ابتسم مبسم النور لذيب البر الحزين

البارت الرابع

البارت الرابع
..............

بعد مرور اسبوعين جاء اليوم المنتظر
يوم عرس ابو غانم على نور 🫢

صحت نور الظهر على هواش طيبه وهي تقول لها قومي تروش بسرعه ورانا مناسبه
صحت نور وتروشت
اما طيبه نزلت ترتب ثيابها والاغراض
الجده لطيبه : نور عرفت ؟
طيبه : لا ما عليك خالتي
الجده : ايه لا تدري الا اذا جاء وقت لبس الفستان

نزلت نور ترتب وسألت جدتها : جده وش المناسبه
الجده : عزيمه بالبر ، خلصي شغلك بسرعه

وفعلاً جهزو الاغراض والخيام وكل شي من القهوه والشاهي

ركبو السياره مع محسن وطوال الطريق ساكتين وقتها كان العصر

اما عند ابو غانم كان مستانس مره وحريمه ال٣ راضيات بالوضع لانهم تعودو على سالفة زواجاته وكانو يرتبون معه عشان يمشون معه للبر هناك

وبرضو محسن عزم كم شخص يعز على قلبه من اخوياه اما صقر كان محتر قلبه ولا يدري عن موعد العرس

شغل سيارته ابو غانم مع حريمه ال٣ وعياله الصغار وراحو

وهنا طلع صقر من بيته وشاف عيال ابو غانم الكبار يجهزون اغراض جاء وسألهم
صقر : ماشاء الله وش عندكم يا عيال
غانم : عرس ابوي الليله
سكت صقر وهو يناظر بغبنه ولا هو داري وش يسوي
شاف العيال راكبين السيارات وقرر اذا راحو شوي يمشي وراهم وياخذ منهم نور ( طبعاً قصده انه ينقذها ولا يسمح لأي احد يتزوجها وهي بعمرها الصغير ذا مو عشانه يحبها او يبي يتزوجها او شي ثاني)
بالعكس صقر رجال واعي والكل يثني عليه وعمره طبعاً بالثلاثينيات

راحو عيال ابو غانم ومشى معهم صقر بسيارته متلثم

بجهه ثانيه عند العيال
مصلح : الا متى بنطلع من الرياض طقت كبدي
سطام : وانا اكثر منك ياخوي
ذيب: وراكم مستعجلين ؟
سعد : وهم صادقين العيال خلونا نطلع معنا فلوس
ذيب : يا اخوي ما معنا اللى يكفينا انتظرو كم يوم ونطلع

بدت الشمس تغرب وهنا صار كل شي جاهز من خيام وترتيب وحريم ابو غانم وعياله وبناته وكم حرمه من الديره والرجال بالخيام المجاوره

دخلت طيبه على نور اللى كانت مانعتها تطلع من الخيمه والسبب انها ما تبي تكون معاهم بالعزيمه وبعدين تبيها تطلع

طيبه : اسمعي بعطيك فستان الحين تلبسينه بس لا تجين عند الحريم الا اذا ناديتس وانتبهي تطلعين من الخيمه حولنا رجال كثير لا يشوفونتس وقتها تعرفين وش يصير مع خالتس
نور : طيب
عطتها طيبه فستان ابيض وانصدمت نور من الفستان!
نور : ليه فستان ابيض ذا ماهو حق عزايم ذا حق عرس
طيبه : اي اليوم عرسك يا حياتي عرفتي وخلصتي يلا لا تطلعين
وهنا صرخت نور وانهارت وعلى لحظتها جت الجده ومعها محسن
محسن : يا كلبه لو اسمعك تبكين او تتنفسين والله لأدفنك
نور : ومو على كيفك تزوجني من قال لك ابي اتزوج !
ما تحمل محسن وشد شعرها وهو يقول : اذا ما عقلتي قسماً عظماً لأنهي حياتك يالحيوانه اعقلي ازين لتس ما قطيتك على سكران ولا مريض يالحيوانه قطيتك على شايب كلها كم سنه ويموت وتشبعين من فلوسه وتعيشين احلى من عشيتس عندنا
نور : انا راضيه اعيش عشيتكم ولا اطيح عند شايب ملعون
محسن :انتي الملعونه ووالله لو ما تربطين لسانتس لا اخنقتس بين يديني
الجده : خلاص اتركها ورح للرجال

طلعو محسن وطيبه والجده وجلست نور منهاره ما تدري وش تسوي وهي عارفه ان نهاية حياتها رح تبدأ من ذي الليله

على الساعه ٨ الليل كذا جلست طيبه تحط لها شوية مكياج عشان تغير وجهها عقب الصياح ونور كل شوي تتحرك ورافضه تعتدل عشان تحط لها وهنا انفلتت اعصاب طيبه وسطرتها كف وسحبتها تعدل وجهها وهي تحط لها مكياج ما وقفت دموعها وتعبت منها
طيبه : ما ينفع معتس حتى المكياج قلت بعدل وجهتس اللى كأنه وجه حمار قدام الحريم بس ما منتس فايده ولا سنع بروح اجيب لتس بخور واشوف الحريم وارجع لتس لا تتحركين من مكانتس

هنا طرت على بال نور فكره جداً عظيمه بتتعدى فيها حاجز الخوف !

وش تتوقعون الفكره اللى جتها ؟

نهاية البارت الرابع