#الايسر "سلاسل الاحرار"
#بقلمي كاريانا 🌷💕
#البارت 20العَوض بالله
لكّن عُمري شيعوضه ؟
آنه السّويت گلشي وماگعَد حظه ......
صدمتني من راحت على سامر وحضنته وحجت بقوه وابتسامه عريضه على وجهه
اسـاور ::- درب السلامه يا عـيون اسـاور تروح وترجع بالسلامة معافى مشافى يا سندي وحزام ظهري بعد روحي اخويه...
ضلينه صافنين هاي اساور لو مبدلينها..
حضنها وكال بابتسامه وعيونه مليانه دموع
سـامر ::- اعذرني خويه والله ما أكدر اخذجن وين اوديجن احير بروحي لو بيجن، ولا اني الـ أكدر آجل لان ممكن فد مره تسگط رجلي منو الي والچن يا بعد عيونه لسامر...ابتسمت وابتعدت ودعت مسلم فدوه شكد هادئين وحلوين يربي..
فتحلي ادينه رحت حضنته بقوه يبوس بوجهي ويحجي بنبره قويهسامر ::- رايح ومأمن عليجن يم الاعز من الاخ الايسر ومأمن وراي ذيبه تحافظ على نفسها وعلى اختها من الهوى وايشي يصير بلغني ارجع اهد الدنيا فوك روسهم مو بويه؟
لا تبجين اريدج قويه لخاطر اختج ولخاطري اسطورتي صح اني اكبر منج بس انتي تچايتي يبعد حيل سـامر النهد عليجن...حضني بقوه وحسيت دموعه على چتفي نزلت...
حضنته بقوه وهمستاسـاطير ::- لا تكول هيجه يا نظر عيني..!
من حيلي لحيلك ومن عافيتي لعافيتك ومن صحتي الصحتك بعد روحي..طبطب الايسر على جتفه وكال بنبره مليانه قوه وحنيه
الايسر ::- ما انهد حيلك يا بعد حيلي انته..
احنه اخوانك وبظهرك عيب هل كلام من شوكت بينه رسميات..؟
البنات بين عيني وجفنها اخليهم وحق الله يا سامر افديهم بروحي روح وارجع بالسلامه بوقتها اكون تعلقت بيهن حتى ما انطيهم الك بعد...ضحكوا كلهم وطلع وعبروا الشارع واساور ماكو بقوته وبذيج اللحظه من طلع اخويه حسيت بكلمه
(انكسر ظهري)...ممكن اكون كد المسؤوليه واتحمل لو اخيب ظن اخويه بيه، بس اني كتله اكونله سند شلون انهار، بس اني تعبانه..!
دنكت راسي ما ردت احد يشوفني بموقف الهزيله الضعيفه اني أساطير الاجـود خشمي يطخ السما لو مشيت..
بعدها بس انطبك الباب جتي اساور تشهك بقوه ركضنه عليها تبجي ب انهيار..
هاشم ::- اسم الله اسم الله شجاها شبيها...
وهي من كدما خانكتها العبره ومهضومه كعدت بالكاع تبجي، نزلت حاضنتها على كلبي والايسر فوك راسها ما سكت ابدا خايفالايسر ::- شبيها؟ شيوجعها؟ منو بجاها؟ ليش تبجي؟؟
ياسر ::- شبيك تصلي صلي خلي تفتهم البنيه بالأول..!
YOU ARE READING
الأيسر "سلاسل الاحرار" (الاصليه)
ChickLitبين طيات الزمان ومرور الايام نعيش حبا عقيم بحياه من جحيم ضحايا لثأر قديم سيسقون من حميم لافعالهم الشنعاء وقتلهم للابرياء لسلاسله سيكونون سجناء...! واسرى لجهنم الحمراء.. عذاب، دمار، مرضاً وافتقار حرمان حزن وانكسار بين حرب جبابره و وحوش تظهر زهره بيضا...