الأيسر "سلاسل الاحرار" (الاصليه)

السلسله التاسعه عشر

#الايسر "سلاسل الاحرار"
#بقلمي كاريانا 💕🌷
#البارت 19

مشتاقلك حيل وداعت عيونڪ
يل بيتي وهلي وكل ناسي يردونك
وانا بلا شوفتك ماراح اضل مرتاح
وانا ما ريد روحي رايد عيونك
ارجعلي ولو مره حته احجي وياك
واسئل على ايامي من دونك
راحت ضحكتي من غبت عني
جا ينطيك گلبڪ تبتعد عني

....

أكثر ناس ما مرحب بهم طبوا بس الصدمني اسعد طب وهو هرب من سنين حتى ما ينلزم على أفعاله القذره

ضليت ثاغر لا انطي ولا اخذ سامر احتقن وجهه من شافه معناه يعرفه ولو هو مشهور بين الوادم بسبب قذارته، أساطير تعاين لاخوها وكانها جاي تسأله بس هو فهمها واحتدت ملامحه ما فهمت شنو السالفه ممكن تكون لغه خاصه بيهم...

كومت قمر من حضني شايلها وسلمنه ولهل لحظه ما مقتنع الي كدامي اسعد..
سلم واني مركز ويا كعد مرتاج ع المخاد وكال بنبره مستفزه

اسعد ::- الايسر لو اني غلطان..؟؟

قبل ما اجاوبه جاوبه هاشم رافع حاجبه مراضي

هاشم::- دكتور أيسر مو الايسر مو ابن دورتك هو واذا مو دكتور كول ملا، ويفضل تكول ابو اسامه ومن الذوق تعرف عن نفسك...!

ابتسمت لطريقه كلامه وضحك اسعد بطريقته الي تنرفزني وتهيج شياطيني عليه...

اسعد ::- وشداعي هل القاب كلها هو أيسر.. بعدين اني اسعد ابن مؤمل الجبير انتو منوو؟؟

ضحكت باستهزاء وكلت

الايسر ::- شوداك شرجعك...

توتر وكال
اسعد::- اشتاقيتلكم ورجعت..

هنا انفجرت من الضحك وهمه صافنين مفاهمين شي

الايسر ::- جذب جذبه معقوله بعد اخوك اشتاقيتلنه لوو....
وهمست بس هو سمع لان قريب مني
:- صفقه قويه...

جحضن عيونه بصدمه بس ما بين ما يدري عاجنهن وخابزهن سوالفهم

ضحكت عمتي وحاولت تلطف الجو

ام اسعد ::- اي يمه المن هل امورات الحلوات...

عيني على سامر خزر أساطير وهي ابتسمت ابتسامه جانبيه

سامر ::- سامر عبد الرحمن ابنه الصغير
واردفت اساور بهدوء

اسـاور ::- اساور عبد الرحمن اخته لسامر الصغيره...