#الايسر سلاسل الاحرار
#بقلمي كاريانا 🍀✨
البارت 14الخوه مو بل عدد الخوه رفعه راس
يوسف عنده 11 وحسين بس عباس..........
الايسر....
وسط انهياري وحطامي واني احاول اجمع اخر ما تبقى بروحي وانهض مره اخرى لكن مستحيل ضربتين على الراس توجع منو بقالي اشو اخواني وراحوا منو بقالي اعاين لها سبحان الي خلا كل هل قوه بهل رقه
نعم رقيقه قويه، عظيمه ضعيفه، جباره حساسه
كلهن ينطبقن على أساطير سبحان البارئ ما شفت بحياتي احد بقوتها طول ايام الفاتحه والعزاء لافه غتره عله رقبتها مطرز بنهايه الغتره بخط صغير(الاجـود)
رغم دموعه الي ما نشفت وكل كلمه تحجيها تشهك بس قامت بالواجب وأكثر هم توجه وترتب وتستقبل الناس بعزاء أهلها سامر بعده بالمستشفى ويمه اساور ومسلم وهي بس عمتها وبنت عمها وعمامه طفروا شلعوا شلعه وحده...
اكول شلون كدرت تتحمل ما اعرف...وبيوم السابع والناس خفت وهي طول الايام الغتره بركبتها اجه اخوها عله كرسي متحرك وحالته حاله
بس شافته شهكت وراحتله تركض شمرت روحها عليه وتبجي بصوت عبالك جانت منتظره رجعته
أساطير ::- سامررر خويه ماتوا اهلنه سامرر راحوا اهلنه راحوا..!
حضنها يبجي بس يحاول يتماسك
سامر ::- اششششش اسكتي يبعد كل اهلي انتي اني يمج اني ما اعوفج اساطيري شبيج بنيتي انتي..!
كوه جرها وهي تبجي بانهيار شديد..
هنا تذكرت ابويه من كالي(مهما وصلت الاناث من قوه تبقه رقيقه ضعيفه)
وفعلا اسبوع كامل أساطير تمثل القوه بس شافت اخوها انهارت...
حسيت على ياسر يطبطب على جتافي وكال
ياسر ::- لا تشيل هم الجاي احنه كلنه وياك...
ابتسمت ما يعرفون انو مكان اسامه وازهر مستحيل يصير بمكانه شخص...
طبينه وهي هل بجيه وحده وسامر مكابلها حاط ايده على خده وكاعد يتصفن...شويه يالله هدأت اهلنه راحوا بقيت يمهم وصرنه كل ١٠ ايام واحد انه ومسلم لحدما سامر يكدر يكوم على حيله مع هذا هو مجان يقبل نسوي او نجيب ايشي...
ضي...
كاعده ب غرفتي وحاطه ملازمي وكتبي ما ضل شي لنص السنه واخلص من الخامس علمي صارت الساعه ب 12 ونص بليل اندك الباب الدكه المعتاده
أصدقاء اخويه يشمرونه يمنه ويروحون لانه سكرانطلعت تلاكيت ويه امي مفرفحه تبجي كتلها بخوف
ضي ::- شبيج يمه ليش تبجين؟
أنت تقرأ
الأيسر "سلاسل الاحرار" (الاصليه)
ChickLitبين طيات الزمان ومرور الايام نعيش حبا عقيم بحياه من جحيم ضحايا لثأر قديم سيسقون من حميم لافعالهم الشنعاء وقتلهم للابرياء لسلاسله سيكونون سجناء...! واسرى لجهنم الحمراء.. عذاب، دمار، مرضاً وافتقار حرمان حزن وانكسار بين حرب جبابره و وحوش تظهر زهره بيضا...