الأيسر "سلاسل الاحرار" (الاصليه)

السلسله الواحده والعشرون

#الايسر "سلاسل الاحرار"
#بقلمي كاريانا 🌺✨
البارت 21

وين أفضفُضها حَسرتي
بيا مسامِع ؟ أخاف أفزّن
والگه جرحِي معلَگ
بروس الشوارع ..
......

ضحكت على قمر وجاوبت بس انصدمت بالمتصل
صوت بنيه وكوه تحجي من الشهكه..

::- استاذ ياسر فدوه الحك اخوي ماكو ودزوا رساله تهديد دورتك كالولي ممداوم فدوه محد اهتم لكلامي اخويه راح يروح من اديه وهمه ما مهتمين....

انصدمت شنو السالفه تذكرت البنيه الي جتني علمود اخوها

ياسر ::- لحظه لحظه خليني افتهم انتي الي انطيتها رقمي علمود تبلغني بغياب اخوها..

وهي بس تبجي كوه افتهمت من عدها....
ضي ::- اي استاذ وراح يصير يومين حتى مو بالسماوه واجيت ابلغك لان ما حصلتك بالبدايه كالولي ممداوم وردتهم يدورونه يسوون شي ماكو فدوه تعالي والله حرت ووالدي نقلوا مستشفى صارت عنده جلطه قلبيه....

ياسر ::- جايج جايج لا تخافين بويه...

وخرت قمر لزمتني أساطير تحجي بخوف
أساطير ::- ياسر عليك الله شكوو خوفتني..!

ابتسمت بوجهها احاول اطمنها
::- لا تخافين عيوني بالشغل محتاجيني...

هدتني وتباوع بخوف وكالت بتوسل
أساطير ::- عليك الله انتبه على نفسك ما بيه حيل خساره شخص نوب..

ابتسمت احاول أهديها لبست البدله وطلعت ع السريع لكيت ضي مفرفحه تبجي..
نزلت وهي جتي تركض وتحجي بفزع

ضي ::- راح تخلص الاربع ساعات ويذبحونه والله والله.. راح يموت اخويه وامي تموت وراه فدوه الحك سوي شي.. خلي يرجعونه ياخذوني اني يكتلوني بمكانه ولاهو يموت...

بنص هذا الرعب كله انفجرت من الضحك على تفكيرها خزرتني وكالت

ضي ::- خوش سور للوطن يضحكون ع اليبجي..

مسحت وجهي احاول ما اضحك وهي ترجف هلكد ما منهاره..

ياسر ::- احنه هنا رجل كرسي نبدل بينج وبينه علمود يذبحون بيكم چا عليش موجودين اصلا...

تخصرت وكالت
::- چا لعد ما تجيبون اخويه...

ورجعت اضحك وهي معصبه..
طبيت اشوف منو موجود لكيت ضابط حشا السامع مكضي الواجب كلها مكالمات ويمكن عنده ٥ أطفال..
سلمت وأخذت بطل ماي وصديت عليه

ياسر ::- شركه الاتصالات وبالاخص اسياسيل تسلم عليك وتكول كولو لجعفر الخايس اله خصم خاص كل ٥٠ مكالمه ب ١٠٠ دولار...

الضباط الموجودين انفجروا من الضحك
حسان ::- والله المركز أظلم بدونك شمعتنه...

محمد ::- اي بعلي عبالك مطلقات واحد يخزر بالثاني..
ضحكت كتلهم