الأيسر "سلاسل الاحرار" (الاصليه)

السلسله الحاديه عشر

#الايسر سلاسل الاحرار
#بقلمي كاريانا 🍀✨
البارت الحادي عشر

علي نعشك قصيدة موش تابوت
علي مامات باقي وموتو حروفة
جان سلاحك قلم بس نكلب بارود
لان شاف الوطن محتاج لچفووفة
چف يكتب شعر ابغيرة واحساس
وچف شال الوطن هيهات ميعوفة..

............

الايسر...

جانت وفاه اسامه اخوي وعزيز كلبي باب لدوامه مرعبه رجعتني بالزمن رجعت لنفس السجن لنفس السلسله لنفس الألم لنفس المكان لنفس الشعور رجعت لنفس الوحده بس هل مره المي أكبر وماكو احد اليه لكن عدوي جان غير عن السابقين

جان صايم مصلي خايف الله بكلشي جانت حنينه ورقيقه وعطوفه جانت احله من القمر نفسه بس تبقه عدوه شلون عدوه!؟ ومنو هيه وشسوت!

سوت الي كضيت عمري اركض اتهرب منه جرتني لنفس المستنقع قيدتني بنفس السلسله!
لكن السلسله كانت خفيه.. رجعت لي نفس الألم... بس بدون ما تسوي شي كانت نظراتها اقوه من كلشي!

.....

فتحت عيوني بصدمه من شفته ابو اسامه شجابه وشرجعه...

عاينت لازهر الي عيونه جانت شرار مثلي..
كلت بهمس

::- ازهر تقدم وياي ما أكدر اتحرك وحدي من ظهري

كال بنفس النبره وعيونه تأكله من الحقد..
ازهر ::- أيسر خلي بالك الناس منا ما نتهور...

هزيت راسي بايجاب وطبينه للجادر سلمنه شافوني مستند عله ازهر وبلشوا يسألون لكن اكتفه ازهر ب

::- عنده انزلاق بالفقرات ومدا يكدر يمشي..

ما يدرون منوره اسامه ظهري طك..
تقدمنه نترت بي وهو جان ماخذ صفحه ووياه ٣ شباب وبصفهم ٢

ضحك وكال

صلاح (ابو اسامه) ::- اعتقد ابني المات..

والويا يخزرون بينه كام واحد وكال

::- دكتور أيسر؟

اردفت بعدم اهتمام ::- نعم، منو حضرتك؟

مد ايده صافحته وكال بابتسامه
::- عبد الصمد صلاح طالب مرحله أولى تحليلات مرضيه..

هزيت راسي بايجاب وكلت ::- اهااا عرفتك اهلا وسهلا بيك

ابتسم وكعد وكال صلاح باستهزاء
::- اني والد اسامه وهذا ابني عبد الصمد، عبد الرحمن، سيف
هذوله خوان اسامه من أمه محمد وبكر

ابتسمت ابتسامه جانبيه وكلت

::- اول شي اخوان اسامه اني وازهر فقط ثاني شي ابنك بري منك ومن طليقتك افتهمت لو لا وهسه تاخذ ولدك وتطلع باحترام لا تخليني الوص...

كال واحد أولاده

::- ومنووو انته احنه اهله..
سحبت أيدي من جتف ازهر وتقدمت خطوه وحده سحبته من ياخه قميصه وكلت واني صاك عله اسناني بقوه وعيوني تنكط حقد..