الأيسر "سلاسل الاحرار" (الاصليه)

السلسله العاشره

#الايسر سلاسل الاحرار
#البارت العاشر
#بقلمي كاريانا 🌹

تره التابوت ضيك كلش عليك.
اعرفنك سبع متشيلك الكاع.
من يوم شبكتني وانه حسيت.
شميت بقميصك ريحت وداع

........

ازهر....

ظلمت الدنيا بعيونه وضحك الايسر مستهزأ

الايسر ::- دوخروا وخروا كلكم خلك ثيران مو اكثر مطايه مو دكاتره شوو بله هسه يطلع بطوله الحلو كلشي مابي

خزرته اريده يسكت ماكو انفتح عليهم

الطبيب ::- اكيدد تخبلت ماتتتتت ماتتتتت شبيك انته...!

اردف ممرض ب استهزاء

الممرض ::- عوفه دكتور تخبل والله

لزمه الايسر من ياخته وصاح بي وهو صاك عله أسنانه عيونه قطعه دمم من حمارها

::-تتأدبون لا وحك داحي الباب اطيح حظكم مو دكتور أيسر اليحجون ويا هيجه

سحبته كوه طلعوا اسامه راح أيسر فرحان يعبالي يضحكون عليه وبالواقع هو يضحك على نفسه وهو يدري بس الله يعين كلب الايسر عله مصابه....

جره لحضنه شايله شيل

الايسر ::- حبيبي وليدي يكولولي مات ادري بيهم يجذبون لك لا تتعزز بس كوم...

سكت الأيسر ثواني ينتظر الرد من شخص ميت....

تنهد بضيق ورجع كال

::- كافي تتعزز كوم لا تشلع كلبي...

هم سكت ينتظر رد اعاين لاساطير موتت روحها ملختها سامر و تميم اثنينهم ما كدروا يسيطرون عليها

أساطير ::- اسامهههه اسامتي شو كوم حباب كوممم شنو تعوفني هسه وين رايح انته حبيبي ليشش هيجه اسامه ليييييششش!

حضنها سامر يحاول يسيطر عليها

سامر ::اسطوره اهدأي بنتي هذا حكم ربج كافي تظلين تصيحين وتبجين بس اهدأي ...

كام الايسر بقوه هو جسمه ممتاز مو ضخم مثثل اسامه ولا ناعم مثل هاشم وسط...

ولو هاشم بعده صغير..
كام وجر اسامه وشاله صاح بي ازهر

ازهر ::- الايسر مو زين عليك ظهرك يمعود افتهمنه متأذي عله وفاته بس مو هيجه...

نتر الايسر وعيونه تجري دم مو دمع

الايسر ::- يمكنك تخبلت مستحيل يموت هذا نايم وجاي يتعزز عليه هسه نوصل للبيت واني أعلمه طايح الحظ يريد يخوفني عليه

فتحنه عيونه بصدمه عليه صاح تميم بعصبيه

تميم ::- أيسر اسامه ماتتتتتت ماتتت استوعب دموعك الي جاي تجري استوعبهااا.....

حجه الايسر بتهديد

الايسر ::- لو ما اخاف ع اسامه يفز جان اترفستك وحك العباس ابو فاضل...