الأيسر "سلاسل الاحرار" (الاصليه)

السلسله الخامسه

#الايسر سلاسل الاحرار
#بقلمي كاريانا ✨
البارت الخامس

وحرك دم وتعب واهات ودموع
وسلب راحه وسهر والنوم مسلوب
وكل موعد فرح وعياد
ويا وشوف الكون من يروح مكلوب
كل هذا وتكول  عوف ونساه
لا ايوب انا ولا يعكوب
........

شفت وجهه مسلم صار ميتفسر ايده رجفت ونظراته كلهم عتب ولوم هزيت راسي لا اعاين لازهر واسامه الي احتلتهم الصدمه اما اساور الي بس فاتحه عيونها...
وتميم عبالك ديفسر شي نظراته مني لازهر لأمي وابوي الي ضيك عيونه يعاين لأمي وكلنه مصدومين اما أيسر الي ابتسم ابتسامه جانبيه رافع حاجبه يعاين لاسامه ولازهر وفسرت نظراته وكانه يكول (مو كلتلكم!) وضحك باستهزاء وكانه يعرف رد امي...
مسلم انخطف لونه سحبه ياسر ضاغط عله ايده بمعنه اهدئ محد حس عله حركات ياسر ابدا اردف الايسر بهدوء :

الايسر ::- ام ازهر عمتي العزيزه احنه ندري بأساطير مخطوبه احنه نريد اساور..

كالها وهو يعاينلها بتحدي اردفت امي بنفس النبره

::اساور بعدها طفله يوم ما تفيدكم والله.!

جاوبها مسلم الي يحاول يسيطر على اعصابه

::عمه اريدها لو مو تصير طفله اريدها، الله وكيلج لا رايد منها لا خبره ولا عجنه ولا كوي وغسل وما ادري ايش ولا جهال خوش؟

اردفت زوجه ملهم نجلاء الي السم ينكط منها..

نجلاء ::- شتسوي بيها لعد؟

خزرها مسلم وملهم يهز راسه بوعيد

مسلم ::- رايدها بنت حلال تصوني وتحفظ سري وتخاف الله وهذا هو..

ام ازهر ::بس خاف تكول بعدين غشوني بنتي مو مال تدير بيت

كام مسلم وكلنه مستغربين كومته وكف بباب الاستقبال واشر ع مكان وكفته واردف بضحك

::- هسه هذا باب غرفتي تفوتين تدوسين ملازم كتب قمصان احذيه حشا السامع والموجودين أوراق.. كلشي الله وكيلج

يقلد شلون يمشي وهو ميت ضحك...

ضحكنه عله سوالفه واشوف ازهر مركز ويا اساور مضيك عيونه وهاي حركته لمن يكون شاك بشي او مو عاجبه او مركز كلش بهل شي...

رجعت اعاينلها مبتسمه وتباوع لمسلم بصوره جدا طبيعيه و ولا تنتبه وازهر هالكد ما مركز وياها عاض شفته السفليه ويترقب حركاتها..

ندست تميم الكاعد بصفي..

تميم هيووو انتبه!

ارتاج ع المخاد بحيث اتقربلي وهمس

::-ووجع شتردين؟

::- تميم الحك اساور لان ابتسمت ع حركات مسلم ازهر مركز وياها ومضيك عيونه.. وهي فطيره ولا يمها...