الأيسر "سلاسل الاحرار" (الاصليه)

السلسله الأولى

#الايسر "سلاسل الاحرار"
بقلمي: كاريانا

لا تنسون التعليق والتصويت ومتابعه الحساب ورداتي 🌿

أدعو عليكّ بأن تصاب بدائي
وتموت شوقًا ميتةَ الأحياءِ
وتسير بين العاشقينَ معذبًا
ظمآن مثلي دون رشفةِ ماءِ
........................................

-لج أساطير راح يصعدلج ازهر يموتج كومي تأخرتي

أساطير :أوفف يا ماما والله تعبانه

-لج امي كومي حبيبتي كومي اخوج ينتظرج

أساطير :اووووف يمه!

كمت كوه طلعت للحمام وغسلت مالي خلك بكلشي بس الدوام اخ الدوام طيحان حظ
نسيت اعرفكم على نفسي
اني أساطير طالبه مرحله اخيره تخدير عندي اخت وحده اسمها اساور طالبه مرحله أولى تربيه.. انكليزي
عندي ثلاثه اخوان ازهر وتميم والاصغر هو سامر..
اني مخطوبه من صديق اخويه اسمه اسامه  ضابط برتبه ملازم أول واخواني ازهر مترجم وتميم قانون وسامر محلل..وراح تتعرفون علينه أكثر بالايام الجايه...

طلعت من الحمام كوه مفتحه صحت
-لج اساورررر وين جلبابي؟

الام :هاي شبيج تصرخين!
ابو ازهر شو ساكت؟

الاجود :اساور بابا صعدي عيب تصرخين..

أساطير :اوووف بابا تعبانه..

ازهر :يابه والله اذا كمت اكسر راسج! شوكت انتي مرتاحه؟

أساطير :اوف يابه تراني مظلومه راح انتحر
ضحكو عفتهم وصعدت
بدلت لبست جلبابي الأسود والربطه السوده مع اكسسورات بسيطه وبلا عطر ومكياج لان ملتزمه الحمدلله..

نزلت وجنطتي بيدي وملازمي بيدي الثانيه حاطه النظارات فوك الربطه صاح سامر

سامر :النظاره شنو موقعها من الإعراب؟

اردف تميم :لا والله كول الكعب شنو موقعه من الإعراب؟

سامر :عود متدينه! بالله انتي متدينه من باب الشرجي...
وضحكو بصوت عالي

الاجود :متدينه نعم ملتزمه بالدين لكن مو مبتعده عن الحياه شوكت تكبرون؟
سكتوا
طلعت اساور مبدله حته ياخذنه ازهر
امشي بثقه رافعه راسي بشموخ ولا هامني شي لا اصادق ولا ادخل علاقات من الابتدائي هذا طبعي..
وصلنه ازهر للكليه وراح

أساطير :اساور لقسمج بسرعه..

اساور :تمام حبي

أساطير :هزيت راسي بايجاب راحت هي واني طبيت امشي برزانه وهدوء...
وصلت المصعد حته اصعد لقاعتي اكو شباب اثنين تراجعت لحدما صعد المصعد ما رحت حسيت ع شخص يقترب انداريت شفته
شاب مبين نهايه العشرينات ملابسه سوداء يرتدي معطف يوصل لركبته تقريبا يمشي بهدوء وعطره سابقه انتبهت عله بروش لسلسله صغيره ععله معطفه وأثر جرح واضح بخده الايسر