الأيسر "سلاسل الاحرار" (الاصليه)

السلسله السادسه

#الايسر سلاسل الاحرار
#بقلمي كاريانا 🍀
#البارت السادس

هِنيالكُم
يبَعد رُوحي
صدُك هٌنيالكُم
إبالي تتمَشون ليّل ونهَار
عَاد خلوني لحظه إبالكُم
......

حجه اليمه بصوت رجولي خشن

::- ووجعه ابويه ان شاء الله اي كملتهم

ضحك اسامه

وحجه الثانيه من صوته ميزته أيسر

::-شوكت تتزوج والله وكعت اديني من الغسل!

ضحك اسامه وصاح

::-حلللل تستاهل مثلما اغسل الهدوم والمهن واكويهن واعلكهن انته تغسل مواعين وتلمهن شنو خوما كله عليه

اسمع صوت أيسر يصيح

الايسر ::- دكتورررر وصخام ولطام تاليتي اجلف ماعين! امداك امداني

ضحك اسامه حيل واسمع أيسر ضربه بشي شويه وسديت منه مشت الاياممم تمام التمام وهنانه اسواره وافقت وابويه وافق

الاجود ::- بنتي اساور القرار قرارج...

عيونها صارت تلمع صحت واني الطم

أساطير ::- يبووووو راح تبجي هسه شكوووو!

خزرني ابويه ودمغني تميم حضنها ابويه يهدي بيها اخير شي صفوا عله موافقتها

ام ازهر ::- انطوني التلفون اخابر ام أيسر...

انطاها تميم التلفون

وام أيسر ما تحملت صارت تهلهل بالتلفون ضحكنه خنك وامي تخزر بينه...
اتفقوا انو يوم المشيه هو نفسه العقد بسبب الطريق بعيد ومسلم مدري شبي مستعجل

مسلم...
كاعد وخايف متوتر لابس ترفض افتر الوب وامي مكيضتها هااا ايي خوشش لاااا

حاطه هاشم بحضنها وتلعب بشعره تسولف...

كال ملهم ::- شبيك تفتهر عبالك وحده عدها ولاده ما تكعد بالله!

اردف أيسر ببرود

::- ياخذ مراد قبل الولاده مالك حاجه!

انفجروا بالضحك الا أيسر الي ملامحه بقت عله نفس القساوه والحده الي ما تتغير..

صحت

::- تحجن اخبار البلد لو تسون جرد للبنيه، موافقه لو لا!

خزرنتي وكالت بالتلفون

ام أيسر ::- والله يخيه مسلم مكابلني صارله ساعه ننتظر ردكم هسه...

ضربت كصتي حيل وصحت

::- صارلهن ساعه يحجن ما يدرن موافقه لو لا!

ضربتني ابتعدت اجت الضربه بكصه هاشم عدل هستوه غافي تعبان وكمز جفلان ضحكت من كل كلبي

وامي تسويلي بسيطه.. شويه وهلهلت عله هلهولتها طبت عمه سماهر تهلهل طب أسامه يهلهل ويركص ما يدرون شنو السالفه
اسامه طب ذب لحم لعب جوله والايسر لازم أوراق يقره قصائد