#الايسر سلاسل الاحرار
#بقلمي كاريانا 🌼✨
البارت 13ماضل دمع بالجفن لا ضل حچي الينگال
خلصن سنين العمر حملي بغيابك مال
محتاج حيل وصبر بُعدك بعد لو طال
كلشي بغيابك عِكس كلشي بغيابك عال
حد منجله الفلاح من سعفه صوفر حال
جان اليروّي السعف شافه السعف چتال........
فتح عيونه الايسر وعيونه نملت بالدموع وعيونه متركزه عليه..!
بس سد التلفون وكع عله ركبه يمسح عله جبينه وعيونه بقوه كلنه خفنه وارتبكنه حالته
مسلم ::- الايسررر شكوو شصاير يمعود!
حجه مختنك
الايسر ::- بيت ابو ازهر مسوين حادث والحجيه وتميم متوفين والبقيه حالتهم خطره حيلللل!صحت
::- ولكم اهلي راحوا اهلي يمه تميمي!وانكلب المكان صياح ولطم الايسر فاقد بس صافن واني ابجي بصوت عالي اما اساور صوت شهكاته الناصي بس الينسمع...
بدلنه وطلعنه ع السريع امي وتميم مغطينهم واني فرفحت ابجي صاح مسلم
::- ازهر يريدكم...!
رحنه ازهر كوه يجر النفس شمرت نفسي بحضنه ابجي وهو يمسح عله راسي وكال بصعوبه
ازهر ::- اسمعني زين هذا يومي حبيباتي خاف تحتاجن شي اكو فلوس بكنتور ابويه بحسابي بالبنك تمشون بيها حياتكم فد ١٠ سنوات انوب بناتي رفعت راسي لا تخلون آحد يحجي علينه بتربيتجن خلونه ننام مرتاحين...
شهك ورجع كمل كلامه
::- صلاتكم صلاتكم صلاتكم محد يفيدجن غيره لمن تتعبجن الدنيا ذبوا همومجن ع السجاده اساور حبيبه اخوها خليج بطيبه كلبج ولا يغيرج شي بعد روحي، مسلم دير بالك ع أسوارتي هاي دنياي كلها! مو تزعلها لان مالها احد ترا اطيح حظك....
كلت بدموع
أساطير ::- ازهر ما تعوفني كافي الله عليككك كافي
مسح ع راسي واردف
::-اسطورتي صاحبه عيون السرمديه كملن دراسه وصيري طبيبه تخدير يروحي بنيتي ديري بالج على نفسج وعلى اختج، اختج امانه برقبتج خوش بابا...
اندار ع الايسر وكال
ازهر ::الايسر خواتي امانتك ممنوع تنطيهن لعمامي ترا خوتنه تخرب عليهن أوصيك بعد اخوك بيهن وارجع اكولك الايد التوجعك ابترها لا تخلي احد يلزمك منها الايسر مو تنساني خويه ادعولي دائما ودير بالك الضعيف بسرعه ينجبر كسره اما القوي فبصعوبه وممكن ما ينجبر اصلا ... اسمعن كلام سامر حبيباتي...
وبعدها نطق الشهاده بصعوبه وانقطع لا حس ولا نفس
صحت بعالي صوتي
::- خويه عليك الله لااااااا ازهر!
وصرت ابجي واشهك الايسر ساكت بس حاط راسه على جتف ازهر شويه واعتلت شهكاته
YOU ARE READING
الأيسر "سلاسل الاحرار" (الاصليه)
ChickLitبين طيات الزمان ومرور الايام نعيش حبا عقيم بحياه من جحيم ضحايا لثأر قديم سيسقون من حميم لافعالهم الشنعاء وقتلهم للابرياء لسلاسله سيكونون سجناء...! واسرى لجهنم الحمراء.. عذاب، دمار، مرضاً وافتقار حرمان حزن وانكسار بين حرب جبابره و وحوش تظهر زهره بيضا...