئه ، فكيف رح يحبون بعض أو تجمعهم الصدف بالرغم من أنهم كارهين كل شي بالمجتمع ولا يعرفون معنى الحب ؟؟
